class="quote">اقتباس : المشاركة التي أضيفت بواسطة صموته:
انا عمرى 39 سنه ام والحمدلله لخمسه ابناء .. ( مثل العسل الله يهديهم ويصلحهم )

انا الحمدالله موظفه ومرتاحه صحيح عندى بعض الديون ولكن مثل اى ام واى بيت الضغط شهر يجى وشهر يفك ..

بناتى والحمدالله ماهم متشرطات ويرضون بالقليل بس اذا صار عندى مبلغ مااقصر عليهم يعنى ادلعهم فيه والبى لهم كل طلباتهم ..

المشكله انى انا احس بنقص عاطفى محتاجه شخص فى حياتى .. انا تزوجت وانا عمرى 18 سنه من رجل عمره 60 سنه ( كان صديق ابوى واحنا كنا عايشين على قد حالنا ابوى الله يرحمه كان يفكر انه بزواجى راح اكون اسعد مخلوقه وانى اعيش براحتى واقدر البس على كيفى واعيش عيشه احسن من عيشه اهلى .. زوجى كان متزوج 2 من قبل .. وعشت معاهم عيشه مااحب حتى اتذكرها كلها اهانه واحتقار وكانك عايشه فى غابه الكبير ياكل الصغير .. بعدها بديت انتبه لنفسى .. والحمدالله توظفت وشريت لى بيت ودخلت التجاره صحيح انى خسرت بس انى الحمدالله صرت احس بوجودى وكيانى .. )

المشكله ان زوجى تزوج على الشغاله حقه زوجته وسكنها فى بيت وسوى لها كل اللى هى تبيه وعاشت كانها اميره .. من سنتين توفى وطبعا اهله سوى لى مشاكل فى بيتى بس الحمدالله انحلت على خير .. وعايشه مع بناتى واختى وامى واخوانى الاولاد فى بيتى مبسوطه ..

مشكلتى ..

انى محرومه من الحنان .. دايم احس انى ابى رجال فى حياتى .. وابيه بالحلال .. يعنى اسمع لى كلمه حلوه احسن بكيانى .. اخوانى رافضين منطق انى اتزوج وكل ماتقدم لى شخص يقولون طماعان فيك .. ومايرضون حتى يقابلونه .. وانا تعبت .. من الوضع اللى انا عايشه فيه ..

لما ابى اى حاجه .. اجلس اطلب فلان وعلان مثل لما قدمت على سواق .. جلست اوراقه اكثر من خمسه شهور ومافيه احد راح سواها لى

بعض الاحيان اقول انا بكلم الشيخ واخليه يزوجنى وبعض الاحيان اقول خلاص ربى كاتب لى انى اعيش هالعيشه على الرغم ان بناتى موافقين انى اتزوج لانهم كانوا شايفين حياتى مع ابوهم كيف صارت .. ؟

ابى الحل لانى تعبانه نفسيا .. شاكره لكم ..