أسهل و أسرع طريقة للبشاميل
مجتمع رجيم / الاطباق المتنوعة
كتبت :
azmiralda000
-
حبيت اقولكم على أسهل و أسرع طريقة للبشاميل و طبعا انا مجرباه بنفسى و اللهى, طبعا احنا مشكلتنا انه بياخد وقت طويل على النار و نقعد نقلب نقلب لغاية ما ايدينا تتهرى و ممكن كمان الدقيق يكلكع و يتجمد و حاجات من دى لكن بطريقتى ان شاء الله تكون اسهل و اسرع و للامانة انا اتعلمتها من ماما و خالتى ربنا يخليهم و يديهم الصحة يا رب
البشاميل
انا عن نفسى بحب البشاميل السايح اللى بيخلى المكرونة زى اللزانيا و اللى بتحبه تقيل يبقى تزود كمية الدقيق حوالى معلقتين او تلاتة
تغلى لتر لبن حليب يعنى تقريبا 4 اكواب و نحط عليه معلقتين زبدة و ملح و فلفل حسب الرغبة و اثناء ما هو على النار تضربى فى الخلاط 5 ملاعق كبيرة دقيق مع نص كوب ماء او لبن و اول ما اللبن اللى على النار يغلى نوطى النار و نصب عليه اللى فى الخلاط بالراحة مع التقليب و فى اقل من 3 دقايق هيكون جاهز معاكى اسهل و اسرع صلصة بشاميل ان شاء الله
ملاحظات
ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس
الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع الدقيق و النيدو
البشاميل
انا عن نفسى بحب البشاميل السايح اللى بيخلى المكرونة زى اللزانيا و اللى بتحبه تقيل يبقى تزود كمية الدقيق حوالى معلقتين او تلاتة
تغلى لتر لبن حليب يعنى تقريبا 4 اكواب و نحط عليه معلقتين زبدة و ملح و فلفل حسب الرغبة و اثناء ما هو على النار تضربى فى الخلاط 5 ملاعق كبيرة دقيق مع نص كوب ماء او لبن و اول ما اللبن اللى على النار يغلى نوطى النار و نصب عليه اللى فى الخلاط بالراحة مع التقليب و فى اقل من 3 دقايق هيكون جاهز معاكى اسهل و اسرع صلصة بشاميل ان شاء الله
ملاحظات
ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس
الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع الدقيق و النيدو
كتبت :
عاليه
-
انا اسوي بشااااميل دايما وتاخذ من وكت
ومشكوووووووووره حبيبتي ع الموضوع
ومشكوووووووووره حبيبتي ع الموضوع
كتبت :
azmiralda000
-
العفو يارب تظبط معاكى
كتبت :
البندري
-
تسلمي على الطريقة السريعة
