الموضوع
:
خلاص قررت اصير رشيقة الجزء الثالث
عرض مشاركة واحدة
كتبت : *{ مس شوشو }*
-
class="quote">
اقتباس : المشاركة التي أضيفت بواسطة نسائم الإيمان:
مس شوشو ماشاء الله عليك ياعمري وش هالنشاط اللي فقدناه الفتره اللي راحت
الله يوفقك ياقلبي
كلي ثقه بصررررراحه انا واصلة لقمة الاحباط لان وزني رافض يتحرك
واصله حدي بس الى الله المشتكى ماحد يعلم بحالي الا هو
وش اقولكم كل يوم كاس ماء دافي باليمون على الريق صارلي ثلاثة اسابيع
واشرب ترمس شاهي اخضر كل يوم
و رياضه كل يوم على الاقل نصف ساعه وحرمان وطفش وماكأني سويت شي
عسى الله يعين مالي الا الصبر
تسلمين يالغاليه نسائم الايمان
اخجلتم تواضعي
اختي خذي نصيحه مني
لاتتعبي نفسج وتشربين ليمون على الريق
احس يجيب الحرقان
اتبعي سنة النبي عليه الصلاة والسلام
على الريق ملعقة عسل تخلط في الماء وبكذا تصيري كانج شربتي كوب من العسل
بقولج عن قصة وصارت
في واحد مدخن ومره من المرات تعب لكن ما اعرف من الشو بالضبط
وبعد ما سوو اله فحوصات كانو يعرفون انه مدخن لكن شافو الرئه ماشاء الله تبارك الله بصحه
وسالو عن السبب قال الهم على الريق كل يوم ملعقة عسل في كوب من الماء ومستمر عليه
طبعا التدخين معروف انه مضر وما اشجعكم عليه ههههههههههههه لكن اعطيكم مثال عشان تعرفون الفايده
لكن اكتفو بملعقه فففففففقط لان كثرة العسل مرات يجيب اسهال
اختي نسائم الايمان
بعطيج نصيحه
اولا لاتشربين الليمون على الريق + خففي من كمية الشاي الاخضر لان كثرته تضر
ثانيا اريد اعرف اي نوع من الرياضه تمارسين
لان يفررق وفي اي وقت تمارسين الرياضه
وكيف نظام الاكل تخفيف ولا اتباع ريجيم معين ؟
في انواع من الرياضات تسبب زياده في العضلات يعني يودي الى زيادة وزنج او الحفاظ عليه ومايبين اثر الرياضه الا بعد كم شهر
---
اللي نفعني في نزول وزني
رياضة المشي والتخفيف
ووقت العشا اقلل كمية الاكل يعني انام وانا جوعانه
لكن طبعا مب كل يوم يعني مرات اتعشى عادي لكن ارجع اخفف وهذا اللي ماخلاني انقص من وزني وايد ههههههه
----
اتمني اختي اكون افدتج او شجعتج بشي بسيييييييييييط
بنات نصيييجه اذا تضايجتو من شي اشغلو وقتكم بذكر الله او بهوايه انتو تحبونها بدال الاكل
لاتاكلون وانتو تشوفون التلفزيووون <<< هذي النقطه مهمممممممممه