الاعراس في مدينة الياسمين(دمشق الحبيبه )

دايت و رشاقة دايت و رشاقة

العودة   مجتمع رجيم > ازياء موضه جمال ديكور طبخ > العروسة > الموضوعات المميزه فى العروسة

الاعراس في مدينة الياسمين(دمشق الحبيبه )

إضافة رد اضغطي هنا لاضافة الموضوع الى مفضلتك!
Like Tree1معجبون بهذا

LinkBack أدوات الموضوع انواع عرض الموضوع
الصورة الرمزية عود مسك
عود مسك
رحيق الوردات مشرفة سابقة لها عبير الورد
رقم العضوية: 76794
تاريخ التسجيل: Dec 2010
المشاركات: 3,780
الإعجابات المتلقاه: 2216
الإعجابات المضافة: 1498
نقاط الخبررة:100
عود مسك عود مسك
قديم 02-21-2011, 03:37 PM
[ 1 ]
الاعراس في مدينة الياسمين(دمشق الحبيبه ) 5e4ahnc52xsmvc3rwej.

الاعراس في مدينة الياسمين(دمشق الحبيبه ) 2vftudl5u3mwatid1hy.
الاعراس في مدينة الياسمين(دمشق الحبيبه ) d97re74w4otdty1kqmbs الاعراس في مدينة الياسمين(دمشق الحبيبه ) s2vyhtkif7dybnvs569.

اول شي راح احكي بالسوري مشان افوتكو بالجو

ويلي ما راح تفهم علي تبعتلي على الخاص وانا بترجملها

اغلب الزواجات عنا بتكون عن طريق الاهل( وبنسميها شوفة اهل )

غالبا الحكي بيكون بين النسوان على التلفون واذا كان في قبول بتجي الأم مع حدا من بناتها او اقاربها

, وان صار في قبول بيجي العريس بالزيارة المقبلة وبيشوف العروس طبعا بحضور والدها او اخوها

, في حال ربنا تمم على خير يبدا التحضير للخطوبة الرسمية

, يتم الاتفاق بالبداية بين الرجال في زيارة بيسموها " فصل النقد " عن المتقدم والمتأخر وهيك امور ,

وبيعطي العروس مبلغ بيسموه " ملبوس البدن " مشان الجهاز .ومبلغ تاني للذهب

. بعض الأسر تعلن الخطوبة مجرد اعلان وبالتالي مابيقدر العريس يجي يشوف عروسته بدون حجاب

او لحالها , بعض الأسر بتعمل " كتاب شيخ " يعني عقد غير مسجل بالمحكمة

بتصير البنت زوجته شرعا وبيقدر يجي يشوفها لحاله ..

وبعد كم يوم بييروح العريس والعروس وامه وامها حتى يشتروا المحابس " خواتم الزواج "

الاعراس في مدينة الياسمين(دمشق الحبيبه ) sb5jdttz5s7nfpm22tsl

, وبتصير كما العادة في كل مكان فترة الخطوبة العزايم والمشاوير والطلعات وبدا تأثيث عش الزوجيه

الخطوبه


وهون العاده تختلف من اسرة لاخرى منهم بكون تكاليف الخطبه على اهل العروس

ومنهم العريس بيتولى كل التكاليف (وعلى قولتهم يوووووه عاطينه بنت متل الورده وكمان ندفعلو مصاري)

المهم بنعمل الخطبه على الديق (بس اهل العروس والعريس المقربين )

وبتكون بصاله على قد الحال ازا كان العريس غير مقتدر ماديا ودائما النسوان لحال والرجال لحال

ممكن يفوتو الرجال شوي مع العريس مشان يشجعوه

اما عن اجواء الخطبه فبتعرفوا رقص وفقش واهم شي الزغاريد والمهاهاي (كلمه شاميه بحته )يعني اويهاااااا

اكيد شايفينها بالمسلسلات

وراح اعطيكو مثال يله يا بنات قولوا وراي


اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش

الاعراس في مدينة الياسمين(دمشق الحبيبه ) d4iy178c9qlkrc29dmlg

اوووووووووووها صلو عالنبي
اوووووووووووها وزيدو صلاتو
اوووووووووووها ويلي مابيصلي عليه
اوووووووووووها تطء مرارته

لوووووووووووووووووووليش

الاعراس في مدينة الياسمين(دمشق الحبيبه ) d4iy178c9qlkrc29dmlg

وبآخر الحفلة بيجي العريس شوي وبيلبسوا الخواتم قدام الحاضرين ..

الاعراس في مدينة الياسمين(دمشق الحبيبه ) nlig4tzmx85dfbvwvzh.

وبروح العريس بيسهر و بيتعشى عن اهل العروس

وبضل رايح جاي متل مكوك الحايك (مثل سوري )على بيت العروس ويزق (يجيب )بالهدايا

الاعراس في مدينة الياسمين(دمشق الحبيبه ) akcqr0jarkyq2h7y8hq.

والعروس تشتري لبس ومكياج وقمصان نوم الخ.........

والعريس بجهز البيت من مجاميعه (كل الاغراض الازمه)

العرس

قبل العرس بكم يوم بيجو اهل العروس بياخدو الجهاز وبتروح ام العروس واختها وخالتها

مشان يعلقوا الثياب ويرتبوا الاغراض الخاصه بالعروس

وهون بكون حاضر عدد كبير من اهل العريس مشان يتفرجوا على الجهاز

وطبعا كل قطعه والها طريقتها بالعرض والها زغاريد خاصه فيها

وبيعملو حفله صغيرة دق وغنى (بحموو للعرس )

وليلة العرس اهل العروس بيعملو حفله صغيره بسموها التوديعه لانها اخر يوم للبنت ببيت اهلها

واهل العريس بيعملو سهره للشباب بقولولها التعليله وتنصب الاضواء والكراسي بالشارع

وتقام الاغاني والدبكات اما ام العروس واخواته بروحو لحفلة العروس وبيعملوا الحنه وبدقوا وبيرقصوا

يوم العرس بتاخد العروس حمام سخن غيرررررررررر شكل وبتروح للكوافيره

اما العريس فبيكونو رفقاتو هرووو دعك بالليفه وعم يحمموا وبنقلها التلبيسه لانو الشاطر

يلي بلبس العريس والشاطر يلي بدو يعطره ويزبطه

وبس تخلص بترجع لبيت اهلها بتستنى اهل العريس يجوا وياخدوها

وما بياخدوها كيف ما كان لا بجيبوا سيارات كتيررررررررر و بسموها الفارده

بزينوها احلى زينه بالبالونات والورد الطبيعي

الاعراس في مدينة الياسمين(دمشق الحبيبه ) xco5i2hdslqobh1rb49.

وبصيرو يزمرزووووو وبيصرعوا الدنيا مشان الكل يعرف انو اجوووووووو

وماالكو بطول السيره بتركب العروس وبتروح على الصاله

وهون ................... تطفى كل الانوار ما عدا ضو واحد بكون موجه على الباب يلي بدها العروس تفوت منه

بينفتح الباب شوي شوي بطل العروس باحلى ابتسامه تدخل شوي شوي وطبعا قدامها في اربع بنات صغار

لابسين ابيض وحاملين شموع بوصلو للاسكي (الكوشه)تجلس العروس وتضاء الانوار

ويبدأ الرقص والغنا والفرح وهيك لما يجي العريس زافينه اصحابه لباب الصاله

ولا ننسى العراضه هاي لازم بكل عرس بتكون اللعب بالسيف والترس واستعراض النار

الاعراس في مدينة الياسمين(دمشق الحبيبه ) i6jbzkwgga8zzv9wg5y6

والعراضه الشاميه هي من التراث الشامي القديم وبتقول العراضه


صلــــــــوا
على محمد
مكحول العين
نير وغضير
والعادينا وهيييييييه


أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

ياصلاتك يامحمد
والصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

لا إله إلا الله
محمد رسول الله



===

في وحدة تانية :


شنكليلة شنكليلة
الله يعينه على هـ الليلة
من هالليلة صار له عيلة

الى آخر من هنالك من العراضات ..

بهاد الوقت بتروح العروس لباب الصالة استعدادا لاستقبال العريس اللي بيدخل بمرافقة والده

اول مايشوف العروس بيرفع عن وجهها الطرحة وبيبوسها وبيتوجهوا على الاسكي ,

بيلبسها الدهب و بيبدلوا مكان الخواتم من الايد اليمين الى اليسار , وببيسلموا على الناس

الاعراس في مدينة الياسمين(دمشق الحبيبه ) f09hzm4p1qei84thkj1t

وبيرقصوا عادي وبيرقصوا slow , وبعدين بيقطعوا الكيك وبيتصوروا

وهون بتيجي الضيافه واكيد كلكوا الايمع (البوظه العربيه بتتكون من حليب وقشطه معجونه بالفستق الحلبي

الاعراس في مدينة الياسمين(دمشق الحبيبه ) 09e3n3d3g2pxmldajs76

الاعراس في مدينة الياسمين(دمشق الحبيبه ) 7nnkbpa6pjo9tjhpwrrr

ازا كان العرس بالصيف اما ازا بالشتاء بتكون الضيافه محلايه (او شكك الفقراء)عباره عن مهلبيه

الاعراس في مدينة الياسمين(دمشق الحبيبه ) oirhqbgb42498tap2hg7

وعلى وجها كريمه ومكسرات وطبعا مع الكيك يلي قطعوا العرسان

متوسطيا بتخلص الاعراس حوالي الساعة 12 او 1 , وفي اعراس بتضل للاربعة الفجر تقريبا ..

بنهاية العرس بيطلعوا العرسان بالسيارة المزينة ووراهم سيارات الاصدقاء والاقارب

وطبعا التزمير شغال وبروحو لفه بدمشق مثلا على جبل قاسيون

وبعدين بيوصلوهم على الأوتيل او على البيت

, ان كانوا رايحين على البيت من العادات القديمة

انه مستحب بيدخلوا معهن على البيت اول شي مصحف وسجادة صلاة

ويحطوا اعند الباب نبات اخضر ( باعتبار النبات رمز الخصب والحياة ) .

وفي ناس بجهزو عجينه لازم العروس تلزق العجينه على حيط الباب قبل ما تدخل

مشان تلزق ببيت زوجهاوما تطلع منه والمشكله ازا العجينه ما لزقت بضل العروس تحاول لحد ما تلزق

تاني يوم الصبح في ( الصباحية ) والتحية المعروفة فيها ( صباحية مباركة )

بيجوا امهات العروسين بيزوروهن وبيباركوا الزواج ..

وطبعا ممنوع العروس تزور اهلها الا ازا عملولها عزيمه كبيرة وبسموها ردة رجل

بعد الزواج بفترة قصيرة ام العروس بتعمل " مباركة " للعروس ,

وكمان بيجوا بنات العائلة والصديقات بيعملوا بالبيت حفلة صغيرة ..

وبتبلش الناس تروح تبارك للعروسين وبياخدو معاهم الهدايا

او بيعطو العريس مصاري شان يكمل يلي ناقصه بالبيت

وكل الاهل والاقرباء بيعزموا العرسان على الغدا وبضل ينعزموا شهر كامل

وهيك بتنتهي قصة العرس الشامي

بتحبو احكيلكم عن قصة الحمل والولاده ولا بكفي هيك ..........


الاعراس في مدينة الياسمين(دمشق الحبيبه ) mv476903dqclzmjkwp8.

قد يهمك أيضاً:
انقاص الوزن رجيم

عود مسك غير متواجده حالياً  
الصورة الرمزية LOVELYWIFE
LOVELYWIFE
رحيق الوردات مشرفة سابقة لها عبير الورد
رقم العضوية: 38711
تاريخ التسجيل: Mar 2009
المشاركات: 4,784
الإعجابات المتلقاه: 1003
الإعجابات المضافة: 114
نقاط الخبررة:101
LOVELYWIFE LOVELYWIFE
قديم 02-21-2011, 04:03 PM
[ 2 ]

ودامت الافراح حليفة دياركم العامرة

لا خلص حبيبتي بكفي الحمل والولادة قسم ثاني وحفلة ثانية اكيد
موضوع حلو يسلمو
قد يهمك أيضاً:

LOVELYWIFE غير متواجده حالياً  
الصورة الرمزية um rawan
um rawan
رحيق الوردات مشرفة سابقة لها عبير الورد
رقم العضوية: 57774
تاريخ التسجيل: Feb 2010
المشاركات: 18,763
الإعجابات المتلقاه: 699
الإعجابات المضافة: 828
نقاط الخبررة:100
um rawan um rawan
قديم 02-21-2011, 04:13 PM
[ 3 ]
اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش
ماشي الله ما احلي الزواج السوري
بارك الله فيك حبيبتي
عن جد استمتعت بالموضوع والفرح الشامي
ربي جعل ايامك كلها افراح يارب
واحلي تقيم لاحلي حبيبه
قد يهمك أيضاً:

um rawan غير متواجده حالياً  
الصورة الرمزية Coeur de Rjeem
رقم العضوية: 63874
تاريخ التسجيل: Jun 2010
المشاركات: 21,208
الإعجابات المتلقاه: 29794
الإعجابات المضافة: 15926
نقاط الخبررة:2650
Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem Coeur de Rjeem
قديم 02-21-2011, 04:21 PM
[ 4 ]
انا جيت باله اعملو طريق ههههههههههه
انا جيت وجبت احلى وسام واحلى تقييم لاحلى الاء
تسلمي حبيبتي
انا عندي طلبين اول شي وين المالح احنا شفنا الحلو بس
تاني شي لما تروحي سوريا ويكون فرح ابعتيلي بطاقه دعوه


اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش
قد يهمك أيضاً:

Coeur de Rjeem غير متواجده حالياً  
الصورة الرمزية ام البنات المؤدبات
رقم العضوية: 63484
تاريخ التسجيل: May 2010
المشاركات: 8,569
الإعجابات المتلقاه: 5432
الإعجابات المضافة: 4072
نقاط الخبررة:103
ام البنات المؤدبات ام البنات المؤدبات
قديم 02-21-2011, 04:52 PM
[ 5 ]
اووووووها ع الهشي الهشي
اوووووها وطبخنا المحشي
اوووووووها عود الحلوة
اوووووووهاابدعت هون
اوووووووها وتستحق التقييييم
لوللولولولوليششششششششش
عشنا معك حفلا رائع رغم انه دخل العرس التقليدي على العصري بس الاجواء التقليدية تحفة
لك ودي
قد يهمك أيضاً:

ام البنات المؤدبات غير متواجده حالياً  
الصورة الرمزية عود مسك
عود مسك
رحيق الوردات مشرفة سابقة لها عبير الورد
رقم العضوية: 76794
تاريخ التسجيل: Dec 2010
المشاركات: 3,780
الإعجابات المتلقاه: 2216
الإعجابات المضافة: 1498
نقاط الخبررة:100
عود مسك عود مسك
قديم 02-21-2011, 04:55 PM
[ 6 ]
حبيبتي نهوله شكرااا كتير على التقيم والوسام


بس للاسف ما بنقدم مالح في اعراسنا


وان شاء الله في فرح اخوي بالصيف اكيد كل المنتدى معزوم
قد يهمك أيضاً:

عود مسك غير متواجده حالياً  
إضافة رد

الاعراس في مدينة الياسمين(دمشق الحبيبه )



« صور تحضيرات يوم زفافي حصري لسماء الابداع العرس السعودي بهحهه وفرحه {اعراس من كل مكان } »

أدوات الموضوع
انواع عرض الموضوع

الموضوع كاتب الموضوع المنتدى مشاركات آخر مشاركة
طائر المينا,طائر الياسمين,معلومات بالصور عن طائر الياسمين Hayat Rjeem الموضوعات المميزة فى العلوم الطبيعية 7 05-25-2013 12:39 AM
الياسمين نبات عطري - خصائص والمكونات الفعالة لزيت الياسمين - طرق استخلاص الزيت العطري لأزهارالياسمين استخدامات واختيار زيت الياسمين - وطرق العناية واستخدام بأزهار الياسمين - شاي الياسمين هدوء فتاة الاعشاب الطبيعية والتغذية 6 02-15-2013 04:19 PM
زهرة الياسمين- اهم استخدامات زهرة الياسمين بتول الغلا الاعشاب الطبيعية والتغذية 2 10-10-2012 01:33 AM
صور من مدينة بعلبك اللبنانية..مدينة الشمس honey أرشيف رجيم 39 06-21-2010 12:37 AM
مدينة الجسور المعلقة : قسنطينة - سيرتا - قيرطا- نوميديا - مدينة العلم والعلماء Ganan Ahmed سفر سياحة فنادق منتجعات 13 03-17-2010 05:04 PM


الساعة الآن 12:28 PM.


كشكول
منتدى رجيم منتدى مستقل تابع لمؤسسة المصابيح التقنية
Powered by vBulletin® Version 3.8.7, Copyright ©2000 - 2015, Jelsoft Enterprises Ltd.
Content Relevant URLs by vBSEO 3.6.0