مجتمع رجيم - عرض مشاركة واحدة - خلاص قررت أصير رشيقة

كتبت : ضبي الريم

نسائم الإيمان .. هههه والله اني يوم شفت الجبنة تحطمت

بس قلت ماعليه هي يوم واحد هالجبنة

وبعدين مو مشكلة كلها شهر أصبر نفسي وبعدها أخلص من الدكتور فادي

الله يصبرني بس ..

.
.

رولا ههههههههههه أتلة مرة وحدة ههههه والله اني حبيبة مو لهالدرجة

وكويس انك مصبرة نفسك .. في البداية راح تعانين بس بعدين راح تتعودين

ولما تشوفين النتيجة راح تفرحين وتنسين كل التعب اللي مريت فيه

.
.

الحلا الخالد ..

ألف ألف ألف مبرووك

ماشاء الله تبارك الله ماباقي شي وتوصلين للي تبين

الله يوفقك ياااارب

.
.

أم تالين هلا والله .. آمين يارب الله يسمع منك

.
.
.

يا بنات اليوم من جد من جد بغى يغمى علي من الجوع

فطوري كان المفروض بيضتين وخيارة ومرتديلا

أنا أكلت بيضة وحدة ورحت ع الشغل على طول

وماتغديت ولا أكلت شي

يوم جاء المغرب حسيت نفسي بطيح .. ماقدرت أوقف أبد وجسمي كله يتنافض

استأذنت وطلعت .. ومريت البقالة اشتريت علبة زبادي أكلتها بالسيارة

والحمد لله هجدت وراح عني الصداع والرجفة

على طول رحت للبحر كانوا أهلي مجتمعين هناك

وأنواع الكيك جايبين والحلويات .. وجايبين سندويشات فلافل و سندويشات لحم مفروم .. وورق عنب

والحمد لله قاومتهم كلهم .. ومامديت يدي على شي منهم

مع ان خالتي أول ماشافتني .. قالت لي : تعالي تعالي سويت لك الكيكة اللي تحبينها ههههه << خالتي عندها طبق رهيب ماحد يضبطه الا هي وتعرف اني أعشقه من يدها

بس اعتذرت وقاومت كل شي

.
.

تدرون .. كل اللي هناك يوم شافوني .. يقولون لي مررررة نحفتي

يقولون اكتافي نزلت .. وخدودي انشفطت ههههه << كانوا يسموني أم خدود هههه

حمسوني للميزان ^_^

بعد شوي بتعشى علبة تونة بدون زيت + لبن أكتيفيا