صباح الخير بنات
انا الحمد لله كويسه جيجي بس للاسف مش ماشيه علي الرجيم بس الحمد لله اكلي قليل اليومين دول
ام الجوهره وحشتينا يايت نطمن عليكي ونعرف اخبارك مع الرجيم
الذاكرات تعرفي انا عامله كراسه معظم الايام بتاعه الرجيم كاتبه فيها اللي باكله ونوع الرجيم ومواعيد الاكل
في شكل جدول عشان افهم طبيعتي في الاكل وايه اللي يخليني التزم وبجمع ملاحظات اكتشفت حاجات في نفسي من خلال الجدول دهوهي:
1 - ان افضل نظام بلتزم بيه بيكون نظام قاسي خالي من الطبخ زي رجيمات 12×12 والزبادي والبرتقال
2- ان نقطة ضعفي طول اليوم من الساعه 6 للساعه 9 مساء لو عدا الوقت ده علي خير من غير تخبيص بكون كويسه باقي اليوم
3- ان القهوه بتسد نفسي عن الاكل وبتساعد في الالتزام بالرجيم
4- اني لما بخرج باكل اقل من لو اني قاعده بالبيت
المهم انا بنصحكم تعملوا جدول لنفسكم بعد 3 اسابيع هتكونوا فهمتوا نفسكم اكتر وتعرفوا ايه اللي ممكن تلتزموا بيه وايه نقاط القوه والضعف وتحسنوا من ادائكم
رنا يرزقنا جميعا الزريه الصالحه المعافاه الحسنة الخلق والخلقه ويقر اعينا جميعا يارب العالمين