نوم العوافي والتخت دافي يا ميمي

بنات ابشركم

حاسه ان نفسيتي في تحسن ولله الحمد

رب العالمين مايخلي عبده في ضيق

سبحانك يارب والله القصور مننا

اللهم مابنا من نعمة فمنك استغفرك واتوب اليك

ميمو حياتي كلماتك وتواجدك يشعرني بالسعادة ولا هانو الباقيين وعلى راسهم ضنضون وام ايه اللي منورين اليوميات ومتفاعلين معنا


قعدت مع نفسي وفكرت

قلت ليش اخلي ابليس يقلل من ارادتي وعزيمتي

وزني ثابت ماينزل ؟ وايه يعني

الحمد لله السكر عندي مضبوط وهذا بحد ذاته هدف

ودام انه ثابت احسن من انه في ازدياد !

واللي خلاني افكر بتفائل اكثر اني العصر قمت وتزينت لزوجي ولبست فستان والله مطلع جسمي روعه


والله يابنات حسيت زوجي يناضرني باعجاب وحب << اللهم ارزق اخواتي الزوج الصالح والذريه الصالحه انك سميع مجيب

وسبحان الله يوم قمت وعملت جو في البيت حتى زوجي تغير مزاجه وقال لي بعد ماصلينا المغرب يلا حبيبتي نطلع نتعشا برا وبالمرة تشتري هديتك

اختكم توتو ماصدقت خبر ، قمت وتجهزت وتانقت وابتسامتي شاقه الوجه

وبعدها رحنا السيف وشريت لي هديه ناعمه وحلوه " دبلة " ستايلها مودرن بدل الدبله اللي صار لها 12 سنة << ومع هذا لها ذكرى خاصه

والحين نجي للمهم << اوووووووف بعد كل هذا وتوك في المهم ههههههههههههه

تعشيت التالي :

سلطة دجاج مشوي من كودو ( بس )

والله يابنات حسيت اني انثى رقيقه ياحليل وانا قاعده على الطاولة وفي يدي شوكه وانا قاعده اكل " سلطة دجاج مشوي وبس " << الله يرحم ايام اول ايام ما اصف المحمر والمشمر قدامي هههههههههههههه

خلص صفحه وطويناها

باجر انا صايمه بمشيئة الرحمن

والحين بقوم اسوي لي كاسه شاي اخضر بالنعناع وباكل زبادي اكتيفيا " سحور "

ياريت بنات تقترحون علي اكل صحي للافطار باجر << من الحين افكر في الافطار اللي يعيني طول اليوم ههههههههههههههه

ميمي .. تنورين البحرين بزيارتج وخيرها بغيرها يا الغلا