اختي ام رولا
الحل بسيط وبيدك
اولا لتفادي الخربطة في اي وقت لازم تكون ماكله وجباتك الرئيسيه والخفيفه في اوقاتهم علشان ما تشعري بالجوع وبالتالي للخربطه
اعتمدي عزيزتي هالاستراتيجيه وانت بتشوفي النتيجه
ثانيا وفري في الثلاجه الاكل الصحي والمفيد وابعدي نهائيا الاكل الغير صحي
يعني عبي ثلاجتك بالخضار والفاكهه والزبادي القليل الدسم وامنعي الشيبسات والحلويات
يعني حتى لو ضعفتي وفتحتي الثلاجه علشان الاكل مابتلاقي غير الاكل المفيد الصحي
ثالثا تعودي على شرب المشروبات المفيده اللي تساعد في الاحساس بالشبع وسد الشهية انا مثلا اشرب شاي اخضر بالنعناع واحس ان شهيتي للاكل قلت كثير
هذا اللي عندي يا اختي وتاكدي ان بالاراده مافيه شي مستحيل والله يوفقك
اختي سمونه اخبارك تسر الخاطر وحطي في بالك يا الغاليه ان لو حصل - لا سمح الله - وارادتك خفت وضعفتي واكلتي وخربطتي مهي نهايه الدنيا
علشان نفسيتك ما تتحطم وتنسفي كل اللي سويتيه << هذا اللي يحصل معاي اول لما اخربط في التخفيف بس الحين احاول اني اعدي الموضوع وافتح صفحه جديد وكان شيئا لم يكن
والله لا يجيب خربطات
اليوم رحت المستشفى بسبب الم في جنبي اليمين وطلع عندي كيس على المبيض حجمه 4 سم " اللهم لا اعتراض "
انا راح اعيد بمشئه الله المحاولة بس بعد سنه يكون جسمي تخلص من المنشطات المهلكه واكون قللت من وزني باذن بالله
دعواتكم احبتي
الغدا كان :
صالونه سمك " مرقه " + سلطة جرجير
وشربت كاسه شاي اخضر بالنعناع والياسمين
سمونه حبيبتي متابعه معاك وكل حماس اشوف نتايج التخفيف وباذن الله تبشرينا خير