السلام عليكم ورحمة الله وبركاته

والله الموضوع حلووو
تسلمين اختي

تحسين في احد يشاركج نفس المعاناة
بصراحة مع السمنة
في مواقف كثيرة صارت لي
بما انني أسمن وحده بين خواتي
ماحب اطلع من البيت ..
صارت لي نفس حالة نفسية
استحي من نظرات الناس لي
انطوائية
قريت ان العلماء يسمونه مرض اجتماعي
ان الانسان ما يريد يطلع يخاف من تعليقات الناس
شو اسوي لو كل بنات العايلة حلوات ما شاء الله واجسامهم تجنن .. وانا تختوته ما شاء الله علي
كثير افرح يوم حد يقول لي انتي حلوة
بس ازعل يوم يقولون .. لو كنتي ضعيفة كان بين هالشيء اكثر

يوم يطلعون خواتي للسوق
ابوي يشتري ملابسي
عاد ابوي يقيس البنطلون عليه
بعدين يقول للي فالمحل
جيبولي اكبر قياس
اخواتي يوم يرجعون من البيت يقعدون يضحكون ويقولون ابوي يشتريلج اكبر مقاس فالمحل ويقول عندنا بنت ضخمة فالبيت
ومب بس اخواتي حتى اخواني
عاد يوم يجي حد من الأولاد ويسبج بالدبودوبة شيء يحرج اكثر من ان تكون اختج

امي ما تسمح لي البس بناطيل فالبيت
ولا احصل حتى القميص الزين مع التنورة
الي ما بيبين كبر بطني
كل ملابسي هي جلابيات جلابيات

اذكر مرة اخواني سارو الملاهي ورحت معاهم بالغصب
في لعبة حق الاطفال
يسمحون لطول معين
يوم شافني الهندي ما خلاني ادخل قال هذي بيكسسر لعبة
انا صحت كثيييييييير

ولا يوم تصوروا صاحباتي عشان حفل التخرج هالسنة
انا اسمن وحدة طبعاً بالصف
انحرجت اتصور معاهم
حتى حفل تخرجي من الثانوية ما حضرته
احس باحراج من شكل جسمي