السلام عليكم يابنات

انا مش من طبيعتي ماادخل لليوميات لان اصبح جزء من حياتي اليوميه
ولكن البارحه كانو بيت اختي عندي واليوم راحو ولهذا ماقدرت ادخل .. يعني مش معقوله هم موجودين وانا اقعد عل النت
بصراحه اشتقتلكم

قريت اليوميات كلها
ام محمد
مبروك عليج النزول حبيبتي وعجبتني الخلطه .. بس انا مشكلتي مااحب الميرميه
اما عن ماء الزعتر .. انا كان عندي منه من فتره بس كنت استخدمه من تكون نفخه عندي واشربه بدون اضافه ماي ...مقدار فنجان قهوه .. مفعوله رهيب على النفخه
وماقلتي شو قالت لج الدكتوره ... اظن موعدك امس كان ؟؟؟ طمنينا عنج

بنت العز
شنو هالحماس والنشاط ماشاءالله عليج ويارب دوووم تطوني هالشكل والله فرحت فيك....ومشتاقه اشوفج تكتبين بلون غير الاحمر
ولاتبخلين علينا بالرسائل .... كثير كثير احبها .... يعطيج الف عافيه

زهرة التيوليب
يااارب يجعلك دوووم مبسوطه وفرحانه ... ويجي عرسك وانتي احلى عروس ورشيقه وراضيه عن نفسك
وبالنسبه للتمارين .. احنا بعد مدربتنا روسيه وشطوره وماشاءالله جسمها يشجع اللي ماتتشجع
وشكرا حبيبتي على سؤالك عني .. بس انتي افتقدتي غيابي

ورده فواحه
حمدلله على سلامة زوجك ويارب دوم هاي الفرحه

سكارليت
عجبني التحدي بينكم ... يلا منتظرين النتائجونشوف الزفه لمين

وينك شيهانه ونرجوسه ودبدوبه ووين بقية البنات