هدية الزوج بمرور سبعة أعوام على زواجهم ؟!
مجتمع رجيم / الحياة الأسرية
كتبت :
عبير ورد
-
عزيزتي الزوجة : دعينا نخرج من زحمة الحياة ومشاكلها بطرفة نستمتع بها سويا
قصة واحد مسكين كل احتفال بيوم زواجهم بقعد يفكر أيش يهدي زوجته :
في العام الأول : اهداها عطر : قالت له : ليش 000 مو عاجبتك ريحتي !! تراها أحسن من ريحتك ونعم الزوجة كلها ذوق ورومنسية
في العام الثاني : اهداها فستان : قالت له : لا يكون مو عاجبتك ثيابي بعد رايح تشتري ثياب وبعدين أيش ها الذوق 00 وع على هاللون الله المستعان قمة قمة في الذوق الله يعينه على ما بتلاه
في العام الثالث : رومنسي الرجال أهداها ورد قالت له : وه- مالت على البخل اللي أنت فيه ما لقيت إلا الورد أكيد جايبه من الشارع بصراحة لو طلعها الشارع كان أفضل
في العام الرابع : اهداها تذاكر سفر للخارج 00 علشان يقضون كم يوم حلوين قالت له : ايش عندك تبي نسافر 00 ونخلي العيال 00 وأخلي أهلي 00 لا لا ما يصير إيه أكيد مخبي علي شيئ وما تبيني أعرفه علشان كذا تبي نسافر حركاتك ذي مو علي مفهوم
ارضاء مثل هذه الزوجة غاية لا تدرك
في العام الخامس : اهداها طقم ذهب : قالت له : أكييييييييييييييد مسوي مصيبة 000 الله المستعان نست نفسها إنها هي المصيبة ومتحملها وتبي تسكتني 00 وأللا ما كنت جبتلي ذهب شوفو الجحود يا حريم اعرفك بخيل من يومك
في العام السادس : قال احسن شيئ اعطيها فلوس تشتري إللي تبيه طبعا برقت بعيونها وقالت له : قايليلك جايه أشحت منك 00 ما عندك حتى رومنسية في رجال يعطي لحرمته فلوس في يوم زواجهم
عاد هي مقطعة الرومنسية الله المستعان
في العام السابع : تتوقعون إيش أهداها ؟؟ بعد هذه السنوات الرائعة من الحب والاحترام والتقدير !
8
8
8
8
8
أهداها ورقة الطلاق مسكين ما قدر يتحمل أكثر غالياتي الزوجات هذه فيها من الواقع ولكن بطريقة مبالغ فيها
جنت على نفسها براقش الرجل لديه قوة تحمل لكن لم يستطيع أن يجامل أكثر من ذلك
ودمتم بخير