مع ان التشجيع وقف .. بس ماعليه راح أحاول أشجع نفسي بنفسي
وراح أضل أسجل كل شي سويته علشان ع الأقل أكون انا مراقبة نفسي
.
.
اليـوم للأسف خربتها شوي
موب أنا .. أمي الله يسلم راسها اللي خربتها
اليوم صحيت من النوم متأخر مرررررة مرررة
وأبي أروح على شغلي .. مستعجلة ماعندي وقت أفطر ولا شي
يادوووب ألبس وأطير ع الشغل
طلعت الوالدة الله يطول بعمرها مسوية سندويتشات برجر
وحطت وحدة بشنطتي .. وحلفت علي اني ما أروح قبل ما آكلها
قلت لها يا مه يا بعد راسي ما يصلح آكلها تبين تخربين رجيمي
قالت والله ما تشتغلين وانتي جوعانة .. والله انك تاكلينها بالسيارة .. يللا توكلي على الله
ركبت السيارة وأكلتها .. وش أسوي ؟
بس راح أحرقها لازم .. .. وراح أستغني عن العشا اليوم
و مدة المشي لازم تطول شوي .. وراح يصير فيه 100 نطة
الله يعين