بسم الله الرحمن الرحيم



السلام عليكم ورحمة الله وبركاته



طبعا سالفه النقط السوده بالرجل وايد متعبتنا وندور لها حل
ولا يفيد معاها لا شيره ولا اله براون ولا موس ولا اله.......
طبعا اول شي كنت اشيل ريلي بالموس وكانت النقط خفيفه
بعدين عقب ما تزوجت قمت اشيلها بالشيره وتعالي شوفي النقط يفشلون
قلت اجرب اله براون هم الوضع زاد الا قام يطلع لي حبوب فيها دم متجمد برجلي ويييع
المهم هذاك اليوم وانا ادور اتفصح بالمنتديات شفت طريقه وسويتها
الطريقه هي
قبل لا تشيلين ريلج حطي صنفره ايييي مقشر عندج استعمليه اي نوع
وفركي عدل عدل راح تحسين بالحبيبات وانتي تفركين
بعدين خليه خمس دقايق تقريبا وخذي الموس وشيلي راح تشوفين شلون الشعر ينشال بسررررعه ولاحظي الفرق بعد ما تشيلين واول ما تطلعين حطي زيت اللوز للترطيب
انا سويتها اول مره خفت الاثار يمكن 20%
واستمريت عليها والحين والحمدلله الاثار خفت 80% وانا صار لي شهرين تقريبا استعملها ومو بانتظام فما بالكم لو انتظم ؟؟؟
يعني يبي لي شهر والاثار خلااااااص تختفي
يابنات انا كنت ما اؤيد الموس للمتزوجات لكن والله اشيل ريلي بموس احسن من اقابل زوجي ورجلي فيها نقط سوده تفشل

يابنات انا استعملت مقشر كلينيك الي من دبنهامز الازرق
ومره استعملت مقشر لوريال الاخضر والاثنين حلوين
والله بعد ما تغسلينها بالماي تحسين بنعووووومه
هالنعومه حتى ابو الشباب يلاحظها

جربوها يابنات مره وحده وراح تدخلون هني تشكروني ان شاء الله وبتدعون لي
بس هالله هالله بالفرك الزين
على فكره انا بعد ما افكر ما اشيل المقشر اشيل بالموس والمقشر موجود بدل الرغوه او الصابون احلى واحلى


منقول