بيتزا خطيرة من مطبخي بالصور
مجتمع رجيم / المعجنات وَ السندويشات
كتبت :
دينار
-
كان نفسي في البيتزا وقلت اعملها واصورها واشوف رايكم ايه
المقادير
كيلو دقيق هيطلع 4 صواني
باكو خميرة فورية
بيضة
كوب زبادي
نصف كوب زيت
رشة ملح وفلفل اسود
كوب لبن
طماطم عصير ومعاه هنضرب الثوم عشان ميظهرش في البيتزا
جبنة رومي ومثلثات وشيدر
زيتون
بسطرمة
فلفل رومي
بصل
ثوم
2 كوب ماء دافيء
معلقة سكر
نضع الدقيق في وعاء بلاستيك ونعمل حفرة ونضع البيضة المربوبة مع الفلفل الاسود
والزبادي واللبن
وملح خفيف
والزيت والماء الدافيء شوية بشوية ونعجن جيدا
الخميرة بنحطها بالقليل من الماء الدافيء والسكر ونتركها في مكان مظلم كدولاب المطبخ او الفرن
بعد كده نقلبها جيدا ونضعها ونكمل العجن
بعد متكون العجينة متماسكة نغطيها بقماشة ونحطها في مكان دافيء
ونتركها تخمر وكل شوية نروح ندوس عليها بالراحة عشان تهبط وترجع تخمر تاني
بعد كده نجهز الصواني ندهنها زيت ونشكل العجينة مناسبة لكل صينية ولو نعملها ميني بيتزا نفرد العجينة ونشكلها بالكوب
نشوح البصل مع الفلفل الرومي في شوية زيت ونضع الطماطم المعصورة عليهم وفلفل اسود ونتركها تتسبك جيدا
نفرد الصلصة جيدا علي وجه الصواني ونضع الزيتون والبسطرمة ونرش الجبنة علي الوجه
وده الشكل النهائي
شكلها وطعمها روعة اتمني تجربوها
ولاتنسوا حبيباتي التقييم
