نهوله موضوعك حلو زيك ربنا يسعدكم ويهنيكم ويرزقكم الذريه الصالحه يااارب
طيب انا اتعرفت على زوجي بصوره غريبه شويه هو صديق زوج صديقتي وكان كل مايزورهم يسمع صديقتي تحكي عني ومرات تقول له انه بيفكرها فيني لان عندنا نفس التصرفات انا وهو .صار زوجي عنده فضول يتعرف علي فاخد رقم تليفوني من صديقتي وهي بعد ما اعطته الرقم حست بانها عملت مصيبه بانها ادته الرقم بدون استئذاني واني ممكن اهزيء ولد الناس واسمعه كلام مش كويس عشان اتصل بيه وعلاقته بيهم تبوظ ,المهم اتصلت بيه وقالت لي على اللي هببته وانا طبعا هزئتها وقلت لها بتوزعي ارقامي هو انا قلت لك عايزه عريس , ومن امتى وانا بتكلم مع شباب, وحسيت ان هي عملت كدا بحسن نيه واستحلفت للمحروس لما يتصل بيه اني حا اخليه يحرم حتى يتصل بامه هههههه .ومرت الايام وانا في الشغل يجيني تلفون وواحد بيناديني باسمي وبيسال انا واللا لا قلت ايوه دي انا انت مين راح قايل اسمه فعلى طول قلت له اااااااه انت فلان المهم مش عارفه ايه اللي حصل بس اسلوبه كان مهذب وساخر في نفس الوقت وكان كل مايسالني حاجه ارد عليه بتريقه بعدين تلفونه قطع .لما اتصل تاني قعدت اضحك عليه وقلت له كمان متصل بكرت دا انت مقطع على الاخر الواحد لما يتصل ببنت بيكلمها بخط او كرت مليان عشان برستيجه
وبعد كم يوم اتصل تاني ولقيتني فرحت لما شفت رقمه ولما حسيت اني بكون سعيده لما يتصل وان فعلا عندنا كتير من الحاجات المشتركه ونفس الاهتمامات ودرسنا في نفس الجامعه وانه انسان مريح بعدين لما لقيت نفسي مرتاحه له صرت استخير كتير وسبحان الله خلال شهر من عرفته خطبني وبعد تلات شهور اتكتب كتابنا وبعديه ب شهرين اتزوجنا وحاليا لينا 6 سنوات والحمدلله بنحب بعض واصحاب ربنا يخليه ليه ويحمينا شر العين واولاد وبنات الحرام ويرزقنا الذريه الصالحه
على فكره طول فترة تعارفنا كان هو في بلد وانا في بلد شفتوا القسمه والنصيب ونسينا موضوع صديقتي تماما ولما اتصلت بيه وقلت لها ان احنا اتخطبنا اتصدمت لانهاماكانت متخيله ان الموضوع يتطور هههه بس فرحت .