1- هل انتي متزوجة

نعم متزوجة

2- كيف عرفتي زوجك

جوزي معايا قي الشغل
واتعرفنا طبعاً علي بعض
وحبينا بعض
ههههه
وارتباطنا
بس كدة

3- ما اغرب موقف صاردف في حياتك موقف مضحك

معنديش مواقف غريبة
بس عندي مواقف مضحكة كتير
واغلبيتها بتكون من بنتي
لما بلاقيها تبقول كلمة او تتصرف تصرف
اكون مش متوقعاه منها خالص
بموت من الضحك
هقولك مثلا
في اغنية بتجي في التليفزيون وهي سمعتهاوعلقت معاها وحفظتها
وبدأت تغنيها وتعمل زي البنات اللي في الاغنية
فأنا اتضايقت جداااا لاني مبحبهاش تحفظ الاغاني اللي من النوعية دية
دائما بتتفرج علي قناه كراميش وطيور الجنة وسكر
المهم يا ستي
قولتيلها اوعي تغني الاغنية دية تاني
علشان تبقي بنت جود جيرل ومحدش يقول عليكي نوتي
وبعدها بكام يوم
وانا واقفة في المطبخ كنت بغني نفس الاغنية اللي قولتلها متغنيهاش
لاقيتها بتبصلي جامد وعنيها كلها غضب
يا ماما متغنيش الاغنية دية علشان الناس متقولش عليكي نوتي
ههههههههههه
معرفتش ارد عليها
احرجتني جداااااً
اتأسفت طبعا واعتذرت علشان تسامحني
ههههههههههه


4- اذكري موقف محزن مريتي فيه في حياتك

أكثر موقف مريت بية في حياتك
علي قد ما كان موقف المفروض انة مفرح وسعيد
الا اني كنت اتعس خلق الله
وقت كتب كتابي وأانا ببص حواليا ملاقيتش بابا الله يرحمه
كنت حاسة اني لواحدي وحتجاه جدااااً

5- الوانك المفظلة

الاصفر والموف


6- اذا حطيتك بغرفة لونها احمر وخليتلك صوت قطرات ماء لما تقطر شو تساوي


مش عارفة بس أعتقد اني هصرخ
لان الموضوع هيكون صعب
احمر× احمر وصوت تكتكه
هههههههههه
صرخ


7- اذكري 5 عضوات في المنتدى تحبيهم كتير

لا صعب جداً جداً
5 بس
ممكن تقولي 500
بجد كذا واحدة انا بحبها وكل واحدة ليها انطباع في خيالي


8- من هي اول عضوة تعرفتي عليها في المنتدى

عضوة اسمها نونو من حوالي سنة وشهر
ولحد دلواقتي احنا اصحاب جدااااُ
وصداقتنا بقت اجمل من صداقة الناس اللي شفتهم وقابلتهم


9- اذكري لي موقف مريتي فيه وانتي في المدرسة

ايام المدرسة دية كانت اجمل ايام حياتي
لاني كنت شقية جدااا ونفس الوقت كنت شاطرة ومحبوبة من كل مدرسيني
كان في يوم نسيت المصحف بتاعي وطبعا عندنا كل يوم حصة قران كريم
وانا مش معايا المصحف
وقفني المدرس وسألني فين مصحفك
فسكت
فقالي نسيتية
قولتلة ايوة
قالي درس طويل عريض تأنيب فية علشان انا نسيت المصحف
وبعد ما خلص ورايح يبدء الحصة مفيش 10 دقائق
لاقينا الجرس بيرن
الحصة خلصت
زعلت اوي من نفسي اني ضيعت الحصة علية وعلي باقي زملائي
ومن ساعتها اول حاجة كنت بتمم عليها في الشنطة هي
المصحف الشريف


10- اذكري موقف وانتي في الثانوية

هقولك علي موقف يموتك من الضحك
وانا في 2 ثانوي كنت الامينة العامة علي مدرستي
فكانت الادارة التعليمية للمنطقة
بتنظم فطار جماعي لامناء المدارس
ومعاهم نخبة من المدرسين واهم الشخصيات في الادارة التعليمية
وكان الفطار في احدي دارت القوات المسلحة
وانا قاعدة والمدفع ضرب
لاقيت حاجة بتتحرك تحت رجلي
ببص لاقيها قطة
وعينك ما تشوف الا النور
ههههههههههههههههه
طلعت فوق الكرسي وقعدت اقولهم مش هنزل الا لما تخرج من القاعة
والناس كلها اتفرجت علية وانا زي الهبلة خايفة من القطة
انا بموت منهم جدااااا وخفت اكتر لما لاقيتها بتتحرك بين رجلي
بجد كنت هموت من الخوف
ههههههه



11- هل صادف يوم وطبختي اكله مو طيبة ؟ شو هي هاي الاكلة ؟ وماكانت التعليقات عليها

اة كذا مرة وهي هي نفس الاكلة
صينية المسقعة
هههه
مش بعرف اعملها زي ما هو عايز
بس بعملها لماما واخواتي وبتعجبهم جداااا
بس جوزي لأ
وبيقعد يتريق علية ويقولي دية مش زي بتاعت ماما
خلاص نزليها لبواب العمارة




12- رح اعطيكي مسدس اضربي احدى العضوات التانية طلقة

المنوليــــــــا - randoda - bosy -

هختار
هختار
هختار
مانوليا القمر
وهضربها بطلقة متوجههه لقلبها مكتوب علية
احبك في الله
اختك فراولة


13- رح اعطيكي عصفور لمن تهدي
زهرة الاسلام - بنت اسكندرية - موكااااااا فراولة

هعطية لزهرة الاسلام
وهقولها
اهتمي بية زي ما انتي مهتمة بالمنتدي
وهاتي لية عصفورة صغيرة
واول لما يجيبوا عصافير صغيرين
تعطي عصفور نونو لبنت الاسكندرية
وعصفور نونو لموكا فروالة
وعصفور نونو مانوليا القمر
وممكن كمان واحد لبنتي
هههههههه


14 - رح اعطيكي كيكة بوجه مين تضربيها
المنوليــــــــــا - دلوعة حبيبي - عذوب الورد

لا مش هضربها بس ههديها ليها
لانها عزمتني علي عصير جميل هنا في كرسي الاعتراف
وانا حابة ارد ليها العزومة
هي
دلوعة حبيبي


15- جتك تذكرةمجانية لاحلى جزيرة ومعك حق تاخذي 2 معاكي مين رح تاخذي؟؟

يا سلام علي الجمال
اوكي
من خارج المنتدي
راح اخد زوجي وابنتي
ومن داخل المنتدي
راح اخد (( بسمة الحياة )) و (( مانوليا ))
لاني حابة اتعرف عليكي أكثر ونكون اصحاب
وانا بحب بسمة جدااا ونفسي اشوفها واتقعد اتكلم معاها


16 - قالولك هذه اكله طيبة ولك حق تخلي واحد بس ياكل معاكي مين تختاري امك او ابوك

بابا الله يرحمه ويغفر الية
فهختار ماما حبيبتي
ربنا يخليها لية


17 - رتبي لي الاشياء التالية حسب الاهمية
المال- الاصدقاء - مجتمع ريجيم - الاهل - الحب -

اولاً في 4 حاجات هما نفس الشئ
لان مجتمع ريجيم هو بالنسبة لية
الاهل والاصدقاء اللي بيربطهم الحب
في المنتدي دة انا عرفت بنات بجد
اتمنيت من كل قلبي اني اقابلهم
برتاح في الكلام معاهم جدااااا
وبأخذ رايهم في حاجة خاصة بيه
وبحس اني بيربطني بيهم صداقة قوية


18- لو كنتي مكتئبه وحزينة بمن ستبوحين اسرارك وهمومك؟

بحب اتكلم مع حماتي جداااااا


19- لمن تعطي هذه الالقاب

مميزة المنتدى ..... طموحي داعية ومانوليا
محبوبة المنتدى ..... بسمة الحياة وزهرة الاسلام
وردة المنتدى ...... فطومة محمد وام فرح وجودي
القلب الحنون ...... بنت الاسكندرية
الضحكة الدائمة ...... نانو الروبي ام دم شربات
عصفورة المنتدى ...... بوسي ورندودة وموكاااااا

20- كرهتيني ولا لسة؟؟

مقدرش اكرهك ابدااا يا قمر
دة انتي جوه القلبي قاعدة ومربعه
ربنا يخليكي لية وما يحرمني منك ابدااااااً



لان الي عودة واسئلة تانية ههههههههههه
مستنياكي
اوعي تتأخري
أسئلتك جميلة اوي وانا استمتعت بجد بيها