مرحبا بنات

كيفكم ؟ وشخبار الريجيم وياكم ؟

ترى بدأ العد التنازلي لأول وزن بعد ماتفقنا نقتل ال 70

بدأ العد وجهزنا المسطرة الخشب

أنا أمس ماكتبت لكم لأن انشغلت

رجعت من الدوام على طول على السوق ومارجعت الا متأخر بالليل تعبانة مووت

أمس الفطور كان .. توست بر مع جبن قليل الدسم + شاي أخضر

الغدا .. مالحقت اتغدى بس في المجمع اكلت لي كرواسان جبن من الجوع

العشا تعشيت متأخر غصب عني وكنت ميتة جووووع

أكلت سندويش كباب دجاج مشوي + سندويش شيش طاووق + 3 حبات ورق عنب

وشربت نص علبة كوكا كولا .. أنا كنت طالبتنها دايت بس ماجابها على حسب الطلب

جابها عادية فشربت بس نصها

وطبعا رياضة كانت المشي في السوق لمدة5 ساعات

أما اليوم

الفطور .. توست بر مع جبن قليل الدسم + حليب كامل الدسم ماكان عندي قليل الدسم + كرواسان صغير زعتر

الغدا .. مكرونة بالصلصة الحمرا واللحم المفروم معمولة بدون زيت

العشا .. كرون فليكس وحليب قليل الدسم

الرياضة للحين ماعملت لكن ناوية أعمل شوية تمارين

طبعا البارحةشريت لي ثياب

وقبل شوي كنت باجرب قياساتهم .. تعالوا شوفوني وأنا أصارع عشان اسكر البنطلون بالغصب يتسكر

مع انه هو مقاسي اللي متعودة اشتريه على طوول

ولو اقعد فيه احتمال يعني يمكن يمكن ينشق من الكرشة اللي طالعة لي

لكن هالشي زادني اصرار اني اواصل واواصل واواصل

ويا أنا ويا هالبنطلون