اليوم جايبلكم بيتزا خفيفه جدا و طعمها مممم يجنن بس خفيفه جدا
طبعا يا ريت تسامحوني علي غيابي فتره طويله لظروف حملي ادعولي الله يستر و يتملي علي خير

يلا نبدأ بسم الله




المقادير:

1. رغيف لبناني اسمر
2. 2 م ك صلصه طماطم عاديه
3. 1 م ك صوص باربكيو
4. 1 م ك صلصه صويا
5. بصله صغيره
6. حبه طماطم متوسطه
7. حبه فلفل اخضر صغيره
8. مشروم قطع
9. 3 حبات زيتون اسود (عشان تبقي بيتزا )
10. جبن شيدر و جبن موتزريلا خالي الدسم
11. ملح و فلفل

الطريقه:
سخني الفرن و قطعي الطماطم و البصل و الفلفل و الزيتون و رشى عليهم قليل من الملح و الفلفل
اخلطي الصلصه مع الصويا مع الصوص و ادهني بيه الرغيف
قومي بتوزيع الخضار علي الرغيف و طبعا ممكن تخترعي و تضيفي تونه او سوسيس ديك رومي او اي شئ خفيف تحبي طعمه و لو فلفل هلابينو اكيد ممكن
وزعي الجبن علي الوجه و دخليها الفرن الحامي 10 دقائق فقط حتي تسيح الجبن

طبعا الخطوات سهله مش محتاجه تصوير بس انا صورت النتيجه عشان تشوفو اد ايه سهله و حلوه جدا


قطعتها



و صوره كمان

و دي لاول رد


و بمليون هنا يا رب