class="quote">اقتباس : المشاركة التي أضيفت بواسطة ضبي الريم:
أم تالين
مادري وش أقول لك
يعني برايك أروج أسوي لي قدر ورق عنب ؟
.
.
نسائم أنا ضيقتي مو علشان الكبسة .. شكلك فهمتيني غلط
أنا مقهوورة من ثبات وزني .. لأني حارمة نفسي من كل شي ع الفاضي
وكلام الفصل القديم للحين أتذكره وللحين انا مقتنعة فيه وربي
بس لييييييييش ما أنحف لييييييييييييييييش
انا ما قلت راح اترككم للأبد لأني ما أقدر وربي تعودت عليكم
بس فلت بغيب شوي وارجع أبشركم بنزول وزني هالشين .. حووم كبدي
والله أمس قعدت أصيح من القهر
ادري انك ماقلتي بتتركينا للابد بس انا حاسة انك لو ماصرتي تدخلين
راح تتكاسلين تدخلين او تفتحين النت ويمكن ياختي تنجرفيين ورا الشعاراااات الزائفه
وترجعين لعالم السمنه مرة ثانية هههههههه صارت مخدرات
,
,
,
والله بجد ياضبي الريم والله اني اتكلم صادقة ترانا نشجع بعض ونتحمس
خليني اقولك على سالفتي من شهرين انا ومجموعة من صديقاتي في الدوام
قررنا نسوي دايت ونترك الفطورات الدسمه والقهوه والحلويات لا وبعد دخلنا مع بعض نادي رياضي
وكنا متحمسيين ونروح كل يوم النادي ونسوي تمارين حسينا بفرق بسيط بس مامدانا تونا لو استمرينا حسينا بالفرق
المهم صرنا ننسحب وحده وحده كل وحدة طالعه بعذر شكل اللين تركنا النادي وفي الفتره اللي دخلت النادي يمكن ثلاث اسابيع نقصت ثلاثة كيلو
وبعدين تركوا البنات الرجيم لكن انا مازلت مستمره وبعدين انضميت لكم والحمد لله نقصت معكم ثلاثة كيلو وصارو كل مايشوفوني يقولون ا
نتي الوحيده اللي ماشاء الله عليك صرتي تنزلين وما زلتي محافضة والسبب هو دخولي معكم صرت احاول اني ماخرب رجيمي
والا لولا الله ثم انتم ماقدرت انقص
هاذي الاسباب اللي تخليني اقولك لاتروحين حتى لو فتر بسيطه خليك مستمرة معانا حتى لو مانقصتي
حاولي تلخبطين نظام اكلك بس بدون افراط وبأذن الله راح يتغير يعني السعرات الي تعود عليها جسمك غيريها
لانه في الحقيقة هذا أكبر سبب أيضًا أن النّاس الذين يتّبعون نظام غذائيّ عن طريق التجويع
ستخسّ للأسبوع الأوّل أو الثانيّ ثم يصلون لمرحلة التوقف عن خسارة الوزن بسبب تأقلم جسمهم على كمّيّة السّعرات المنخفضة
اتمنى وصلتك الفكره ياقلبي والله يسهل دربك ان شاء الله تروحين وترجعين سالمه وغانمه
