هههههههههه فديت روحكم زهووره وسكارليت ماطلبتوا شي من عنوني هههههه
إحنا عندنا في الامارات الوحده يوم تربي تروح بيت أهلها وسابع يوم يحلق راس الياهل ويوزن بوزن الفضه ويزكى بهالفلوس إلي تطلع يعني 20 أو 30 درهم
ونسوي عقيقه في سابع يوم نعزم كل الاهل على الغدا وبعد نوزع لحم للفقراء وطبعا امي ماتقصر الصبح توزع هريس للجيران ههههه
وطبعا الحرمه المربيه ماتقوم من الفراش أي شي تباه يجيها لين عندها وولدها أمها تسبحه كل يوم
وهي تكون أميره كل مطالبها مجابه خخخ
فطورها يكون خبز رقاق ومرقه (يسمونها كراسيع) مفييييييييييييييده للظهر والعظام في بعظهم يسوون ماش بس إحنا نسويه بروحهه لأن الماش مفيد للعظام
الغدا خبز رقاق ومرق لحم وخضااااااااااااار وشوربه ماش طبعا الشاي ممنوع و الملوخيه والحوامض خصوصا الليمون الباميه المشروبات الغازيه القرع الموز كلها ممنوعه
ونشرب الحبه الحمرا ووووو ههههه
طبعا كل الوجبات في وقتها وإحنا عندنا بالعكس إلي تربي تكون خاسه 10 كيلو هههه لأنه ماشي عيش ولا دهون ولا مقليات هههههه