كل ده رغي
بقالي ساعه بقرأ اللي فاتني
لولو حبيبتي
حكايتك فعلا احلي واصعب حكايه
وبقيتي بجد بونبوناية المنتدي
ومش مدقه انك صغيرة كده
بصراحه كتاباتك بتدل علي مستوي عقل وذكاء اكبر من سنك ماشاء الله عليكي
ايمي
الف سلامه علي باباكي حبيبتي
ويارب تيجي هنا بالسلامه وتكوني في عين زوجك احلي مما كنت عروسه
وحابه اطمنك لاني كنت في نفس موقفك
انا جيت ابو ظبي وابني عمره3شهور
ومش ممكن انسي ابدا فرحه لقائي بزوجي اكتر بكتير من يو م عرسي
ومش ممكن ابدا ياخد باله من الكام كيلو اللي زدتيهم دول
وبكره تقولي احلي ماما قالت
هههههههههههه
ام روان الحبيبه
الظاهر انك فضلت سنين طويله تدعي ربنا حتي تسمني
والآن بتدعي ربنا علشان تنحفي تاني
يارب يخليلك بناتك وتشوفيهم كده عروسات حلوات
واعملي حسابك في الحمل الجاي حتي لاتزيدي كل اللي خسرتيه