class="quote">اقتباس : المشاركة التي أضيفت بواسطة ولا احلى:
انا كنت فاكرة ان حكايتى صعبة بس بعد ما قرأت معاناة كل الشعوب من الوزن الزائد لقيت الموضوع سهل جدا
اولا انا وصل وزنى من 4سنين70 وبعدين قررت انزل وزنى رحت صالة جيم ونزل وزنى لحد 63 بعدين تركت الجيم وبقيت
بتمشى فى البيت على المشاية الكهربائية لمدة ساعة يوميا وقللت النشويات والسكريات ووصل وزنى 58 وبعدين نسيت
نفسى فرجع وزنى61 زعلت جدا بس كان عندى عزيمة فبدأت اتمشى تانى ساعة يوميا لمدة شهر وصل وزنى 57 ودى كانت
اول مرة تحصل وكنت فرحانة جدا المهم ماما قالتلى لازم تتخنى شوية وكل اللى شافنى بدل مايشجعنى قاللى زوتيها اوى
الأول احسن فاحبط وحسيت انى عملت كل دة على الفاضى وفضلت ازود وزنى وانا مش مقتنعة لحد مابقيت 63 قلت هاثبت
وزنى كدة وفعلا بقى شكل جسمى كويس بس طبعا ماعرفتش اثبت وزنى ووصلت دلوقتى67 فأنا زعلانة جدا ومحبطة عاوزة
اوصل63 بس زهقت من الرجيم والتمشية عاوزة اللى يشجعنى ويقوللى احسن رجيم اعمله ايه انا دلوقتى عمالة ابحث فى
خلطات التنحيف وخصوصا تقليل الكرش فياريت اللى عندها معلومة ماتبخلش على وحدة محبطة مش عرفة تبتدى منين
وتعمل اية وشكرا ليكوا الموضوع مميز جدا وفيه افادة للجميع
اهلا يا قمر بصي قسم التحدي الفرعي من قسم التمارين هذا فيه مسابقات لتقليل الكرش ممكن تشاركي فيها او لو ما شاركتي اعملي التمارين الموجوده فيها هاتساعدك كتير وامشي علي نظام التخفيف مش علي رجيم معين علشان جسمك ما يتعود عليه وان مرت فتره كبيره ووزنك ثابت اعملي يوم مفتوح كلي فيه كل اللي نفسك فيه ومن تاني يوم ارجعي للتخفيف اليوم ده بنضحك فيه علي جسمنا علشان يرجع يحرق سعرات والرياضه اهم شئ هي اللي تزود حرق السعرات خاصة انك عاوزه تنزلي 4 كيلو وبس ربنا يوفقك وتوصلي لهدفك بصحه وعافيه