حبيبتي سمونه

الزنجبيل اخذه طازج واحط شرحات في الكوب واصب عليها الماء المغلي

والله طعمه لذيذ خصوصا اذا كان الشاي الاخضر بالنعناع الطازج او بالياسمين

طبعا كل على حسب ذوقه ومزاجه ومايحب


انا كنت ارفض مبدأ التخفيف وابي نتايج سريعه

ومرة من المرات زوجي سافر حبيت اسوي له مفاجأه وانزل وزني

عملت رجيم قاااااااااسي ورياضه جاااااااامدة جدا

كنت اقضي يومي كله في النادي مع الرياضة المرهقة العنيفه

النتيجه :

20 كيلو في اقل من شهرين

طبعا كانت مفاجأه للكل وقبلها انا

20 كيلو غيروني وصرت انسانه ثانيه وماشاء الله من غير ترهل لاني كنت اسوي رياضه عنيفه بانواعها

زوجي طار فيني

الناس قامت تتصل تسالني عن طريقة نزولي

خلص اشتراكي في النادي وتكيسلت اسجل من جديد

مع الجلسه في البيت بديت ارجع اكلي شوي شوي قمت اكل مثل قبل من غير ما احاسب


بدا وزني يزيد وانا اطمن نفسي اني اقدر اسيطر وان كل شي ( اندر كونترول )

بدت ثيابي تضيق علي وبديت ارجع للسايزات الكبيره بعد ماقمت البس ( سمول ) تصورو !

مع مشاكل الحمل وعدم قدرتي على الانجاب والعلاجات والعمليات اهملت نفسي

وفي لمح البصر ... رجع وزني مثل ماكان وبزيادة بعد ! والالعن جسمي صار مترهل لانه تعود على الرياضه !

تجربه مريره وقاسيه ما ابي احد يعيشها


طبعا صادني مرض السكر مع زيادة الوزن وصادتني ردة فعل عكسيه خلتني اسمن اكثر

اعتقد ان وزني وصل الى 110

بعد ماكان اقصى وزن 90!


حاليا قررت - وان شاء الله يكون قرار نهائي لا رجعة فيه - اني احافظ على صحتي في المقدمه واجعلها اولويات حياتي

لان الصحه ما تتعوض

بعدين التفت الى امور الجمال والرشاقه وطبعا هالامر مهم لكل انثى وزوجه

كالعادة صدعت لكم راسكم

بس صدقوني يا اخواتي ودي تستفيدو من تجربتي وما تكررو اخطائي

اليوم عندي موعد عند اخصائي السكر دعواتكم لي

طبعا المعدل التراكمي للسكر وصل 9 اخر مرة من شهرين

اليوم راح الشوف النتيجه من بعد التخفيف وتقليل النشويات والامتناع عن السكريات

موفقه حبيبتي

ِ