الله يفرج هم كل من يساعدني في مشكلتي مع خطيبي
مجتمع رجيم / أرشيف رجيم
كتبت :
مهيره
-
عندي مشكله و مو عارفه وين اكتبها ..
لكن ثقتي في الطيبين بالمنتدى خلتني اكتبها واطلب مساعدتكم ..
انا في مكه وخطبيبي في نجران مخطوبه خلال سنتين وعلقني
المشكله اللي بيننا بعد المسافه وقل اهتمام فيني وماصار يهتم فيني ولايسال عني ولا يتصل بي خلال 3 شهور تقريبا
حتى لمن يجي يشوفني يقعد يشرب القهوه وبس ويطلع ومدري ليش متغير عليا كتير
وحتى لمن يتكلم بــ الجوال وانا معه يعطني ظهره ويحكي بالجوال ..
في امور كثيره نبي نتناقش فيها ترتيبات الزواج و غيرها من امور
لكن ما عنده وقت لي حتى 5 دقايق
ما ابي اقول لأهلي عن هذا الشي لانه ابي احل مشاكلي بروحي
و لما تضايقت و صكت فيني الدنيا طلبت انه يعطيني من وقته لاني بحاجه اني اكلمه لكن ما جاوبني و ساعات يومين و ثلاث مايرد على اتصالي مع ان يكون في شي مهم لازم اقوله له ..
احس اني تعبت وايد و مو عارفه شنو اسوي معاه
انا ما احب المشاكل و كل شي يضايقني اسكت و اروح على طول اصلي و ادعي ان الله يريحني واستخرت ربي
ولقيت في الحلم اني اتألمت احد الكليتين فقد من احد الكليتين بس ماني عارفه اهل هي اسرتي وام خطبيبي وشاورت اهلى عن الحلم قالوا اللي بتعاني من الم يعني متاعب الدنيا واللي فقد الكليه يعني فقدت الزوج او الاسره او الوالدين
لكن لما وصلت مرحلة الاكتئاب و افكار وايد تدور براسي من وسواس الشيطان زادت حالتي و اكتئابي ومو عارفه شلون اتصرف لدرجه صرت افكر انه على علاقه مع وحده ثانيه ..
و انا من النوع اللي الحمد لله اصلي بوقتها
و اقيم الليل تقريبا كل يوم
و اقرأ البقره كل يوم و احيانا اكثر من مره
و اتحرا ساعات استجابة الدعاء و اكثر من الدعاء فيها
و اي وقت ضاق صدري توضيت و صليت ركعتين و طلبت من الله يساعدني في همي
اللي ابي ان تساعدوني شلون اتعامل معاه و اخليه يحس فيني و نقدر نناقش امورنا وانا نفسيتي حييل تعبانه و اموري معلقه ..
لانه مافي وقت كلش و اهوه بارد و صاير عديم احساس و غير مبالي :(
الله يفرج همكم يا رب