ليه الجميل زعلان اوي كده تعالى نتكلم واحدة واحدة عن اللى قلتيه :
1- بالنسبة للوزن انتى ياحبيبتى مش سمينة قوى ياعنى وزنك معقول وممكن تشتركى مع مجموعة سواء تعرفيها او على النت فهى بجد مفيدة كتير وهتشجعك على النزول وخاصة ان انتى عايزة تنحفى 10 كيلو وده مع جروب هيكون اسهل وربنا يوفقك ..
2- ليه انتى ياحبيبتى ماعندك ثقة بنفسك لازم تثقى بنفسك وتحبيها علشان تبقي راضية ومقتنعة وبعدين زي ما بتنظرى للاحسن واجمل منك(وده اصلا انا مش موافقة عليه ) كمان انظرى للاقل منك جمالا واسمن منكى وانتى سوف تشعرى بسعادة ورضا عن نفسك وتشكرى ربك ..
3- وبالنسبة للاكل وقت الغضب او الاكتئاب انا كمان كده بس خلى عندك ارادة قوية وعزيمة وحددى هدفك وذكرى نفسك بيه ديما وخلى عقلك حارس عليكى وعند الشعور بالجوع حاولى تركزى على الفاكهة والخضار ..
4- بالنسبة لصديقتك هي دى سنة الحياة وزي ماهى بتتكلم عن جمال ومزايا حياتها الزوجية انتى كمان اكلمى على مزايا حياتك اللى بتحبيها وعمرماكان الزواج بالرشاقة والجمال لا ليه شروط اجمل واكمل بكتير زى الاخلاق والجمال الروحى وحاجات كتير وكله نصيب وتوفيق من عند ربنا ..
المهم الثقة بالنفس وربنا يوفقك ويرزقك بالزوج الصالح ان شاء الله
اسفة للاطالة وياريت تطمنينى عليكى ويارب اكون افدتك