اشكركم جميعا على تشجعيكم ليا
شوشو العسولة - سكولاته باتشى - جوجو 2008 - فتافيت السكر
و اتمنا لكم انكم تخسروا الوزن الزائد بصحة و عافية
بالنسبة للترهلات ظهرت و مسببه ليا مشكله و خاصة انى كان عندى تشققات جلدية بسبب الحمل و الوزن الزائد اللى اكتسبته من الحمل بس ان شاء الله الناردة معايا ميعاد مع دكتورة جلدية هاروح و اشوف هتقولى ايه و اجى اقولكم على اللى حصل
و بالنسبة لنظام التثبيت ان شاء الله
هيكون اربع ايام تاكلى فيهم اى اكل لكن بحدود طبعا و بدون ما تكثرين من الحلويات و الاكلات الدسمة
يليهم تلات ايام متتابعة
يكون
الافطار
، يتم تناول 1/4 رغيف بلدى أو رغيف سن مع بيضة مسلوقة أو قطعة جبن قريش أو أربع ملاعق فول مدمس بدون سمن أو زيت مع شاى ولبن منزوع الدسم ، ومسموح بمعلقتى سكر طوال اليوم ،
الغذاء
يتناول رغيف عيش سن أو 3 ملاعق أرز أو 3 ملاعق مكرونة مع شربة خضار ، وإذا لم تستسغ شربة الخضار يتم تناول سوتيه ، ثم طبق سلاطة مع ربع فرخة مسلوقة أو شريحة لحم مسلوقة أو مشوية أو سمك مشوى ،
العشاء
يتم تناول كوب لبن منزوع الدسم ، أو كوب زبادى مع قطعة جبن قريش مع سلطة أو ثمرتي فاكهة من الأنواع المسموح بها
و ان شاء الله احاول امشى على النظام ده مع انى اوزن نفسى كل يوم خميس من كل اسبوع و كمان نقطة مهمه جدا و هى ممارسة الرياضة 5 مرات على الاقل فى الاسبوع لا تقل مدتها عن نصف ساعة
و يارب يوفقنا و نثبت لحد ما ترجع ليا العزيمة على انى اتابع ريجيم تانى علشان انزل الباقى ليا من الوزن