تيوليبه ياقلبي ايه هوه اللي مش فاهماه بالظبط مش فاهمه يعني ايه الاربعين ولا مش فاهمه ليه الوحده تروح عند اهلها لحد م الاربعين يوم يخلصوا
علي العموم ياحلوه بلدنا يعني في الصعيد عاداتنا زي عادات ام محمد يعني الوحده لما تولد تروح بيت ابوها لمدة 40 يوم لانها تكون تعبانه و اهلها يعتنوا بيها وبالبيبي ليل نهار
اما سبوع المولود فبيكون في بيت اهل الزوج تروح الزوجه اليوم ده هناك ويعملوا العقيقه او السبوع لكن طول ال40 يوم تكون بيت اهلها والعادات ان كل يوم تاكل فرخه بلدي كبيره علي الغداء مع شوربه
ولحم علي الافطار ومغات نص الكبايه سمن بلدي وحاجات كده تخلي الوحده تزيد 40 كيلو في 40 يوم ههههههههههههه
وبعد الاربعين مثل ما قالت ام محمد الوحده تهتم بنفسها كانها عروس وييجي زوجها ياخدها
وده المختصر المفيد وياريت ام محمد تقولنا علي عادات بلادهم في هذه المناسبه