السلام عليكم ورحمة الله وبركاته
كيفكم يا حلوين
أنا اليوم جاية وكلي أمل إنكم تفيدوني ...
أنا عمري 19 ووزني 115 << السبب في دا الوزن انو كان وزني 75 ورحت سويت رجيم كيميائي وتركتو فرجع وزني الضعفين فين كان مخي وقت ما عملتو ما اعرف
والمشكله انو كلو متركز عندي في الفخود والزنود شي مره يحطم
حلمي اني اروح لأخصائية تغذية لكن من سابع المستحيلات لأنو ماما رافضه دا الشي تماما
انا اكلي مو كتير و امشي كل يوم ساعه لكن وزني ما يتحرك
حاولت اخفف لمده شهر سرت افطر واتغدى واقفل فمي من 6 لكن برضو مافي امل وزني ثابت
بصراحه مره تعبت احس صحتي كل مالها تزداد سوء لأنو جا الموضوع من ناحيتين وزني والحالة النفسية السيئة اللي انا فيها
كل ما افكر اعمل دايت اسمع التحطيم من كل اللي حوليا حتى أمي ومع كدا اطنش واعمل لكن وزني ثابت فأسمع الكلام اللي يجرح تعبت مره
لدرجه اني اتمنى الموت كل لحظه على الحاله اللي انا عايشه فيها
فاتمنى انكم تفيدوني من تجاربكم الله يفرج همكم ويحقق أمانيكم ويسكنكم الفردوس الاعلى من الجنه آمين يارب العالمين