الله يسلمك يا ايمى
من عينى يا حبيبتى بس مش عاررفة من اية الدوخة دى
بصى حبيبتى
انا بفطر اقل حاجة يعنى بيضة او شاى بلبن دايت او فاكهة او واحدة كيوى
بعدها الغداء الى موجود
يعنى طبق سوتية باللحمة او فراخ مسلوقة او مشوية او شوربة لحمة او كفتة مشوية
بس كنت بخلى ماما ياما تعملى اللحمة الى هيا من غير دهن او تشيلى الدهن من اللحمة
و ليا 2 ثمرة فاكهة فى اليوم
و العشاء ساعات بلغية او باكل فاكهة
منفعتش معايا اى وصفات او مشروبات
الرياضة يوميا ساعتين + كنت بتمشى مع اصحابى يوم ورا يوم + طبعا شغل البيت
كان عندى حافز قوى جداا
ان خالو حبيبى كان بقالو كتير مشافنيش هو وخالتو
و كمان انى اجيب لبس حلو
و كمان كان نفسى افرح الفرحة الى فرحتها و الى الناس شافوها فى عينى لما خسيت
لحد النهاردة لما رحت لجدى بيقولى انتى حتختفى ههههه حيبقى مفيش لولو
كمان اشربوا شاى اخضر على قد ما تقدروا
الشاى الاخضر دة روووعة و انا ان شاء الله حستبدلة بالشاى العادى
كفاية طعمة الرووعة دونا عن بقية المشروبات
علشان انا مبستحملش الطعم الوحش
و بسسسسسسسسس
حطوا بقى فى دماغكوا هدفكوا و اعوا تسيبوة
خلى بالك حاجة كمان متظهريش للناس لو قدرتى غير لما تخلصى خاااالص
علشان لو فى اسبوع مخستيش الى تقولك مش حتخسى و الى تقولك كفاية و الكلام الاهبل دة
انا كنت عاملة نفسى كانى فى مركز صحى مبتكلمش مع حد خاااااالص
طول الشهر دة مخرجتش غير مرة او مرتين للضرورة
معلهش بكرة حكمل
و سلام مخصوص ليكم كلكم
و سمعنى سلام لو مكنتش انت تخسسنى مين حيخسسنى