السلام عليكم و رحمة الله و بركاته
اخباركم ايه يمكن فى القسم ده كل اخت بتدخل تكتب موضوع يبقى عبارة عن جروب يتجمع و يشجعوا بعض علشان
ينزلوا وزنهم انما هنا فى الموضوع ده مش
هتكلم عن نزول الوزن هتكلم عن
تثبيته انا مش هخبى عليكم انا كان وزنى زايد و كانت الرشاقه حلمى و مازالت بس الحمد لله بعد ريجيم و حرمان لمدة 6 شهور خسرت الوزن الزايد انا كنت فى البداية 95 كيلو
و الحمد لله دلوقتى بقيت 61 كيلو
بس خلاص زهقت من الريجيم و خايفة الغبط كل اللى انا عملته و ارجع لوزنى القديم تانى علشان كدة انا بعمل اليوميات دى علشان تشجعونى اعمل نظام تثبيت لحد ما احس انى اشتقت للريجيم و ارجع تانى لانى هدفى كان انى اوصل ل 50 كيلو
يعنى باقى 11 كيلو ان شاء الله ربنا يعنى و انزلهم بس انا قولت ااجز شوية من الريجيم و لو فيه حد زهق من اتباع الريجيم ياريت بردو ياخد اجازة شوية و نشجع بعض انى احنا نثبت وزننا مع بعض هنا فى المنتدى بردو اكيد كده هيكون افضل
ها مين هتثبت معايا
و افتكر انى نثبت افضل من انى نكتسب وزن جديد لانى الواحد لما بيزهق من الريجيم ممكن ياكل و يعوض الحاجات اللى حس انه اتحرم منها اثناء فترة الريجيم فيرجع للوزن القديم او ازيد منه كمان
مستنيه تشجعكم
ان شاء الله هبدا نظام التثبيت من بكرة الجمعة 7/5/2010