السلام عليكم
( لاتنسوا تردوا السلام )
بصراحة أنا حالي حال أي سمينه
ما ألبس زي الناس ولا اتكشخ زي الناس لأنه أساسا الكشخة ماتصلح على السمينه ( لاتجي تضحك على نفسها وتقول إلا علي تطلع حلوه حتى لو كانت حلوه على الرشيقه أحلى وأتحداك )
المهم بلا كلام يضيق النفسيه
خلاص إتخذت قرار إني راح أسوي
رجيم الكربوهيدرات وإلي تبغى تسويه معاي حياها الله
وإلي مالها خلق أو خايفه تفشل أقولها
تحاولين ولو تنقصين كيلو أبرك من إنك تزيدين كيلو ولا ؟؟!! 
وإلي تقول المدة طويلة أقولها أشوفك نحفتي ألحين قبل كم شهر تدورين على رجيم سريع والحين ماتبين هذا الرجيم والشهور منك راحت وإلى الآن
تدورين على رجيم !! تحركي من ألحين أحسن قبل مايجي الاسبوع الجاي ونكسب كم كيلو
زيادة ..
هذا
أولا
وثانيا طبعا تبون تعرفون الشروط صح ..
شروطي غريبه لكن
مقنعه ..
أول شرط لازم عند قياس الوزن تكوني توك صاحية من النوم
( على الريق يعني ) وتروحي الحمام ( تفضي التانكي هههههههه
) ثم
وقت القياس لازم ماتكوني ( أعزكم الله ) لابسه شيء لأنه الملابس تزيد من الوزن وإلي ماهي مصدقتني تقيس وزنها بملابس وبدون ملابس
ثاني شرط لما
تخربطي لازم تقولي وش خربطتي ووش الكمية علشان نحدد لك العقاب الملائم
وثالث شرط والأخير لازم الرياضة ثم الرياضة ثم الرياضة اهم شيء ماتقل
عن 10 دقائق الأسبوع الأول
أتمنى ماتشوفوا شروطي قاسية لكن أنا أشوفها لمصلحتنا
في أمان الله
ملاحظة بكرة راح نبدأ : 11 / 3 /2010