أزيكم يا حلوين خبو الميزان ليوم السبت وبلاش ميزان كل يوم فكرتونى بزوجى دايما يقولى خسيتى كام انهارده اقول موزنتش يقول شكلك مخستيش مفيش فايده منتهى التشجيع الصراحه مبيهمنيش ومبوزنش لأنى لو وزنت ومطلعتش خاسه هاكل زى المجنونه انسو الميزان وافتكروه يوم السبت
انا اليوم فطرت شريحتين جبن قليله الدسم وخيارتين صغننين وبس
واكيد غداى سلطه بدون طماطم انا اليوم يعتبر اول يوم فى فادى ومتفائله جدا
مشيت ثلث ساعه فى الشمس الحارقه يمكن اسيح على رأى ابو العيال
وهانت كلها 25 كيلو يعنى يدينى ويديكم طوله العمر وأشوف اليوم ده وسلاام لكل الحلوين الوحشين لأ