الحل فى ايديك يا حبيبتى انك ما تتخانقى مع زوجك عشام ما تعطيها الفرصه للشماته
حاولى تقولى لنفسك ليه بنتخانق وايه اكثر اسباب الخناق وحليها وما تقوليش ليه هو مش بيبحث عن اسباب الخناق ويصلح من نفسه الراجل عمره ما هيصلح من نفسه الا لو زوجته تستاهل يعنى لو زوجته بتتخانق دايما لاسباب كبيره وصغيره وما بتفكر غير فى انه تاركها دايما او مثلا ما اتصل قبل ما ييجى وانا كنت محتاجه اشياء او مثلا من وقت ما خرج ما اتصل يتطمن ولا يسلم سيبى كل ده وفكرى بس انك تسعديه وتغاضى عن حاجات كتير انتى محتاجاها او اتعودتى عليها والكلام ده مؤقتا مش على طوووول لا طبعا انا ما اقبلش ان الست تمحى نفسها فى سبيل اسعاده فقط وبدون مقابل لا بس زى ما بنقول قدمى السبت عشان تلاقى الاحد حاولى تاخدى على نفسك عهد انك مش هتتخانقى معاه وحبيه فى كل الاوقات وهو فى البيت عاكسيه بكلام حلو وهو خارج البيت ابعتيله رساله وقوليله وحشتنى أو ربنا يقويك ويفتح لك ابواب الرزق من عنده كل ما هو يحس انك بتحبيه لانه هو زوجك ومش عشان شىء هيبتدى يتغير ويحس ان الزوجه دى ما تستاهل انى ابعد عنها اليوم بطوله مثلا وشوية شوية هيقرب منك ويبتدى يحكى معك فى كل شىء بس أهم شىء ابعدى المشاكل عن حياتك لانها مدخل لكل المصايب خصوصا شخصيات زى اللى انتى قلتى عليها (سلفتك )
اسفه طولت عليكى بس الحياه الزوجيه والله لذيذه اوى لو بطلنا نفكر هناخد من بعض ايه سواء مشاعر او اى شىء تانى
وتقبلى مرورى وشكرا