حبيبتى جنى
ان شاء الله يومك يعدى على خير و مادمتى خففتى اكلك حتلاقى نتيجه سريعه ان شاء الله
خصوصا لانك لسه فى بدايه الرجيم و النزول بيكون اسرع

رشوقه العسل
رجيم عذارى حلو و مشبع و فعلا الاجسام بتختلف

جلاكسى السكر
مادمتى مخففه من اكلك ان شاء الله حتوصلى لهدفك
و مش شرط انك تمشى على رجيم معين اعملى مع نفسك و اكيد ان شاء الله
بتلاقى نتيجه
و انا طولى 163 و وزنى الحالى قبل الميزان 73
يعنى تقريبا متقاربين انا و انتى
و ان شاء الله نوصلوا كلنا لهدفنا


انا كنت بتبع نظامين للرجيم الكلاسيكى و السعرات انا نزلت لكم الكلاسيكى و حنزل لكم السعرات بجد روعه

و معرفش ليه بيجينى احباط لما اتبع رجيم معين و احس انى مخنوقه بعكس لما بنظم مع نفسى
و بيكون افضل من اتباعى لنظام معين
بس اكتر نظام ارتحت معاه هو الكلاسيكى و تقريبا هو افضل رجيم و جاب نتيجه معايا
و بحس براحه نفسيه لما التزم بيه
انا ممكن افطر و اتعشى من غير خبز
انما الغدا احب اخد خبز او رز و لو اكلت 3 معالق رز بكون فرحانه بيهم و كانهم طبق كبير
يعنى احب يكون نظامى مكتمل عشان لما اخلص رجيم يكون الخبز و الارز شىء عادى عندى
لان الحياه متنفعش من غيرهم و لازم احطهم فى نظامى
انا يوم الارز احاول الصبح انى اكل اى شىء لا يحتوى على الخبز و اكتفى بالنشويات اللى هم 3 معالق ارز
و يوم الخبز افطر ربع رغيف و الغدا اخد نص يعنى معدلى رغيف الا ربع
و هو دا الصحى و المطلوب

و بالنسبه لفطارى
كان زبادى و ربع رغيف مع خيار

و الغدا كان سالمون و سلطه و شويه ملوخيه و نص رغيف

و العشا ان شاء الله زبادى و تفاحه

بجد اليوم كان ممتع جدا و حسيت براحه نفسيه و دلوقتى حعمل التمارين مع مدربه المشى نص ساعه