عزيزتي ياريت تجلسي مع زوجك جلسه هاديه وتكوني مرتبه كلامك كويس ويكون الجو هادي وعلاقتكم رايقه

تبدئي تفتحي معاه الموضوع بطريقه ناعمه وهادئه كان تقولي انت عارف انت غالي اذاي عندي واني احبك وما اقدر اعيش من غيرك

وانتظري هيرد يقولك ايه اكيد هيقولك كلمه حلوه وبالطريقه دي تبقي ضمنتي انه مش هيزعل من كلامك

وبعدها تكلمي عن مستقبل حياتكم مع بعض كان تقولي ربنا يطولي في عمرك انا بتخيل حياتنا سواا في المستقبل واحنا معجزين سواا

والله اكيد بتكون احلا عجوز مصحوبه بضحكه هاديه (ده مثلا يعني انت واسلوبك )<<بس انتبهي لتوقعي في فخ انك تكوني مش معوده زوجك علي الكلام ده

ساعتها هيستغرب ويحس في حاجه غلط

وان كنت مش معوداه اصبري 5 ايام عيشيه فيهم بنعيم وكلام حلو وابدئي بجرعات خفيفه وذودي بالتدريج>>

المهم بعد احلا عجوز تقولين له ان الي بيخلي علاقه الزوجين ناجحه احترام كل مهم للاخر والصراحه بين الطرفين

والحمد لله انك حنون وتحترمني وتعددي مزايا زوجك اكيد كل زوج له مزايا بعدها بصوت هادي وواثق وواطي بس احيانا بحس انك

مش عايز تقولي اللي انت عايز تعمله بجد واحيانا بحسك مش بتثق في تفكيري عشان كده بحسك احيانا بتكبر دماغك مني وتقولي انك هتعمل حاجه

وبعدين بتعمل غيرها طيب ناقشني واقنعني واقنعك

بس حبيبي لا ترضيني بردك وبعدين تزعلني بفعلك<< خلي بالك هيطلب منك امثله يعني هيقللك امتى حصل وهنا امسكي اعصبك

وخلي كلمة حبيبي تسبق كل جمله طالعه من فمك

وطبعا لازم تكوني محضره الامثله من قبل وعارفه هتقوليهم ازاي من غير ما تجرحي مشاعره

وخلي بالك اوعي تقولي كلمه (كذب) لا قولي خبيت عليا عملت حاجه غير اللي متفقين عليا

انت قولت كذا في حين الموضوع كذا مكنتش صريح معايا ..>>

بعدها اختمي كلامك بانك نفسك تكونوا اسعد 2 واني نفسي اسعدك وارضيك بس خلاص لازم توعدني انك تكون صريح معايا من هنا ورايح

وانا كمان هكون صريحه معاك ومتفهمه اكتر


ملحوظه

انا لا اقولك قولي كذا لا سمح الله اكيد انتي عارفه اللي يريح زوجك

واقولك حبيبتي كل الرجال يكذبون فلا تزعلي من زوجك

دراسه حديثه اثبتت ان الرجال يكذبون اكثر من النساء وان اكثر الرجال كذب هو الرجل الشرقي

فتقبلي زوجك علي عيبوه واحمدي الله في ازواج بهم عيون تستحيل معها العشره

والصراحه بينكم وتقبلك ورايه وانك تحسسيه انه ربان السفينه الزوجيه هتقلل من حدة المشكله

وعليكي بالاستغفار هيسخرلك زوجك


استغفر الله الذي لا اله الا هو الحي القيوم واتوب اليه


استغفر الله الذي لا اله الا هو الحي القيوم واتوب اليه


استغفر الله الذي لا اله الا هو الحي القيوم واتوب اليه



ربنا يسعدك في حياتك ولا تنسي الرقيه الشرعيه لتجنب الحسد

وهوني عليكي حبيبتي روقي اعصابك وربنا يرزقك ما تتمنين

اسفه للاطاله بارك الله فيكي