[سر الأعشاب]
صباح الخير على أجمل منتدى اولا احب اشكركوا اوى المنتدى بجد تحفة على فكرة دى اول مشاركة ليه وياريت

تعجبكو وخصوصا ان الموضوع بتاعى سمعتوا عنه كتير لكن المرة دى متجرب واكيد وكمان كل الستات محتاجاه اوى

ماطولش عليكوا معلشوا انا رغاية شوية اتحملونى
***********************
المهم ندخل فى الموضوع

انا ماما كان وزنها وصل 100 كيلو بسبب خمول فى الغدة الدرقية وجربت ادوية للتخسيس كتير زى (سيبوترم- زينكال

-كروماكس) وادوية كتير تانية ومافيش نتيجة ولو فيه نتيجة وزنها بيرجع تانى (على فكرة سيبوترم بيجيب نتيجة بس

اعراضه بشعة اعوذ بالله مانصحش حد ياخده) وجربت خلطة التخسيس من العطار واول ماتبطلها بترجع تتخن تانى

المهم سمعت من الدكتور عبد الباسط عن خلطة للتخسيس قالت تجربها وهى (بذرة رجلة -شمر-بردقوش-كابلى)

وخلطتهم بكميات متساوية وطحنتهم وبتاخد ملعقة صغيرة قبل الأكل بربع ساعة وبتاخد معلقة كبيرة بذرة كتان صباحا

(على فكرة بذة الكتان بتشبع جدا ) وبتشرب 5 كوب شاى اخضر بعد الغدا بساعتين طبعا بدون سكر ( ممكن يتشرب بارد

واضافة قرفة وزنجبيل ) استمرت على كدة لمدة شهر ونصف تخيلوا وزنها كام ؟ 85 خست 15 كيلو على فكرة هى

رجلها كانت تعباها فماكنتش بتتمشى دلوقتى الحمد لله الغدة اتحسنت جدا والكليسترول اتظبت علشان بذرة الكتان

والحمد لله الدكتورة اتفاجئت وقللت العلاج انصحكوا جربوها النتجة اكيدة ( والتجربة خير دليل)

الخلطة مضمونة والمختلف فيها انها بتحرق الدهون مش بتنزل المية من الجسم يعنى اللى هاتخس مش هاتتخن
تانى مش زى الأدوية وباقى الخلطات
معلشوا طولت عليكوا اللى عنده اى سؤال عن الرجيم ادوية او اعشاب انا فى الخدمة (اسأل مجرب ولا تسأل طبيب)



ياجماعه اللى عنده اى تعليق او نقد او نصيحة انا مستنياه منكم نستفيد ماتبخالوش عليا