حبيبتى ندى ورد الجنوب مش عارفة لو جوهرا حتقبل انك تدخلى معانا ولا لا بس على العموم انا حفيدك باللى انا عملته .
انا عملت نوعين من الرجيم اول واحد كان الفطار تفاحة و الغدا اى بروتين مع سلطة العشا يا تفاحة يا سطلة يا مش بتعشى , ده نزلت عليه 2 كيلو فى الاسبوع .
و عملت رجيم التمر و الحليب : 21 تمرة فى اليوم و 3 كاسات حليب خالى الدسم موزعين على الوجبات و ما تكليش غيرهم , ده نزلت عليه 3 كيلو فى الاسبوع .
اول ما بدأت الرجيم كنت بمشى ساعة يوميا على سرعة 6.0 بس دلوقتى ما بقتش بمشى علشان بعمل تمرينات البطن و الارداف و بنط الحبل كتير , تمرينات البطن و الارداف دول حتلاقيهم فى المنتدى هنا و لو ما عرفتيش تجيبيهم قوليلى احطلك اللينك بتاعهم و معروف ان نط الحبل مفيد لكل اجزاء الجسم حاولى تنطي كمان .
دلوقتى انا و امل بنعمل رجيم الحليب و التفاح بس حنجربه فى الاول و نشوف النتيجة و ربنا يوفقك ان شاء الله .