عرض مشاركة واحدة
كتبت : اتمنى
-
"اسمعي بقول لك قصتي مع الريجيم وانتي احكمي
انا من ايام الجامعه كان جسمي وسط .. مرات يزيد مرات ينقص بس still ماعليه كنت البس مقاس 38
لما حملت وزني صار ينقص وكل مره اروح للدكتوره تقول لي ياويلك لو ماجيتي زايده الشهر الجاي ع الاقل كيلو ..
ولدت والحمدلله لما انتهيت من فترة الاربعين كنت البس نفس ملابسي عادي كنت بموت من الفرحه واقول من قال الولاده تسمن
المصيبه انو بعد الولاده بشهرين انتفخخخخخخت والله صرت دبا دبا مره
جاني اكتئاب بقوووه .. خصوصا انو توظفت وعمر ولدي 4 شهور
كنت اطفش وانا اروح للدوام ما يعجبني لا لبسي ولا شي, الشي اشتريه حلو واذا لبسته عفته
لقيت وحده بالدوام برضو توها ولدت اتفقنا نسوي ريجيم
ياربييه كانت انواع العذاب الموظفات كلهم يجيبون حلويات ومعجنات وفطور يفتح النفس
وانا وزميلتي شابوره نخاله وشاهي
وبالبيت اكل صدر دجاجه والعصر مرات اكل بذرة الكتان تراها فظيييييييييعه للتنحيف
ومرات اشرب اكليل الجبل وهذا من جد روووووووعه وغير كذا يجيب لك النوم اللي فيها ارق تشربه
والعشاء كان زبادي او سلطه او اي شي
من جد كنا انواع الحرمان ..
كنت متحمسه اروح اقيس وزني بس اقول لا يابنت اصبري لما ينتهي الشهر ع اساس
تفرحين بكيلوات كثيره
ونهاية الشهر لما قست وزني صرت نازله بس كيلو ومو كيلو كامل ناقص كم جرام
انواع الاحباط وجلست ابكي من القهر .. كلمت زميلتي صارت مثلي نازله كيلو ونص بس
كملنا ريجيم ونهاية الشهر الثاني قست طلعت نازله 2 ونص بس
بغيت انهبل واروح لدكتوره قلت ابيها تقيس وزني بنفسها اخاف الميزان اللي عندي مضروب
طلع نفس الشي وزني ما نزل من بداية الريجيم شهرين الا 3 ونص
ما تتخيلين كيف نفسيتي صارت زفت
غير تريقة زميلاتنا بالدوام يقولون ذابحين نفسكم شهرين ولا نشوفكم تغيرتو
انا وياها طنشنا كلامهم اللي يصبرنا كان انو لنا يوم مفتوح ناكل فيه وجبه على كيفنا .. مره بالاسبوع
وبعدها كنا ناكل حبة زينيكال اذا كانت دسمه مره
بدينا بالشهر الثالث وكنت احس جسمي ينزل بس اقول اكيد يتهيأ لي لاني من جد بديت احس بالاحباط
من انو ينزل ..
لما انتهى الشهر الثالث وقست وزني ياربييه ما تصدقين نزلت 7 كيلو وقسم بغيت انهبل
اطلع وانزل ع الميزان كل شوي مو مصدقه
انا كنت حاطه ببالي انزل 15 كيلو بس كملت بعد ثلاث شهور ثانيه ونزلت فيها 7 كيلو
وصار المجموع 17 كيلو بـ 6 شهور تقريبا
والله لما انتهيت من الريجيم ملابس الدوام صارت واسعه كلها .. واااو وناسه رحت اشتري ملابس جديده
الفرحه اللي تحسينها وانتي تقدرين تلبسين اي شي تسوى الجوع والاحباط اللي تحسينه وقت الريجيم
تخيلي بعد الريجيم وحده من زميلاتي قالت لي بعترف لك باعتراف
تقول اول ما داومتي عندنا اقول بنفسي يالله مسكينه تلبس ملابس حلوه بس ابدا ما تبان عليها عشان سمنتها

اللي ابي اوصل له من هالكلام انو عادي تحسين بلحظة ضعف بالريجيم ولحظة تحبطين فيها
وتحسين انك بلحالك لكن بالاخير اهم شي عزيمتك وهل انتي تبين فعلا تنحفين او لا
اذا ايه معناها لازم تكملين خلي ببالك لحظة لما تقيسين وتلقين وزنك نازل 20 كيلو
واااااو وناسه هاللحظه من جد ما تتقدر بثمن"