ما شاء الله البنات مخلوش حاجة
بس انا هقولك خلى كلام الناس ده حافز ليك انك هتثبتلهم انك قادرة تخسى و عندك عزيمة و قولى لنفسك ان هايجى اليوم اللى هيسألونى انتى وصلتى للوزن ده ازاى ؟عملتى ايه ؟
بصى انا كنت فى سنك قبل ما اتجوز 95 من غضبى من تعليقات الناس وصلت 72 فى تلت شهور بدون حرمان ومشى فقط و بعدين وصلت ل62 بالتمارين والريجيم
اول ما بدأت بدات اعود معدتى تاكل بمواعيد بعدين بدات اعودها على كميه قليلة
السكر كنت بشرب 3 معالق نقصت بالتدريج نص فى نص لحد ما بقيت اشرب شاى بنص سكر والقهوة بربع معلقة
البيبس كنت بعشقه بدلته بالدايت بعدين بقيت اخليه مرتين او تلاتة و أنقص وأبدله
افكر عايزاه ولا محتاجة اشرب حاجة مسكرة بس اشرب عصير فرش
وكنت اكل شوكلاتة اصغر حاجة وقبل ما ابتدى امشى على طول عشان احرقها والبطاطس الشيبس نفس الشئ
والمشى بدأت بربع ساعة واتدرجت لحد ما وصلت ساعتين ما شاء الله
كان فى ناس كتير ما شفتنيش فى الفترة دى لان كان دراسة بعدين امتحانات و شفونى يوم فرحى كانو مزهولين كل واحدة مجهزة روحها للتريقة القاها فاتحة فمها كانها واخدة صدمة كهربة ويقولولى مش انتى!! رحتى فين؟ عملتى ايه؟ وانا اقول ولا حاجة مشيت وخففت وده اللى حصل
نسيت اقولك الاكل مش كل يوم نفسك تاكلى مسبك او محشى او حاجة دسمة بالعكس لو ركزتى هتلاقى اغلب الوقت نفسك فى حاجة خفيفة وكترى الخضار والفاكهة تخسى ووشك ينور ربنا معاكى ومستنية أهنيكى بالنزول سلااام