الموضوع
:
الرشاقة أحلــى ( 65 - الي الوصول للهــدف )
عرض مشاركة واحدة
كتبت : أزرقاق السماء
-
أنا بالعادة مدمنة انترنت بس في وحده من البنات خلتني اكره النت وطوايفه واهله وحتى التلفزيون صرت ماأطيقه
والسبب: انو حده من بنات صفي تطنزت بنسبتي الفصل الأول
وانا هنا قلت ان شاء الله اجيب نسبه مثلها واوريها من اكون وربي قهرتني
فعشان جذي قررت ادرس بجد وجد
عشان ربي يوفقني للدرجة العالية
وافقع عينها هذيج المغروره
اعوذ بالله من الغرور واصحابه
.....
تخيلوا يابنات يوم السبت اللي فات كان اجتماع مع عماني في الجاخور
(الفرق
بين الجاخور والأستراحه ان الجاخور فيه شوية حمام وحيوانات اليفه بس بجزء صغير من الجاخور)
المهيم بنات عماني ياااهم نحفااانين
وبالذات وحده مشاء الله وزنها 55 كيلو جرام وتبي تنحف اكثر
اللي يحز بالموضوع مو بس وزنها لالالالا انها مشاء الله قاومت الحلويات والاكل ومالذ وطاب من الطعام والعصائر المشبعه بالسكر
اما انا فنكببت على الأكل انكبابا انا واختي بطه ودبه
وتخيلوا يوم اننا رحنا للمراجيح ...انا ركبت مثل هذي
وهي ركبت مثل هذا اللي بالصورة بس شوي غير شكل ومافي من جدام الحدايد بس من الجانبين
فقالت لي الحمد لله انا نحيفه ادخل بكل مكان
<<<
شقصدج
انا رحت احاول اركب اللي ركبتها بعد ماراحت عن المكان
واهئ واهئ يوم رحت وبكل ثقه اثاريني ما قدرت ادخل وعلقت احاول اطلع مافي فايده
ولكن بعد
فترة من الجهد استطعت الخروج ولله الحمد ولكن الدموع جلست تتساقط من عيني حسرة على جسمي
ولكن حمدة ربي على اني خرجت منها بدون ان يراني احد
فقررت بعدها ان اهبط الـكيلوات من جسمي ..
وان اذهب لهم ان الله احيانا وقد فقدت بعض الكيلو جرامات ان شاء الله في الاسبوع القادم.. وان اتمرجح على تلك التي علقت بها ..باذن الله
هيا
يافتيات شمرن عن الهمم
وفقنا الله واياكم لما يحب ويرضى
اختكم : زروو
وو
ووقه