اهلا بيكي انتي يا حلومة مرسي جدا
انا ان شاء الله هجرب طريقة الملفوف اصلي مبحبش ازنق نفسي في الاكل هههههههههه
انا قرأت انكو بتنطو الحبل. نط الحبل بيكبر الصدر بس لازم الواحدة تكون لابسة bra علشان ميحصلش فيه ترهل
انا كنت عملت دايت بس ال دايت الصيني chinese dirt اللي هو عبارة عن نصايح بس وهي
1- ممنوع الشرب اثناء الاكل اوبعد الاكل الا بعد ساعتين
2- لو الشرب قبل الاكل يبقي ب ربع ساعة
3- عدم الاكل قدام الtv
4- عدم الاكل قبل النوم ( اقل حاجة 3 ساعات ) وتبقي حاجة خفيفة
5- عدم الاكل بين الوجبات
6- استنشاق هواء منعش صباحا
7- التنفس بعمق من الرئتين وليس البطن
8- مضغ الاكل جيدا
ده اللي انا فكراه منه بس غالبا مفيش غير كدة
وكل حاجة ليها سبب
رقم 1 اللي هو ممنوع الشرب اثناء الاكل. سببه ان العصارة المعدية بتبقي مركزة فلو شربتي ميه بتخف وتاثيرها بيقل وطبعا ده بيعمل بطن
رقم 2 سببه ان المية بتتاخد علي معدة فاضية بتمتص بسرعة
رقم 3 سببه ان الاواحد مش بيبقي مركز قدام ال tv وبياكل اي كمية ومش بيحس انه اكل وبيزود الاكل وكمان مش بيهتم بالمضغ وده حاجة اساسية
رقم 4 سببه ان بالليل بتبقي العصارة المعدية اللي بتهضم الاكل عملها بيبقي ضعيف ف ناكل خفيف وطبعا مش بتشتغل والواحد نايم
رقم 5 ان الاكل بين الوجبات بيزود calories وبيبقي الاكل مش منظم
رقم 6 لان الهوا المنعش اللي هو الصبح بيبقي فيه اكسجين نقي اللي بيساعد الجسم علي حرق الطاقة وان الجسم يشتغل كويس
رقم 7 لان التنفس من الرئتين هو الاصل المفروض الواحد يفضل شادد بطنه ويتنفس من صدره لان الهوا ده عامل مهم جدا في الدايت
رقم 8 لان طبعا مضغ الاكل مش كويس بيخلي المعدة مش قادرة تهضم كويس ويتعبها وطبعا الاكل مش بيمتص كويس فبيطخن

بس يا قمرات واللي عايزة تكتب الدايت الصيني في موضوع مستقل ok زي ما انتو عارفين مش بعرف اعمل مواضيع جديدة وعايزة كله يستفاد واللي تستفاد تدعيلي ربنا يحبب فيا وفي جوزي خلقه
وطبعا قللت الكميات اللي كنت باكلها وكنت باكل كل حاجة الحمد لله
ممكن تاخدو النصايح دي في الدايت بتاعكو. انتو اكيد ماشيين علي معظمها
انا كنت عاملة الدايت بتاعي ده بس ههههههه لانه اسهل دايت
بس انا كنت عايزة طريقة الملفوف علشان الدايت بيخسس الجسم كله وانا عايزة النص اللي تحت بس