الموضوع
:
الشيف حسن وصل .....ياجمالة ياجمالة
عرض مشاركة واحدة
كتبت : مروة ملك
-
الشيف حسن وصل .....ياجمالة ياجمالة ..متجدد
حلويات الشيف حسن خطوه بخطوه بالصور
******************
مين فينا ميعرفش الشيف حسن
ولا مين فينا مبيتعبش حلقاته
ولا حتي مين فينا مجربش حلوياته
وعلشان كده هنعمل الملف ده ان شاء الله
نجمع فيهاوصفات وحلويات الشيف حسن
اكيد في ناس كتير كتبوا حلويات للشيف حسن
لكن للا سف مش مجمعه في مكان واحد
واللي بيكتب شويه بيزهق وميكملش عارفين ليه؟؟
علشان ايد لوحدها متصقفش
وعلشان الموضوع ينجح لازم كلنا نشارك
يالا بينا نبتدى ...متجدد ان شاء اللة
الكنافة المبرومة بطريقه الشيف حسن
هاتي كنافة طازة طرية و خدي منها شريط طويل بطولها يعني مش تقطعي منها حوالي متر تقريبا
و بعدين حطي الحشو بتاعك و يكون كتير علشان يكون شكله حلو و اخلطي الحشو بمعلقة شربات تقيل زي العسل النحل كده قبل ما تحطيه علشان يمسك بعضة مش يوقع و انتي بتقطعي
و بعدين ابرومي كويس و انت ضاغطة علشان مش يفك و هاتي صاج طويل و بعد ما تخلصي حطيها فيه و زنقيها بجاحة علشان مش تفك و كملي كله وحطي جنب ببعض
و سيبها كده مكشوفي ليله كامله و الصبح هتلقيها نشفت هتجيبي صينيه طويله و غويطة و تمليها سمن سايحة(مش ينفع زيت هيخليها تحمر بني مش دهبي) لحد ما تسخن كويس حمري فيها الكنافة و تكون السمن مغطياها كويس و بعدين طلعيها
و حطي عليها الشربات لحد ما تتشرب و تبرد قطعيها براحة كده حتت صغيرة بالورب و يارب تعجبك
سينابون رول
شيف حسن
اولاً::لازم الرخامة اللي هنشتغل عليها تكون باردة
ثانياً:: المطبخ مايكونش حر
ثالثاً::الزبدة المستخدمة في العجن او الحشو تكون بدرجة حرارة المطبخ
(ديه بأه سبتها في المطبخ علشان تاخد درجة حرارته)
مقادير العجين::
1كيلو دقيق مخبوزات
ملعقة كبيرة خميرة فورية جافة-20 جم
)
ملعقة صغيرة محسن خبز-5 جم
1/4 كوب سكر بودرة-50 جرام
1/3 كوب سكر بني- 70 جرام
1/3 كوب لبن بودرة – 70 جرام
3/4 كوب زبدة-150 جرام
2 1/4 كوب ماء -450 جرام
2 بيض – 100 جرام
الطريقة::
نحط النواشف كلها في الكيتشن ماشين و نلفها شوي علشان تختلط و تتماسك
و بعدين نحط الزبدة بدرجة حرارة الغرفة(طرية) قطعة قطعة لحد ما تخلص الكمية و تتجانس مع باقي المقادير
و نحط البيض واحدة واحدة(بيضه بيضة)لحد برضه ما يختفي و يتجانس مع العجين
و اخيرا نحط الماية شوية شوية لحد ما تنتهي الكمية
و نسيبها شوي في الكيتشن ماشين تلف و هنلاحظ ان لونها بقي افتح
(3 دقائق علي اول سرعة-و 4 دقائق علي السرعة التانية)
نرش عليها رشة دقيق و هي بتتعجن علشان تلم معاي و يسهل اني اشيلها
كده خلاص العجين خلص
نخرجها من الكيتشن ماشين هنلاقيها بتخرج معانا بسهولة نلفها في كيس بلاستيك و نسيبها تريح في الثلاجة لمدة 4 ساعات
مهم جدا اسيبها تريح و مهم الوقت اللي هتريح فيه
بعد الاربع ساعات
محتاجين نشتغل في مكان بارد
نرش الاول دقيق علشان العجين ما يلزقش
و نفرد بالراحة بالنشابة
هنلاقي العجين بيتفرد معانا بكل سهولة
و مش بيمط
علشان مستريح
نفردها كبيرة اوي
و الطرف اللي هنااك ده اللي هيقفل علي العجين لما نلفها رول نرَفًعه جدا علشان يلزق
و طول ماحنا بنفرد العجين لو حسينا انها هتلزق نرش رشة دقيق و نكمل فرد
كده العجين جاهز للحشو
الحشو::
حشو قرفة او شوكولاته
1/4 كيلو زبدة طرية بدرجة حرارة الغرفة-250جرام
150 جرام سكر ابيض او بني-3/4 كوب
30 جرام قرفة او شوكولاته
(لو عايزة الحشو قرفة يبقي حطي قرفة و لو عايزة شوكولاته حطي شوكولاته)
نحط المكونات ديه كلها في الكيتشن ماشين لحد ما تنعم خاااالص
قبل ما نحط الحشو ننظف العجين كويس من الدقيق بفرشاه
علشان الدقيق ده طبقة عازلة بين العجين و الحشو
وناخد الحشو من الكيتشن ماشين و نفردها علي العجين تماما ماعدا الطرف اللي قلنا عليه علشان ده الي هيلزق لما نقفل العجين علي بعض
و نبدأ نلف العجين علي شكل رول بالراااحة
في الاول الرول هيكون شكله عجيب لكن بعد كده هيتظبط معانا و يتلف كويس لا تقلقوا
و في الاخر هنلزق الطرف اللي قلنا عليه في الاول و نقفل بيه الرول
كده بقي عندنا ارتفاع تقريبا 6.5 سم
نقطعها بقي حلقات بعرض 5.5 سم
و نرص الرولز اللي عملناها في صاج مدهون مادة دهنية و نحطهم جنب بعض و نبططهم بإدينا بالراحة
احنا رصناهم قريبين من بعض علشان عايزينهم يخمروا لفوق مش من الجنب
و نغطيها بأكياس بلاستك او بالنايلون رول و نسيبها لحد ما تخمر و يتضاعف حجمها مرة و نص
(تقريبا من نص ساعة –لساعة)
علي حسب مكان التخمير اللي حطيتيها فيه
و نحطها في الفرن علي درجة حرارة 220 مدة 35 دقيقة
علي ما السينمن رولز تستوي نحضر التوبنج:
لو صوص ابيض:
150 جرام زبدة
150 جرام كريم تشيز
هي العلبة بتاعتها شبه ديه
(بس ديه طبعا قشطة)
و في منها بأسم المصرين
و بأسم حلايب
و فلاديلفيا برضه عاملة كريم تشيز
300 جرام سكر بودرة
كيس فانيليا
عصير 2 ليمونة و بشرهم
و ضربهم مع بعض في الكيتشن ماشين لحد ما يبقوا سايحين خالص كده
راح واخد ملعقة كبيرة فوق كل سينابوناية
و سابها تسيح عليه
(لانه خارج سخن)
و لو صوص كراميل::
(حبيب قلبي)
200 جرام سكر(كوب كبير)نحطهم في طاسة علي النار و مع ملعقتين ماء و ادوب السكر في المايه و انا بقلب علي النار لحد ما يسيح السكر و يبقي لون ذهبي فاتح
احط فيهم كوب كبير بندق مجروش خشن و اسيبه شوي يتحمص معاه لحد ما يصل الكراميل للذهبي الغامق
اقوم حاطة عليه 1 كوب كبير فريش كريم و اقلب كويس
و تقريبا مقدار نصف كوب او اكثر شوي من الصوص الابيض اللي عملناه
و ده شكله بعد ما خلص خلاص و حط عليه الصوص اللي بالكراميل
مهم جدا جدا
اننا نحط الصوص علي السينابون و هو لسة خارج من الفرن
و احسن حاجة له انه يتاكل و هو دافئ
زي ما بناكله في المحل
اما لو برد
يبقي عليه العوض في التعب بتاعنا كله لان الطعم هيروح
ممكن
اني بعد ما الف الرولز بتاعتي ارصها في صينية و اشيلها في الفريزر
و لما احب اكل سينابون او حد جايلي (ضيوف)اروح مطلعاها من قبلها بساعتين علشان علي ما تفك و تخمر و بعدين احطها في الفرن 35 دقيقة و كأني وقفت و خبزت من اول و جديد
بس علشان نحافظ علي نتيجة يكون طعمها حل
لازم لازم تتاكل و هي لسة خارجة من الفرن دافئة
صوابع الجلاش بالمكسرات
المقادير:
1/2 كيلو باكيت جلاش- 250 سمنه سايحه- 150 مكسرات مشكله-200 جم شربات ثقيل بارد
الطريقه:
·
اضيف 2 ملعقه شربات علي المكسرات حتي تتماسك سويا
·
افرد الجلاش ثم اقطعه طوليا ل3 او4 شرائح حسب السمك المراد
·
اخذ من كل مجموعه شرائح ورقتين فقط وادهنهم بالزبده ثم اضع المكسرات علي الطرف
·
اقفل ورقه الجلاش علي الحشوه من جهه اليمين ثم من جهه اليسار ثم الفها رول واقطعها حسب السمك المراد
·
اضعها في صينيه ثم ادهن ووجهها زبده
·
تدخل الفرن علي درجه حراره 200 لمده 30 دقيقه
·
تصفي من السمنه وتسقي بالشربات وتقدم وبالف هنا
دونات
شيف حسن
align="right">كيلو دقيق -20 جم خميره(ام ك)- 100 جم سكر(1/2 كوب)- 50 جم زبده( 1/4 كوب-) 5 جم محسن (1 م )- 15 ملح (1 م ملح)- 40 جم لبن بود (1/4 كوب لبن) - 550 جم ماء
align="right">الطريقه:
اخلط اللمقادير الجافه سويا (الدقيق والسكر والخميره والملح والمحسن) ثم اضع الزبده بدرجه حراراه المطبخ حته حته
align="right">ثم انزل بالماءتدريجيا شويه بشويه حسب حاجه العجين
align="right">(اضربها 3 دقائق علي السرعه الاولي و4 دقائق علي السرعه لتانيه حتي تبيض العجينه ولا تلصق بلماكينه)
align="right">اتركها لتختمر لمده 1/3 ساعه واغطيها بفوطه نظيفه
align="right">ارش الرخامه بدقيق ثم افرد العجينه بسمك 3ونصف سم
align="right">ابدا قطعها بقطاعتين الاولي بسمك 8 سم ثم من منتصفها بالظبط اقطعها بسمك 2ونصف سم
align="right">علي صنيه مرشوشه دقيق غزير ابدا ارص الدونات بعد تقطيعه واتركه يختمر لمده ساعه او ساعه ونصف حسب درجه حراره المطبخ
align="right">ممكن الف العجينه رول ثم اقطعها قطع صغيره واخد كل قطعه واكورها بايدي علي الرخامهوتركها تختمر ايضا
align="right">اجهز زيت غزير ساخن وانزل فيه الدوناتوارفعهابحرص علي ورق مطبخ لامتصاص الزيت
align="right">طرق تزيين الدونات:
align="right">ممكن رشه بسكر بودر
align="right">اضع قليل من لمربي علي النار مع بعض الماء يغلي ثم غمس فيه االدونات ومنه الي شيكولاته فارماسيل بني ا و ملونه
اغمس لدونات في شيكولاته دارك مذابه واضعها علي ورق زبده ثم ازينه بكورنيه شيكولاته بيضاء
align="right">او العكس اغمسها في شيكولاته بيضاء واعمل لها كونيه بالشيكولاته البني
align="right">او تتقطع من النص وتحش يكريمه باستري
align="right">او تغمس في مزيج من الشكولاته لبني وتقلب تقليبه واحده ياخذ لدونت اللون الماربل
ثيراميثو(حلو ايطالي)
شيف حسن
المقادير:
align="right">2 اسبونش مفروم 20 جم قهوه مركزه- 8 اصفر بيض- 150 جم سكر 150 جبنه مسكربوني 30 جم كاكاو 100 سيرب قهوه(قهوه مركزه مذابه في ماء مغلي) -50 جم ماء
align="right">الطريقه:
في اناء علي الناراضع السكر مع الماء حتي تصبح كراميل بيضاء
align="right">ا ضع 8 اصفر بيض في الماكينه واخفقهم ثم انزل بالكراميل الساخن سرسوب رفيع ثم بعض من القهوه المركزه ثم اضيف الجبنه المسكربوني( او الكريمه المخفوقه كبديل في حاله عدم وجودها)ويخفق الجميع حتي تمام الاختلاط
في بوله او كاس اضع الاسبونش المفروم ثم اكبسه بايدي ثم اسقيه بالقهوه المركزه ثم بعض الخليط السابق ثم طبقه اسبونش مفروم واسقيه بسيرب القهوه ثم الخليط وهكذا حتي انتهي بخليط الكريمه وارش علي الوجه رشه كاكاو للتزيين ويدخل الثلاجه ويقدم بارد
فطير مشلتت
500 جرام دقيق - 200 جرام زبدة طرية - 250 جرام ماء - 10 جرام ملح
30 جرام سكر - 10 جرام حليب ( بودرة )
100 جرام فرش كريم
الطريقة
فى العجانة اضع الدقيق و السكر و الحليب البودرة والملح وانزل بالماء شوية شوية والخلاط شغال لحد ماتتكون عجينة
(حوالى 5 دقائق ) ثم اخذ العجينة واضعها فى كيس نايلون تستريح لمدة نصف ساعة
نرش الترابيزة كويس قوى بالدقيق ونفرد العجينة بالنشابة لحد ما تبقى رفيعه خااالص
اجيب الزبدة وبالسكينة اغطى بيها كل العجينة كويس قوى
ثم
ابدء ابرمها (الفها ) زى السويسرول وادهن جنبها بالطول بالسمنة والفها مثل الكرة داير مايدور
وادخل الطرف بتاعها ادخله تحت الكرة
واتركها نص ساعة تستريح شوية وبعدين ادهن وشها كله كويس جدا بالقشطة وزرة ملح
وادخلها الفرن من 1/3 الى 1/2 ساعه
البسبوسه
طبعا دي طريقة الشيف حسن في برنامج من كل بلد اكله على قناة الاسره والطفل
والمقادير للاسف بالجرام ومش عارفه هي كام بالكوب وطعمها زي بتاعة المحلات بالزبط
900جم سميد سايب مش اللي بيجي اكياس للبسبوسه جاهز_450جم سكر+300جم ماء+125 جم شربات تقيل
وقال اللي عايز يضيف سمنه يضيف انا اضفت طبعا لانها بتدي طعم تحففففه للبسبوسه اضفت للمقدار ده 4 م سمن بلدي
نقلبهم كويس جدااااااا هتكون مرمله شويه مش سايله نفردهم في صينيه مدهونه زبده اوسمن وتخبز في فرن 160 لمدة نص
ساعه
الشربات(الشيره)
كيلو سكر+كيلو ماء +فانيليا على النار واول ما يغلي نعصر نص ليمونه وبيكون خفيف شويه بين الميه والعسل
نسقي البسبوسه ونلااااااااااااحظ الشربات سخن والبسبوسه كمان سخنه
المقدار ده عمل لي الصينيتين اللي في الصوره يعني تقدروا تقسموا المقدار
*********************************************
حلويات المولد النبوي
بعد غياب معلش أعذروني مشغولة في الشغل في البيت
1- الملبن
1/2 لتر ماء
1/2 كيلو سكر
150جم عسل جلوكوز
75 جم نشا تذوي في 100 جم ماء
ملعقة صغير ملح ليمون
5 جم فانليا أو روح الورد أو ماء زهر
الطريقة
نذوب الماء مع السكر علي النار و بعدين او ما يغلو نضيف عسل الجلوكوز و نقلب لعد لما يعملوا عرق أبيض مش غامق عشان ما يكونش غامق تم نضيف النشا المذوبة مع الماء علي خليط السكرو الماء و العسل مع استمرار التقليب بضرب سالك او كهرباء وهيا علي النار و دا ممكن يستمر 1/2 ساعة الشيف قال موضوع التقليب دا مهم
لما يتخن معانا نضيف ملح اليمون و ماء الورد و لو عايزينوا ملبن ملون ممكن نضيف اي لون
المهم نعرف ان الملبن استوي لمي نلاقي العجينة بتعتة بدأت تلم و تسيب الحله زي عجينة بلح الشام كد ا
و نكون محضرين صنية مدهونة زيت خفيف و سكر بودر كتير و نصبة ونسيبة يبرد شوية و نرش وجة بالسكر البودرة و لو عايزين تضيف مكسرات ممكن نضيفها اثناء الصب
يا رب تكونوا فهمتوا مني
***********************************
جلاتين ملون
1/2 لتر ماء
1/2 كيلو سكر
150جم عسل جلوكوز
50 جم جلاتين بودر (ملعقة كبير) نذوب في ماء دافي علي النار
ملعقة صغير ملح ليمون
5 جم فانليا أو روح الورد
لون أحمر مع روح الفراولة لعمل لون أحمر
لو اصفر مع روح الاناناس لعمل لون صفر
الطريقة
نذوب الماء مع السكر علي النار و بعدين او ما يغلو نضيف عسل الجلوكوز و نقلب لعد لما يعملوا عرق أبيض مش غامق عشان ما يكونش غامق تم نضيف الجلاتين المذوبة مع الماء علي خليط السكرو الماء و العسل مع استمرار التقليب بضرب سالك لازم خليط الجلوكوز و السكر يكون بيغلي عند أضافة الجلاتين
لما يتخن معانا نضيف ملح اليمون و روح الفرولة و لون الاحمر
و نكون محضرين صنية مدهونة زيت خفيف و سكر بودر كتير أو سكر سنترفيش و نصبة ونسيبة يبرد شوية و نرش وجة بالسكر سنترفيش ************************************************
الدومية الحمراء بالبندق
/2 لتر ماء
1/2 كيلو سكر
150جم عسل جلوكوز
75 جم نشا تذوي في 100 جم ماء
50جم جلاتين بودر مذوب في ماء دافي علي النار
ملعقة صغير ملح ليمون
5 جم فانليا أو روح الورد أو ماء زهر
لون أحمر
الطريقة
نذوب الماء مع السكر علي النار و بعدين او ما يغلو نضيف عسل الجلوكوز و نقلب لعد لما يعملوا عرق أبيض مش غامق عشان ما يكونش غامق تم نضيف النشا المذوبة مع الماءثم الجلاتين علي خليط السكرو الماء و العسل مع استمرار التقليب بضرب سالك او كهرباء وهيا علي النار و دا ممكن يستمر 1/2 ساعة الشيف قال موضوع التقليب دا مهم
لما يتخن معانا نضيف ملح اليمون و ماء الورد و لون الأحمر
المهم نعرف ان الدومية استويت لمي نلاقي العجينة بتعتة بدأت تلم و تسيب الحله زي عجينة بلح الشام كد ا
و نكون محضرين صنية مدهونة زيت خفيف تضيف مكسرات (بندق أو سوداني أو فسدق) اثناء الصب
نتركها تبر د و تقطع
هوا بيكون عامل ذي الملبن بس لونة أحمر و مش مرشوش سكر
**************************************************
*
فخفاخينا
هي حلوي شكلها مشل السويسرول الطبقة ا لخارجية قمر الدين و داخلها جوز هند و مجسرات و اوقات يكون جوش هند مع جلا تين ملون
1/2 لتر ماء
1/2 كيلو سكر
150جم عسل جلوكوز
200 جوز هند
100جم فسدق
50 ججم سيرب تقيلمقود (2كوب سكر +كوب ماء مع ليمونة بعد الغليا
5 جم فانليا
ورقة قمر الدين
الطريقة
1- نضع السيرب الثقيل مع الفسدق و نقلبهم
2- نذوب الماء مع السكر علي النار و بعدين او ما يغلو نضيف عسل الجلوكوز و نقلب لعد لما يعملوا عرق أبيض مش غامق عشان ما يكونش غامق تم نضيف جوز الهند علي خليط السكرو الماء و العسل مع استمرار التقليب بضرب سالك لما يتخن معانا نضيف فانليا
3- ندهن الرخامة زيت خفيف ثم نفرد علية هذا الخليط بالنشابة مدهونة زيت و بععدين نشيلة و نضع هذا الخليط بعد الفرد علي ورقة قمر الدين و بعدين نضع علي الجوز هند شريط من خليط الفسدق و لفة زي السويسرول و يترك يبرد ويقطع بسكين منشاري
المهم نعرف ان الملبن استوي لمي نلاقي العجينة بتعتة بدأت تلم و تسيب الحله زي عجينة بلح الشام كد ا
شكلة زي دا بس الطبقة الخارجية بتكون قمر الدين و جوا بيكون الجوز هند و الفسدق
صوابع الجلاش بالمكسرات
المقادير:
1/2 كيلو باكيت جلاش- 250 سمنه سايحه- 150 مكسرات مشكله-200 جم شربات ثقيل بارد
الطريقه:
· اضيف 2 ملعقه شربات علي المكسرات حتي تتماسك سويا
· افرد الجلاش ثم اقطعه طوليا ل3 او4 شرائح حسب السمك المراد
· اخذ من كل مجموعه شرائح ورقتين فقط وادهنهم بالزبده ثم اضع المكسرات علي الطرف
· اقفل ورقه الجلاش علي الحشوه من جهه اليمين ثم من جهه اليسار ثم الفها رول واقطعها حسب السمك المراد
· اضعها في صينيه ثم ادهن ووجهها زبده
· تدخل الفرن علي درجه حراره 200 لمده 30 دقيقه
· تصفي من السمنه وتسقي بالشربات وتقدم وبالف هنا
الاسبونج كيك
10 بيضات – 1 و 1/2 كوب سكر – م محسن دقيق كيك – 2 كوب الا 1/4 دقيق – 1/2 باكو بيكنج بودر – باكو فانيليا
الكيكة الاسفنجية بالشيكولاتة
10 بيضات – 1 و 1/2 كوب سكر – م محسن دقيق كيك – 1 و 1/2 كوب دقيق – 1/4 كوب كاكاو – 1/2 باكو بيكنج بودر – باكو فانيليا
الطريقة
نضع البيض والسكر والفانيليا فى الخلاط على اول سرعه لحد ما السكر يدوب ثم نعلى السرعه لحد ما العجينة ترتفع وتتقل ثم نطفى الخلاط ونضع البيكنج بودر على الدقيق ونبتدى نضع الدقيق شوية شوية على العجينة ونقلب من تحت لفوق بالراحه بمعلقة بلاستيك او خشب ثم ندهن الصينية بالذبدة ونضع العجينة وندخلها الفرن فى الرف المتوسط على د 160 لمدة نص ساعه
ملحوظة
لازم يكون الفرن شغال قبل الخبز بنص ساعه
لازم يكون الخلاط ناشف تماما ومفهوش اى اثار للماء
لازم ماتفتحيش الفرن فى النص ساعه الاولى
عجينة البتى شو
للاكلير والبروفيترول والشووالسانت بارى برست والسان لوران والبجعه
نص كيلو ماء( 2 و 1/2 كوب ) –كوب الا ربع زيت - م ص ملح - 300 ج دقيق - 8 بيضات – 2 م ص سكر
الحشو:
كريم باتسير ( 400 ج كاستر بودر + كيلو ماء دافىء او حليب ونضربهم كويس بالمضرب )
كريمة فرش مضروبة ( كيلو فرش كريم + 80 ج سكر وينضربوا فى الخلاط)
الحشو بالشيكولاتة:الكيلو كريم باتسير + 200ج شيكولاتة سايحة
الفندان الابيض ( نضع قطعه الفندان فى كسرول على النار مع سنة ماء بسيطة )
الفندان الموكا ( نضع قطعه الفندان فى كسرول على النار مع سنة موكا)
الفندان الشيكولاتة ( نضع قطعه الفندان فى كسرول على النار مع شيكولاتة سايحة)
الطريقة
اضع الماء و الملح والسكر والزبدة على النارعلى الهادى لحد ما الذبدة تسيح و لحد مايغلوا ثم اضع الدقيق واتركهم شوية على النار علشان العجينة تستوى وبعدين اشيلها من الحلة واضعها فى الخلاط وافضل مشغلاه علشان العجينة تبرد ثم نضع بيضة بيضة والخلاط شغال ويكون بين كل بيضة وبيضة 2 دقيقة ثم نضع العجينة فى كيس حلوانى ونبدء نعمل اصابع الاكلير فى الصينية. بعد ماندهنها بالذيت ونمسحها بورقة كلينكس وندخله الفرن لمدة ساعه وربع على درجة 175
. بعد مايطلع ويبرد نحشية بالحشو ونضع على الوش فندان ابيض او بالشيكولاتة
اكلير بالفانيليا
كريم باسترى – فندام فانيليا – ديكور
اكلير موكا
كريم باسترى موكا – فندام موكا – ديكور
بعد مانعمل الكريم باسترى نذوب سنة نسكافيه مع معلقة ماء ونضعها عليه
اكلير بالشيكولاتة
كريم باسترى شيكولاتة – فندام شيكولاتة – ديكور
بعد مانعمل الكريم باسترى نضع عليه شيكولاتة خام سايحه على حمام مائى ونضعها عليه
اكلير بالفانيليا
كريم باسترى – فندام فانيليا – ديكور
اكلير موكا
كريم باسترى موكا – فندام موكا – ديكور
بعد مانعمل الكريم باسترى نذوب سنة نسكافيه مع معلقة ماء ونضعها عليه
اكلير بالشيكولاتة
كريم باسترى شيكولاتة – فندام شيكولاتة – ديكور
بعد مانعمل الكريم باسترى نضع عليه شيكولاتة خام سايحه على حمام مائى ونضعها عليه
البروفيترول
نفس عجينة الشو اللى كتبتها قبل كدة
ثم نضع العجينة فى كيس حلوانى ونبدء نعمل وحدات البروفيترول على هيئة وردة فى الصينية بعد ماندهنها بالذيت ونمسحها بورقة كلينكس وندخله الفرن .
كرواسون الشيف حسن
المقادير : 1 كيلو دقيق مخبوزات - نصف كوب سكر - م / ك خميرة - م/ص محسن
خبز - 2م / ك لبن بودرة - م/ص ملح - 600جم زبدة - 50 جم ماء
انا كتبت المقادير بس اهم حاجة الدقة فى الطريقة
1 - تفرد الزبدة على كيس بلاستيك على شكل مستطيل و توضع فى الثلاجة
2- نضع الدقيق + السكر + الخميرة + اللبن + المحسن ونعجنهم كلهم
3 - نضع الماء جزء جزء حتى تتماسك العجينة ويكون لون العجينة ابيض ومش لاصقة فى اليد ( الي معندهاش عجانة تعجن بيدها انا عملته باليد )
4 - نضع بعد ذلك الملح ونعجنهم مرة اخرى ختى يتداخل الملح فى العجين
5- نضع العجينة 20 دقيقة فى التلاجة ترتاح
6- نرش الطربيزة بالقيق و نفرد العجينة بإرتفاع 1 سم على شكل مستطيل يعني
مش رقيقة ولا سميكة
7- نضع الزبدة داخل العجينة ونطبق العجينة على الزبدة مع ازالة الدقيق من كل اتجاه . كده اصبحت الزبدة داخل العجين
8 - نحضر نشابة او زجاجة ماء ونبدء نفرد العجينة ببطء شديد حتى لا تخرج الزبدة من العجين
9- نغطى العجين بالبلاستيك و نضعها فى الثلاجة ترتاح لمدة ساعة
10- تخرج العجينة من الثلاجة ونفردها مرة اخرى ببطء اهم حاجة ان اثناء الفرد نحس ان الزبدة بدأت تتداخل فى العجين . تكرر هذه العملية 4 مرات وكل مرة تترك ساعة فى التلاجة
11- اخر مرة نفرد العجينة و نبدأ نشكل العجينة
12 -نأخذ من العجينة جزء على شكل مسطرة بعد فرد العجينة طبعا ونفرد الجزء و نقطعة زى المثلث و نخلى راس المثلث ناحية جسمك و الجزء العريض نبدأ نلف منه و حتى نصل للحرف
13- الجزء المتبقى نفرده كله ونحضر كريمة باسترى و نضعها عليه كلها و نلفها مثل الرول و نقطعها دوائر صغيرة
14- نحضر صانية مدهونة بالزيت و نضع فيها العجين مع مراعاه بعدهم عن بعد عشان التخمير
15- يترك من 2- 3 ساعات يخمر ويوضع فى درجة 190 د - 25 دقيقة
بيتى فور الشيف حسن ...رائع احلى من العبد
بيتى فور رائئئئئئئئئئئئع والله بيدوب فى البق مش محتاج انك تمضغيه
المقادير والتكنيك
ربع كيلو زبده صفراء من التلاجه لازم تكون من التلاجه مش سايحه عشان ما تسيلش
تضربيهم مع نص كوب سكر بودره لحد ما يبقوا زى الكريمه
بعدين تنزلى عليهم تدريجيا ببياض بيضتين بياض بس عشان يبقى كرسبى حلو
وبعديد معلقه فانيليا وكله ع الضرب
وبعد ما يمتزج الخليط تضيفى كوب ونص دقيق تدريجيا حتى يصبح الخليط متجانس وناعم
ثم تشكليه فى صينيه عليها ورقه زبده وفى الفرن على 180 درجه وبالهنا والشفا
لو عاوزاه بنى ضيفى فى الاخر شويه كاكاو
وممكن بعدما تشكليه وردات تحطى صباعك فى الدقيق وتعملى حفرة بسيطه ولما تستوى تحطى فى الحفرة دى مربى او شيكولاته كما بالصورة
وطبعا انتو هتعملوه شكله احسن من كده كمان لانى اول مرة فى حياتى اعملبيتى فور ومبسوطه جدا لانه طلع احلى من الجاهز كمان
وجربوا وقولولىىىىىىىىىى
بلح الشام
1/2لتر ماء؛؛200جرام زيت؛؛400جرام دقيق؛؛6بيضات+2صفار بيض؛؛ملعقة سكر؛؛ملعقة ملح صغيرة جدا؛
الطريقه
نضع فى حلة الماء والزيت والملح والسكر لحد ما يبتدوا فى الغليان ثم نضع عليهم الدقيق مرة واحدة مع التقليب بسرعه وبشدة وهو على النار علشان الدقيق يستوى
. نضع العجينة فى العجان ويلف لفتين علشان العجينة تبرد او ممكن توضع في الثلاجه حتي تبرد
ثم نضع البيض بيضة بيضة بحيث لا اضع البيضه حتي تتجانس الاولي مع الخليط
. نضع العجينة فى الكيس والقمع . ندهن ايدنا بالزيت.
نضع صينية على النار مليانه زيت على نار هادية جدا ويكون الزيت بارد وننزل بالعجينة نعمل اصابع بلح الشام على كف الايد ثم ننزله فى الصينية لحد ما البلح الشام يتخن وينشف نشيله من الزيت فى المصفاه ثم نضع علية السيرب التقيل وبالف هنا
ملاحظات مهمه احرصي علي ان يكون الزيت بارد حتي بعد متطلعي بلح الشام اول مره اترك الزيت يبرد قبل مضيف باقي الكميه
المقالي كلها تتاكل في نفس اليوم تاني يوم بتطري ممكن تعملي علي الاد وبقيه العجينه تعنيها في الفريزر
لقمه القاضي(الزلابيه - العوامات)
نصف كيلو دقيق-50 جم نشا (ربع كوب نشا- 20 جم خميره (2 م كبيره) 200 جم ماء
الطريقه
اخد من الدقيق ملعقه واخلطها مع 2 م زيت - نصف كوب ماء دافيء -ا ملعقه كبيره خميره- نصف ملعه ملح -نصف ملعقه سكر اخلطهم سويا واتركهم يختلطوا سويا ويختمروا لمده ساعه في مكان دافيء(الخميره البايته)
بعد ساعه اضيف بقيه المقادير اضيف الماء الدافيء حوالي كوب حتي تصبح سائله واتركها تختمر ساعه تانيه
بعد التخمر اهبط العجينه بايدي ثم امسك العجينه بايدي بقوه وبالمعقه اخد العجينه الي الي طالعه من بين السبابه والابهام وضعها في زيت غزير ساخن واقلب فيها حتي تاخد اللون الذهبي
ملحوظه: النشا بيعطي لها قرمشه من بره
الزيت لازم يكون غزير سخن
اضع كوب به زيت جانبي اغمر فيه الملعقه كل شويه حتي لا تلتصق بالعجين اثناء التشكيل
تسقي بشربات ثقيل بارد مثل كل المقالي
وعلي راي الشيف حسن مد ايدك وكل
اصابع زينب
½ كيلو دقيق – 125 ج سامولينا – 150 ج سمنة – 15 ج خميرة فورية – 250 ماء
الشيرة (العسل – القطر) 2 كيلو سكر + كيلو ماء وعصير ليمونة بعد الغليان
الطريقة
نضع الحميرة مع شوية ماء دافىء فى كوب واذوبها
نضع كل المقادير فى الخلاط ونضع عليهم الخميرة المذابة الى
ان تتكون عندى العجينة حوالى 5 دقايق وحلاقى العجينة خلاص مبتلزفش فى اليد
اغطى العجينة واتركها شوية تخمر
اضع العجينة امامى على هيئة صباع طويل او رول ثم اخد منها قطعه قطعه واضغطها
على وش المبشرة الصغير الخشن والف لفة بصوابعى اضعها فى صينية
واتركها تانى لتخمر لمدة ربع ساعه ثم احمرها فى زيت ساخن لحد
ما لونها يحمر واشيلها علبى طول من على النار على الشيرة
الباردة واقلبها كويس فى الشيرة وتقدم
كريب المانجو
5 بيضات - 100 ج سكر - 25 ج زيت - 300 ج دقيق -
500 ج حليب - 2 ونص ج ملح - 2 ونص ج فانيليا - 150ج كريم باتسير
قطع مانجو - صوص مانجو
الطريقة
نضع البيض والسكر والملح والزيت والفانيليا مع بعض ونخلطهم
كويس بالمضرب السلك اليدوى لحد ما السكر يدوب
ثم نضع الحليب ونضرب بالمضرب السلك بسرعة
ثم اضع الدقيق واقلب اقلب ولو لاحظت ان فية كلاكيع اصفية بالمصفاة
ندهن المقلاية خفيف بالزيت (يادوب امسحه بمنديل)
واملى الكبشة (المغرفة الغويطة) بالخليط وانزل فى المقلاية بس راقة خفيفة جدا
لحد ماتمسك واقلبها على الوش التانى وبعدين اشيلها وهكذا لحد مانخلص الخليك كله
ادعك الكريم باتسير كويس قوى بالمضرب
اضع واحدة امامى ثم اعمل بالقمع بمقدار الكريمة خط بالعرض
ثم ارصص عليه قطع صغيرة من المانجو والف الكريب على هيئة اسطوانة
ثم اقطعه بالسكينة بالورب وازوقه بالمانجو والكريمة
وبالهنا والشفا
مانجة جراتان
راقة اسبونج كيك - 150 ج كريم باتسير - 50 ج كريم شانتى - 50 ج مربى مانجة - مانجة مكعبات - جيلى للتلميع
الطريقة
نضرب الكريم باتسير بالمضرب السلك كويس
ثم اضع علية الكريم شانتية واخلطهم ببعض كويس
اضع فى صينية بايركس راقة من الكيكة الاسفنجية بالفانيليا
ثم اضع عليها طبقة من مربى المانجو وافردها كويس
ثم اضع طبقة من المانجو المقطع مكعبات طبقة كويسة لقرب حافة الصينية
اضع خليط الكريمة على وش الصينية كله وافردة كويس
ثم ادخله الفرن واولع الشعله اللى فوق فقط علشان الوش يعمل جراتان يعنى يحمر
مش حياخد كتير يعنى خليكى جانبه لحد ماتطلعية
وبعد مايبرد لمعية بالفرشاه بالجيلى
وبالهنا والشفا
ملحوظة :
لازم يتعمل بكريم شانتى زى الدريم ويب مثلا لكن مش بكريمة لبانى
جرانيتا الفراولة
150 ج عصير فراولة - 150 ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير الفراولة والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص
جرانيتا الليمون
(معنى كلمة جرانيتا يعنى معجون الفاكهة)
150ج ليمون بلدى - 150ج ماء - 300ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير الليمون وبشر الليمون والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص
جرانيتا المانجة
150 ج عصير مانجة - 150 ج عسل
مقدار العسل : كيلو ماء - 750 ج سكر - ليمونة (تعصر الليمونة بعد غليان الماء والسكر )
الطريقة
نضع عصير المانجو والعسل فى طبق غويط واضربهم بالمضرب السلك كويس
اصب الجرانيتا فى صينية بدون حواف(زى بتاعة البيتسا او السويسرول) بس تكون طبقة
رفيعه جدا وندخلها الفريزر لحد ماتجمد حوالى ساعه او ساعه ونص
الصوص
اللى بيوضع على الحلويات والآيس كريم وكل حاجة
صوص الفراولة
250 ج بيورية فراولة - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى
صوص المانجو
250 ج بيورية المانجو - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى
صوص التفاح
250 ج بيورية التفاح - 2 معلقة كورن فلور - ماء
نذوب الكورن فلور فى شوية ماء ونضع الفراولة على النار اول ماتغلى
نضع الكورن فلور واول مايبتدى الخليط يمسك نطفى
طريقة عمل الشكل : بعد عمل الصوص نضعه فى قراطيس صغيرة ثم نضع بجانب بعض على طول نقطة من كل لون وبعدين نجيب السكينة الرفيعه ونسحب من منتصف اول نقطة لتحت على طول لحد ماتوصلى لاخر نقطه حتعمل معاكى شكل القلوب دى
بيكيد تشيز كيك
50ج بسكوت مطحون - 20 ج ذبدة سايحة - 500 ج كريم تشيز او قريش لايت
150ج ذبادى - 4 بيضات - 120 ج سكر - عصير ليمونة - بشر ليمونة - 25 ج نشا(كورن فلور)
الطريقة
نفرم البسكوت ونخلطة بالذبدة ثم نضعه فى القالب ونبططه بأيدنا ونرفع الاجناب كويس عالية
نضع الذبادى والسكر و الكريم تشيز فى الخلاط ونخلطهم كويس ثم نضع البيض واحدة
واحدة وبعد ما السكر يدوب نضع عصير وبشر الليمون حيكون الخليط شكله مرمل مش ناعم
ثم نخلطه شوية بالمعلقة البلاستيك ثم نضع الخليط فى قالب البسكوت ثم نضع القالب
فى حمام مائى بحيث تكون الماء الى نصف القالب فقط وندخله الفرن على درجة
160 لمدة ساعة وبعد خروجها نفتح القالب ونضعها فى طبق التقديم
ونلمعها بالفرشاة بالجيلى ثم نزوقها بالفرواله او المانجو
وبالهنا والشفا
ملحوظة :
بنضع فى التشيز كيك دة عصير الليمون لكن لو عملناه بالفراولة او اى فاكهة لانضع الليمون
صينية قرع العسلى بالبشاميل
واحدة قرع عسلى -500ج سكر - 100ج زبيب - 100ج بندق مجروش
100ج فستق مجروش - 200ج باسترى كريم - 100ج كريم شانتى
جيلى ساخن للتلميع
نقشر القرع ونقطعه مربعات ونشيل البزر
نضع القرع فى حلة على النار مع السكر بدون ماء خالص
(هو حينزل مايته ) لحد مايستوى القرع نصفية بالمصفاة لحد ما كل الماء الموجود
فيه ينزل كلهمن غير مانضغط عليه نضعه فى الصينية ونضع علية الزبيب والبندق والفستق
ونضغط على المكسرات بظهر المعلقة علشان يمسك فى القرع
نضع الباسترى كريم فى طبق غويط ونحركه كويس بالمضرب السلك علشان ينعم شوية
ونضيفله سنة حليب اثناء الضرب ثم نضع علية الكريم شانتى ونخلطهم ببعض تانى كويس
نضع الخليط دة واسمه (بشاميل حلو) على وش صينية القرع العسلى ونرش رشة سكر بودرة
ةندخله الفرن تحت الشعلة علشان ياخد لون بس من فوق
وبعد ما يطلع من الفرن نلمعه بالجيلى الساخن بالفرشاه
وبالهناوالشفا
البشاميل الحلو للحلويات
200ج باسترى كريم - 100ج كريم شانتى
الطريقة
نضع الباسترى كريم فى طبق غويط ونحركه كويس بالمضرب السلك علشان ينعم شوية
ونضيفله سنة حليب اثناء الضرب ثم نضع علية الكريم شانتى ونخلطهم ببعض تانى كويس
ونضعه على وش الصينية
الكريم باتسير
دى طريقة عمل الكريم باتسير فى البيت
كيلو حليب - 200ج سكر - 80ج كستر بودر - 4 صفار بيض - 2 ونص ج فانيليا
الطريقة
نضع فى طبق يلاستيك السكر وصفار البيض والفانيليا والكاستر بودر
ونضربهم بالمضرب السلك كويس قوى قوى
نضع الحليب على النار لحد مايغلى ثم نضع علية الخليط ونخلط بالمضرب السلك كويس
يادوب غلوة على النار ثم نضعها فى طبق ونغطيها بسرعة
بكيس بلاستيك ونقفل على وش الطبق كويس قوى علشان
متعملش قشرة (الطبقة الجامدة اللى بتتكون دايما على الوش)
الباباز
للتخمير
75 ج حليب – 15 ج خميرة – 20 ج سكر – 100 ج دقيق)
العجينة
(25 ج حليب – 15 ج خميرة – 20 ج سكر – 175 ج دقيق – 5 ج ملح
90 ج ذبدة سايحة – 200 ج بيض (4 بيضات)
العسل (الشيرة)
كيلو ماء – كيلو سكر – 3 عصير برتقال – 2 عصير ليمون
للديكور
باسترى كريم – فريش كريم – جيلى تلميع
الطريقة
نضع فى الخلاط مقادير العجينة المكتوبة فوق وبعدين
نذوب الحليب والخميرة والسكر كويس ثم نضعه على الدقيق فى الخلاطلحد ما يتخلطوا مع بعض كويس جدا(اللى هما مقادير التخمير)
واتركه يخمر شوية حوالى نص ساعه وبعد مايخمر اقلبه بايدى علشان اموت الخميرة
اضع عليها الذبدة السايحة والبيض بيضة بيضة فى الخلاط وهو شغال لمدة عشر دقايق
لحد ماتلاقيها بقيت زى الاستك بتمط معاكى
اجهز الفورمة او قوالب صغيرة وادهنها بالذبدة وارشها بالدقيق ونضع العجينة لحد نص القالب
فقط ثم اغطيها ونتركها تخمر فى مكان دافىء لحد ماتعلى لفوق
ندخلها الفرن على درجة 90 لمدة 45 دقيقة وبعد ماتطلع اقلبها
واقطع بالسكينة الوش اللى فوق واسقيها كويس قوى قوى بالعسل الساخن وبعدين اضع الجزء اللى قطعناه تانى فوق القالب واسيبها تشرب العسل ولازم تتاكدى انها شربت عسل كويس
نقلب القالب فى طبق التقديم ونلمعه بالفرشاى بجيلى التلميع ثم نزوقها
بالكريمة والفاكهة
انجلش ترايفل
سبونج كيك فانيليا – كمبوت خوخ – عين جمل – 4 باكو جيلى – باسترى كريم – فريش كريم
الطريقة
ندوب الجيلى فى لتر ونص ماء مغللى
نقطع الكيكة مكعبات فى طبق التقديم ونضع عليها عين الجمل ثم نضع مكعبات الخوخ ثم نصب الجيلى عليهم لحد مانملى الطبق وندخله الفريزر يجمد بعد ما يطلع نضع باسترى كريم على الوش ونفرده كويس وندخله الثلاجة يجمد ثم نضع على الوش طبقة كريمة ثم نعمل وردات بالكريمة وممكن نجمل بوحدات من الفراولة او الخوخ او الحرانكش
السويسرول
5 بيضات
5 صفار بيض
250 ج سكر
150 ج دقيق
30 ج كورن فلور
30 ج سكر
باكو فانيليا
باكو بيكنج بودر
الطريقة
ابطن الصينية المستطيله بورق زبدة
نضع الكورن فلور و بيكنج بودر على الدقيق واخلطهم كويس
نضرب البيض الكامل مع الاصفر بيض مع السكر مع الفانيليا الى ان يمتزجوا تماما
وبدون خلاط اضع عليهم الدقيق شوية شوية واخلط من تحت لفوق
ثم اضع البياض فى الخلاط واضع السكر واحدة واحدة لحد ما يتكون عندى ميرانج
ثم اضع الميرانج شوية شوية على الخليط ومن تحت لفوق ثم اضعه فى صينية
بدون حواف وافرده كويس بمعلقة مبلولة بماء دافىء
ادخله الفرن على درجة 220 لمدة 5 دقايق ولما يطلع واقلبه افرد علية
كريمة الشيكولاتة والفه كويس ثم الفه فى ورقة ذبدة وادخله التلاجة
وبعدين اطلعه وافكه وارش على الوش كاكاو واقطعه
بلاك فورست
كيك
5 ديسك كيكة اسفنجية
400 ج فريش كريم
300 ج كريز مطبوخ
كاكاو
شيكولاتة بيضاء سايحة
شيكولاتة دارك سايحة
عسل (شيرة خفيفه)
الطريقة
ابطن قالب مدور اسطوانى بورقة بلاستيك
نضع اول ديسك فىالقالب
ثم نضع علية طبقة كريمة
ثم طبقة شيرى
ثم نضع تانى ديسك
ثم نضع علية طبقة كريمة
ثم طبقة شيرى وهكذا باقى الطبقات على ان تكون اخر طبقة ديسك
ثم اضعها فى الفريزر وبعد ما اطلعها اشيل الورقة البلاستيك
نحضر قطعه مستطيلة من الرخامة واضع عليها بطريقة عشوائية
شيكولاتة بيضاء ثم اضع عليها طبقة كاملة من الشيكولاتة الدارك وافردها كويس بالسكينة
حنلاحظ ان الشيكولاتة جمدت على طول وبتتشال معايا بسهولة
نقطع الطروف وبعدين نشيل الشيكولاتة ونلفها حوالين قالب البلاك فورست ونضغط عليه من فوق
تعطينا شكل زى الهدية
الانجلش كيك
الشيف حسن
المقادير
1 و نصف كوب دقيق
3/4 كوب سكر بودره
6 بيضات
1/4 كيلو زبده
ملعقه صغيره بيكنج بودر
كيس صغير فانيليا حوالى نصف ملعقة صغيره
75 جرام فواكه مسكره
الطريقة
1- بمضرب البيض بالجزء الحلزونى بنضرب الزبده حتى تصبح كريمه
2- نضيف السكر البودره ونضربها حوالى نصف ساعه حتى تصبح كريمه متجانسه
3- نضيف البيض بيضه بيضه كلما امتزجت واحدة اضيف الثانية
4- نضيف الفانيليا
5- نجعل المضرب على درجه هاديه ثم نضيف الدقيق المنخول والمضاف له البيكنج بودر
6- نزود سرعة المضرب ونضيف الفواكه المسكره ونتأكد من تجانس الدقيق تماما مع المقادير وبتكون العجينه ثقيله وليست خفيفه
7- ندهن قالب الكيك بالسمن ونبطنه بطبقة دقيق حتى لا يلتصق العجين به
8- يدخل فى فرن متوسط الحراره 180 لمدة 45دقيقه او حسب نوع الفرن
وبالهنا والشفا
كاب كيك
أ- 3 بيضة
ب- 125 جم سكر بودره
ج- 125 جم زيت عباد الشمس
د- 125 جم دقيق
هـ- 20 جم لبن بودره
و- 8 جم بكنج بودر
الطريقة
يوضع البيض ويضرب مع السكر والفانليا ثم يوضع الزيت
يوضع الدقيق + اللبن البودره + البكنج بودر ويقلب جيدا
يوضع في قوالب صغيرة مدهونه بمادة دهنيةيوضع في الفرن علي 180 درجة لمدة 20 دقيقة
المافن Muphen
أ- 200 جم زبده
ب- 175 جم سكر بودره
ج- 3 بيضه فانليا
د- 1 كوب لبن
هـ- 300 جم دقيق + 15 جم بكنج بودر
الطريقة
توضع الزبده مع السكر ويضرب جيدا
يضاف البيض بيضه بيضه
يوضع اللبن ثم يضاف الدقيق
يحضر قوالب صغيرة ويوضع فيها قوالب ورق
توضع العجينه في كيس ويحقن في القوالب ثم يحقن من تحت لفوق في القوالب
براوني الشيكولاته (Choclate Browny)
align="right">على طريقة الشيف حسن
المقادير
align="right">نصف كيلو زبد
نصف كيلو سكر
يخلط جيدا في الخلاط حتي يصير كريمي ثم يضاف
ا-9 بيضه
ب-300 جم دقيق + نصف باكو بكنج بودر
ج- 100 جم كاكاو
د-20 جم قرفه
هـ-300 جم عين جمل وممكن بدون عين جمل يضاف بدلا منه دقيق
الطريقة :0
توضع المقادير كلها في الخلاط ويخلط جيدا ثم يوضع في صينية مربعة في الفرن لمدة 20 دقيقة
ربع كيلو فرش كريم
نصف كيلو شيكولاته قطع
ه-50 جم زبدة
يوضع الفرش كريم يغلي علي النار ثم يوضع علي الشيكولاته ونتركيها تسيح ويوضع عليها الزبدة
بعد خروج البراوني من الفرن يوضع عليه الغطائ ثم يوضع عليه عين الجمل للتجميل
ممكن يقطع قطع مربعة ويوضع عليها ايس كريم
فادج فانليا (Vanilla fudge)
align="right">
أ- 150 جم سكر
ب- 125 جم بماء دافئ
align="right">
ج- 125 جم زيت
د- 5 جم فانليا و 5 ملح
هـ- 350 جم دقيق + باكو بكنج بودر
الطريقة :0
يوضع السكر والماء والزيت والفانليا والملح ثم يخلط جيدا
يوضع الدقيق والبكنج بودر علي الخليط السابق ثم يوضع في صينية مدهونة زيت وتخبز في الفرن علي درجة حرارة 190 درجة
للتزيين
يعمل كراميل 250 جم سكر
يوضع السكر علي النار ويقلب حتي يصير لونه ذهبي
يوضع ماء بسيط
تقطع قطع الفراولا مكعبات ويوضع عليها قرفة حوالي 150 جمثم توضع علي الكراميلونتركها حتي تغلي وترفع
البسيمة
200 ج (كوب) جوز هند
150 ج سكر خشن ( كوب الاربع)
50 ج دقيق ( ربع كوب)
50 ج عسل جولكوز ( ربع كوب)
50 ج سمن سايح( ربع كوب)
100 ج ماء ( نص كوب )
الطريقة
اضع فى طبق غويط جوز الهند والسكر واخلطهم
ثم اضع عليهم الدقيق واخلط بايدى كويس
اضع العسل على السمنة واخلطهم ثم اضعهم على المقدار اللى فى الطبق
وادعكهم كويس قوى بين كفوف ايديا
اضع الماء عليهم واكمل العجن
ادهن صينية زى بتاع البيتسا بالسمنة وارشها بالدقيق او اضع فيها ورقة زبدة
اضع الخليط واساويها كويس وادهن وشها بالسمنة السايحة خفيف قوى بايدى وادخلها الفرن لمدة نص ساعه درجة حرارة
موس الكراميل
:
3ديسك اسبونش
100 جم سيرب
300 جم كريم لانجليز
100 جم صوص كراميل
30 جم(1 م ك) جيلاتين
100 جم ماء دافيء
400 جم فريش كريم مضروب
100 جم جيلاتين بارد
مقادير الكريم لانجليز:
1 لتر لبن
ربع كوب سكر
8 صفار بيض
l
مقادير صوص الكراميل
ا كوب سكر
كريمه لباني
اولا طريقه عمل الكريم لانجليز
اخد من اللتر لبن نصف كوب ويضرب مع الاصفر بيض
بقيه اللبن توضع علي النار مع السكر والفانيليا
انزل خليط اللبن والبيض كسرسوب رفيع ببط يعني علي الخليط الي علي النار ثم يترك لييبرد
ثانيا طريقه عمل صوص الكراميل
اضع السكر علي النار في طاسه حتي يصبح لونه ذهبي ثم انزل عليه بفريش كريم(احترسي من تطاير السائل الساخن وابعدي وجهك عن الاناء)
الجيلاتينه:
تذاب ملعقه الجيلاتينه في 100 جرام ماء حتي تذوب
يخلط الكريم لانجليز مع الجيلاتيه مع الفريش كريم المضروب وهو ده الخليط الذي سيوضع بين الطبقات
في فورمه مدوره مغلفه ببلاستيك فويل من اسفل ومن الجناب اضع اول طبقهالاسبونش كيك ثم تسقي بالشربات الخفيف ثم اضع الخليط ثم
طبقه اسبونش التانيه وهكذا حتي ننتهي بطبقه من الخليط وتدخل الفريزر
بعد متطلع ازينها بخليط من( ا ملعقه صوص الكراميل+الجيلي البارد
كيكه الجزر
كوب جزر مبشور
2 ونصف كوب دقيق
كوب ونصف سكر بني
نصف كوب عين جمل
4 بيضات- كوب ماء
كوب ونصف زيت
1 م ملح- ا م كربوناتو
5 جم جنزبيل-5 جم قرنفل-5 جم قرفه
يخفق السكر البني مع البيض بالمضرب السلك حتي اذوبهم فقط
·
اضيف ا الزيت مع التقليب البسيط
·
ينخل الدقيق والكربوناتو مع الملح ويضاف للخليط
·
اضع الجزر المبشور في مصفاه وانزله في ماء بيغلي لمده ثواني ثم يوضع في ماء بارد ويصفي ثم يضاف للخليط مع اضافه المكسرات
·
يصب الخليط في فورمه مدهونه زبده ومرشوشه دقيق
·
تدخل في فرن بدرجه 180 لمده 35 دقيقه وعند تقديمها ترش سكر بودر
ميل في جاتوه
المكونات:
3 او 4بسكوته ميل في ناضجه--شوبست كريم(سيرد شرحه)- سكر بودر او شيكولاته مروار(للتزيين)
الشوبست كريم هو خليط من (كيلومن الفريش كريم او كريمه لباني+ ربع كيلو باستري كريم+ م ك جيلاتين)
تحضير باستري كريم:كل كوب باستري ياخذ 2 كوب ماء ويضرب حتي يتجانس معه
تحضير الجيلاتينه:كل 1 م كبيره جيلاتين تاخذ نصف كوب ماء دافيء ويمزجوا معا
الكريمه اللباني تخفق حتي تصبح كريم شانتيه وتتضاعف
اخلط الكريمه اللباني مع الجيلاتينه مع باستري كريم لتكوين الشوبست كريم وهو الحشو
اخذ بسكوته الميل في الجاهزه والناضجه ويوضع فوقها بعض من الخليط ثم ثم بسكوته ثم خليط وهكذا حتي انتهي ببسكوته ميل في
اضغط عليها بشيء ثقيل حتي تتماسك ثم نقطع الاجناب حتي تتساوي
ترش بالسكرالبودر او يصب فوقها شيكولاته مروار بارده اتركها تتجمد في الثلاجه
الايس كريم
(الشيف حسن)
لتر لبن فريش-50 جم عسل جلوكوز(1/4كوب)-50 جم زبده(1/4 كوب) 250 سكر(11/4كوب) 1 م كبيره فانيليا 8 اصفر بيض-50 جم لبن بودر-10 جم مثبت ومحسن ايس كريم
·
اخد من اللتر 100 جم لبن اخلطهم مع الاصفر بيض والفانيليا ومثبت الايس كريم مع السكر ويضرب بالمضرب السلك(الخليط الاول)
·
بقيه اللتريوضع علي النار مع الزبده مع العسل الجلوكوز واللبن البودرحتي يغلي اللبن
·
اضيف اللبن كسرسوب رفيع جدا مع الخفق السريع جدا بالمضرب السلكواعمل الاختبار للنضج كالاتي(اضع ملعقه الخفق في الخليط ثم اعمل فيها خطا باصبعي في المنتصفاذا التحم الخطان يبقي لم ينضج بعد)
·
يترك ليبرد ويصفي ثم يوضع في ماكينه الايس كريم اذا لم توجد الماكينه فيتبع التالي
·
بعد ان يبرد الخليط يوضع في اناء مثلج سبق وضعه في الفريزر ثم يغلف جيدا ببلاستيك فويل ويدخل الثلاجه لليله كامله(للتعتيق) هذا الخليط يسمي الاساس او البيز
الايس كريم اليدوي عباره عن كوب من البيز +2كوب فريش كريم مخفوق ويوضع في الثلاجه في بوله مثلجه
ملحوظه:اذا اردت عمل ايس كريم قهوه اضيف 1/4 كوب قهوه للخليط وبنفس الطريقه لايس كريم الشيكولاته وايس كريم الكراميل
البتي فور
المقادير:
1/4 كيلو زبده بدرجه حراره الثلاجه-320جم دقيق(واحد ونصف كوب)- 1/2 كوب سكر – 2 ابيض بيض
الطريقه:
·
يخفق الزبده والسكر سويا علي السرعه الاولي واتركه حتي يتجانس تماما ويصبح كريمي
·
اخفق الابيض بيض ثم اضيفه ببطء شديد للخليط
·
في صنيه اضع ورقه زبده واثبت اطرافها في الصينيه بماده دهنيه
·
اضع الخليط في كيس الحلواني(كيس التزيين للحلويات) واشكله علي هيئه ورود
·
اذا اردت تزيينها ادخل صبعي في الدقيق ثم اضعه في منتصف الورده لاعمل فتحه احشيها بلمربي فبل دخولها الفرن
·
تدخل فرن لمده 20 دقيقه علي درجه حراره 180
·
اذا اردت عملها بالكاكاو استبدل نصف كوب دقيق بنصف كوب كاكاو
·
بعد النضج تلصق واحده بيضاء بواحده كاكاوعن طريق المربي كماده لاصقه
·
ثم يزيين حسب الرغبه بغمسه في الشيكولاته او جوز الهند
ام علي
200 جم عجينه فيتاج(:ميل في) او كرواسوه بايت- 50 بندق - 50 جم زبيب -50 جم جوز هند- 200 جم سكر -20 جم كريمه لباني مخفوقه
·
ادخل عجينه الفيتاج الفرن 10 دقائق لتنضج ثم اكسرها قطع متوسطه
·
اسخن اللبن علي النار واضيف له 1/2 السكر
·
اضيف باقي السكر علي عجينه الفيتاج بعد وضعها في صنيه
·
اضيف المكسرات وجوز الهند في الصنيه
·
اصب اللبن الساخن علي محتويات الصنيه
·
علي الوجه اضع الكريمه اللباني المخفوقه وتدخل الفرن
ملحوظه:اذا لقيت ام علي تقيله يمكن اضافه بعض اللبن الساخن لها
شيرى بودنج
ملحوظة قالها الشيف ان الوصفة دى اساسها الكريز بس بما انه مش متوفر وغالى شوية فبدله بالزبيب
المكونات: 150جم سوفت رولز(اللى هو التوست المفروم بس نشيل الحواف البنى)
200جم لبن ساخن 80 جم سكر 100 جم بندق مقطع 40 جم زبدة سايحة
80 جم صفار بيض 120 جم ابيض بيض 40 جم سكر 100 جم زبيب 10 جم قرفة بودرة
المكونات داخل فورمة بها عجينة سابليه وتسوى على درجة حرارة 180
50 جم سكر بودرة للتزيين
الطريقة
نجيب اللبن ويكون ساخن ونحط فيه التوست ونقلب بعد كده نحط جميع المكونات ونخلط ماعدا
بياض البيض وال40 جم سكر فى ال mixer ويكون نضيف تماما وبعد كده نخلط على السرعة الاولى لغاية ما يدوب السكر بعد كدع نعلى السرعة لحد ما يبقى زى المراينج يعمل عرق بعد كده نجط الخليط اللى عملناه شوية شوية مع التقليب من فوق لتحت بعد مانخلص المراينج هيكون زى ماهو مش هيهبط بعد كده نحطه داخل الفورمة اللى فيها عجينة السابليه وندخله الفرن لمدة 35درجة على درجة حرارة 180 ويزين بالسكر البودرة
ملحوطة الكمية دى بتملا من 2 ل3 فورم
تشيز كيك للشيف حسن
المكونات: 150 جم بسكويت مفروم 50 جم زبدة 500 جم cream chesse
125جم سكر 50 جم زبادى 2 بيض 2 اصفر بيض 1بشر ليمون 2 عصير ليمون 5 جم فانيليا 50 جم توت احمر 50 جم جيلى بارد معلقتين كورن فلاور
الطريقة :
نقلب البسكويت فى الزبدة السايحة
نجيب الصينية و ونلفها ببلاستيك وبعدها بورق فويل بعد كده نبطنها بالبسكويت وبعد كده نخلط كل المكونات اللى باقية ما عدا التوت والجيلى البارد
نعمل حمام مائى ونحط الصينية على درجة حرارة 150 لمدة ساعتين وبعد ما تبرد نحط التوت الاحمر وندهنها بالجيلى البارد وممكن اى توبينج تانى زى الشيكولاتة او الكراميل
كنافة كورنيه
الشيف حسن - برنامج المطبخ
align="right">
المقادير :
-
الكورنيه هو القرطاس
الطـــــــــــــــــــــريقة :
- الكنافة الطرح يعنى كنافة شرايح طويلة
- نضرب الكريمة في الماكينة
- نجيب الكنافة الطرح ونلفها على الكورنيه بشكل حلزوني ونقفل بها من اعلى
- نرص الكنافة الملفوفة على الكورنيه في صينية ونرش عليها كمية كبيرة ( نغرقها ) من السمن السايح وندخلها الفرن على درجة حرارة 200 لمدة 25 دقيقة حتى تستوى
- بعد سواها نطلعها من الفرن ونصفى السمن منها ونضع الصينية بميل على جنبها لمدة نصف ساعة لتصفية ما بها من سمن زيادة ونسحب الكورنيه ببطء من داخل قرطاس الكنافة .
- ثم نسقيها بسيرب ثقيل بارد ( شراب )
- ثم نحشى قراطيس الكنافة بالكريمة ثم نغمسها في المكسرات المفرومة ويمكن اضافة شريحة مانجو سلايتس
- وتقدم
رواني كيك
align="right">
5 بيضات -5 جم فانيليا-125 سكر -125 دقيق -125 دقيق سيولينا -20 جم جوز هند كوب سيرب خفيف
align="right">
الطريقه:
يخفق السكر مع البيض مع الفانيلياعلي سرعه هاديه ثم اعلي السرعه حتي يتحول المزيج الي مارينج ويفتح لونه
align="right">
انخل الدقيق الابيض معويضاف له دقيق السيمولينا
يخفق الجميع سويا مع التقليب بخفه بملعقه من تحت لفوق
align="right">
ادهن الصينيه بالسمن وارش فيها دقيق سيمولينا كتبطين للصنيه ويصب فيها الخليط بارتفاع 2 سم
يسخن الفرن مسبقا قبلها ب 1/2 ساعه ثم تدخل الفرن درجه حراره هاديه
align="right">
بعد خروجها تسقي بكوب الشربات الخفيف مباشره ويرش علي الوجه جوز هند
بسبوسه
الشيف حسن
align="right">500 جم دقيق - 300 جم سكر 25 جوز هند 100 جم سمن سايح 150 لبن او ماء 50 جم شربات تقيل بارد- لتر شربات خفيف ساخن- 1 ملعقه بيكنج بودر
الطريقه:
نسيح كميه السمنه علي النار
نعمل نوعين شربات نوع بيدخل في عمايل البسبوسه نفسها(سيرب تقيل بارد) ونوع بنسقي بيه بعد ما تستوي(سيرب خفيف ساخن)
نخلط المكونات الجافه يعني دقيق السميد وجوز الهندثم نخلط المكونات السائله لوحدها يعني(الماء + الشربات التقيل او ممكن استبداله بعسل الجلوكوز+ السكر+والسمنه السايحه)
نخلط المكونات الجافه مع المكونات السائله(لا اقلب كتير حتي تكون مرمله)
في صنيه ادهنها زبده و ورشه سيمولينا او اضع عليها ورقه زبده
اصب الخليط في الصنيه وابلل ايدي ميه واسويها بايدي(لا اضغط جامد عليها اسويها بس)وممكن اضيف مكسرات لو حبيت
تدخل فرن مسخن قبلها علي درجه حراره 180
مجرد متخرج اسقيها بالسيرب الخفيف الساخنملاحظات:
السيرب التقيل:2 كوب سكر+كوب ماء بعد مايغلوا علي النار اديها عصير ليمونه
السيرب الخفيف:كوب ماء +كوب سكر بعد الغليان اديها عصير ليمونه
افضل انواع السمنه للبسبوسه هي البلدي وكمان تدهني بيها الصنيه
اتركيها في الصنيه قبل دخولها الفرن حوالي ساعتين حتي تتجانس المكونات وتشرب من بعضها
اذا البسبوسه شربت لشربات تبقي نجحت واذا مشربتهوش متبقاش مظبوطه
البكنج بودر مهم للبسبوسه اتاكدي من صلاحيته بوضع ذرات منه في ربع كوب ماء اذا حدث فوران يبقي سليم ويقفل الكيس جيدا بعد الاستخدام
ممكن ادهن الصنيه بالطحينه الخام بدل الزبده بتدي طعم حلوومجربه
ماما نيفان كيك
المقادير:
100 جم زيت
_
150 سكر-2 بيضه 2 زبادي-175 دقيق-فانيليا-2 تفاحه سلايس(شرائح)5 جم قانيليا-5 جم بيكنج بودر
الطريقه:
اشغل الفرن الاول
اضيف الزبادي مع البيض واخفق ثم السكر ثم اضيف الدقيق برفق
مع التفليب بلمضرب السلك
اقطع التفاح شرائح ويضاف للخليط
تدهن الفورمه زيت او زبده ويصب فيها الخليط وتدخل الفرن
هريسه
( ش حسن)
المقادير:
300 جم دقيق سيمولينا نصف خشن- 50 دقيق سيمولينا ناعم- 100 سكر- 100 زبده سايحه - -50 جم ماء-50 جم ماء-50 جم لبن-2 جم كربونات صوديوم - لوز مقشر مسلوق للزينه
الشربات:
200 سكر(كوب) +50جم سكر(1/4 كوب)+ عصير ليمون (ثقيل بارد)
الطريقه:
اخلط كل المكونات سويا
في صنيه مدهونه سمنه اضع الخليط واوزع بايدي المبلوله
يزين الوجه بالوز المسلوق المقشر مسبقا
اتدخل الفرن علي درجه حراره 180
تسقي بالشربات البارد بمجرد خروجها
ملحوظه
يمكن استبدال السيمولينا الخشنه بجوز هند خشن والسيمولينا الناعمه بجوز هند ناعم مع نفس المقادير لعمل نوع اخر من الهريسه
سوفليه المانجو
المقادير
لترعصير مانجو- 2 اصفر بيض- 2 اابيض بيض- 6 ابيض بيض- 10 جم سكر 100 جم ماء دافيء- 40 جم جيلاتين 150 سكر
الطريقه:
اذوب الجيلاتين في الماء الدافيء
يضرب الابيض بيض في العجان مع 10 جم سكر حتي يصبح مارينج
اضع عصير المانجو علي النار واضيف له السكر والاصفر بيض ببطء ثم الجيلاتينه الذائبه مع التقليب المستمر
انزل بالبيض والعصير علي المارينج واقلب بخقه من تحت لقوق
تصب في فورمه مدهونه او فورمه سيليكون وتدخل الفرن
بليله دايت
align="right">
لبن خالي الدسم -سكر دايت –قمح -نشا
الطريقه:
-
ينقع القمح في الماء لمده 12 ساعه قبل التسويه
-
يوضع القمح في ماء ساخن علي النار لمده ساعه كامله علي نار هاديه حتي يتضاعف حجمها
-
في اناء اضع اللبن علي النار واضيق السكر الدايت له واقلب
-
اذوب النشا في الماء وانزله علي اللبن اول ما يبدء يغلي
-
انزل بسرعه بالقمح الناضج واقلبه حتي يتفاعل كله مع بعضه
-
يصب في طبق التقديم بعد ان يربط مع بعضه
ايس كريم دايت
كوب لبن خالي الدسم-1/2 كوب سكر بديل-1/2 لتر(2 كوب) اي نوع فاكهه تحبيه(مانجو – خوخ-......) يخفق بوريه
الطريقه:
·
اختار الثمره تكوم مستويه جدا حتي لا تحتاج لاضافه ماء اثناء خفقها
·
اذوب اللبن مع السكر البديل
·
اخفق الفاكهه في الخلاط بدون ماء حتي لا تكون ثلج بعد ذلك عند وضعها في الفريزر
·
توضع في ماكينه الايس كريم لمده 1/3 ساعه
·
فس حاله عدم وجود ماكينه:
يصب في صينيه بايركس بارتفاع 1/2 سم وتوضع في الفريزر وتكور بلمعقه الايس كريم وتوضع في الكاسات وتقدم
يفضل ان تكون الصنيه مبرده قبل صب الخليط فيها
الكنافة النابلسية
المكونات
500 جم كنافة طازة 50 جم سكر بودرة 100 جم سمن سايح 5 جم لون احمر برتقالى
الحشو 300 جم جبنة عكاوى لتر ماء تغيره كل 15 دقيقة 10 مرات 50 جم جبنة موتزريلا
الطريقة
افرتك الكنافة تبقى زى البودرة وازع عليها السكر والسمن واوزع اللون واكون لابسة جوانتى واللون هيغمق
اجيب الجبنة وانقعها فى مية واغير الميه زى ما هو موضح
اعمل ديسك من الكنافة فى صينية مدهونة مادة دهنية واضغط عليها كويس واحط الجبنة فى النص بعيد عن الاجناب علشان هتسيح فمتتحرقش وبعد كده نحط بقية الكنافة عليها و نضغط عل
مانجودوم كيك
align="right">
4 ثمرات منجو- 4 ديسك سبونش كيك- 150 سيرب منجو- 200 جم بودره بتسري كريم-نصف لتر عصير مانجو- 40 جم جيلاتين بودر-100 جم ماء دافيء-150 جم جيلي سخن للتلميع
الطريقه:
align="right">يخفق الباتسري كريم مع عصير المانجو المركز في العجان
align="right">يدفي الماء علي النار واضيف لهاا لجيلاتينه اوقلب حتي تمام لذوبان
align="right">اضيف الجيلاتينه المذابه الي الباستري كريم واقلب حتي تتجانس
align="right">اضيف الكريمه المخفوقه واقلب بخفه مع االباستري والجيلاتينه(موس)
align="right">نقطع ثمرات المانجو علي هيئه شرائح رقيقه
align="right">في فورمه علي هيئه نصف كوره ادهنها بجيلاتين بارد حتي تساعد علي التصاق المانجو
align="right">ارص شرائح المانجو في الفورمه داير داير
align="right">اضع بعض الموس علي شرائح المانجوفي قاع الفورمه ثم قطع مانجو صغيره
align="right">اضع الديسك اسبونش الصغيرفوق المانجو ثم يسقي شربات خفيف
align="right">وبالتوالي اضيف موس ثم قطع فاكهه ثم اسبونش ويسقي شربات خفبف
align="right">
ملحوظه:
لا يسقي اخر لسبونش بالشربات ولا يجب ان يزيد جحم الاسبونش عن حجم الفورمه
align="right">تدخل الفريزر لمده ليله
align="right">تخرج من الفريزر ويوضع فوقها فوطه مبلله بماء ساخن حتي تنزل الكيكه من الفورمه بسهوله
align="right">تلمع بجيلي التلميع الساخن او مربي توضع مع قليل من الماء علي النار وتلمع بها بدل لجيلاتين الساخن
منقوووووول للافادة