سمينه مبروك الف مبروك النزول وحلو كيلوين ماشاء الله لكن لو تمرنتي نفس كلامك كان أكثر ..
ميمي دوم النشاط وبالعافيه الفطور . .. كم اعمارهم الي تصارعتي معهم هههههههه أنا أخاف من أخواني ضرب العيال يوجع والله ما أتحمله حتى باللعب إيدينهم قاسيه هههههههه ..
وكلامك حق هذاك الشيء التخفيف والعطله جاية واااااااااااااو والله إنك صادقه وقسم شايله همه

تعالي شوفي الطلبيات كل دقيقه وأنواع الوجبات ولا الشيبسات والي يدوخني >> التويكس أخقخق عنده .. >> بس الله يعينا وينصرنا على المغريات ومايروح تعبنا هدر ..
وأنا زود على كذا أحب المعجنات عشق جنوني وهذولي على طول يسمنوني مررره ..
وش بعد لا وحنا عاداتنا غبيه بالعطله كل يوم مانطلع الا ماخذين حلى ومعجنات ويجتمعون في أستراحه منتزه ملاهي لازم كلن يجيب خرابيط وتعالي شوفي فله الحريم ولااااااااااااا وبعده عشاء ياالله شلون بتاكلين
وش بتاكلين من هالخرابيط مافيه ولا شي يصلح للدايت ولا صحي ..

وأمس ياكلون شيبس ليز ملح وخل اشتهيته وجاء أخوي الصغنون ميمي هههه الي نفس اسمك يقول أفتحي لي وافتحه بغيت أخذ حبه بعدين قلت لالا وش مستفيده وعطيته اياه وصرت أقوى .. >> وعشان بطني بعد ههههه ..

وش بعد أنا أحب الشيبسات مررررره أكثر من الشوكليت لان الشكوليت اشتاق له طرياات أما الشيبس لالا كل وقت >>> وش بقى بالله ماحبيتيه ههههههههه

وتوتو = ماتشوفين شر وانتبهي لنفسك كان تعبتي اقطعي صيامك ,,

===================================

كلام مدري وش قلت بس خوذوا الي فهمتوا لاني أنا مب طبيعيه من التعب بس لازم أدخل عليكم حتى لو أنا مخرررفه ..

وبنااات أنا طلعت من المدرسه وعلى طول رحت المستشفى أشوف بطني ..
قالت الدكتوره معدتك تعبانه وفيك يمكن عسر هضمم ومعدتك استنكرت يمكن الكباب الي أكلتيه وعطتني دواء وقالت كولي كل شي مسلوق ودافي ومن هالحكي ..
المهم والممرضه تقيس لي الضغط والحرارة استأذنتها تقيس لي وزني لان ميزاني حق البيت أشك بقدراته العقليه لانه مو الكتروني ..

قالت لي مو مشكله تفضلي ..

قمت وشلحت عباتي وطبيت طبا فوق الميزان مو الكتروني تعرفونه هذااك حق المستشفيات الي ماغيره >> ايقالي جت وصف ..

المهم وقفت وأنا تعباااااااانه واتلواء من بطني ومير تقولي الوزن توقعوا ككم

طلع ماشاء الله تبارك الرحمن ناااااااااااقص وزني وصاير 80 وقسم فرحت فرح غير طبيعي وحسيت بطعم التعب اذا جيت أتمرن ولا قويت نفسي على أكل وهو مو صحي ..
والحمد لله والشكر لك يااااارب ماضاع تعبي ابد خساااره .. وتغيرت نفسيتي شوي بعد الوزن لاني فرحت ..

المهم أتمنى لكم مثل ماحققت من نجااااح لكن زيدوا الرياضه لانكم ماتتمرنون ..

أنا اليوم صايمه لاني خلقه من تعب بطني ما أشتهي شهي ,, لكن الله المستعان .

وبحاول أفطر على زبادي وتمر وماء ..
وان تغير شي علمتكم ..

الى القاء ..