عرض مشاركة واحدة
كتبت : ام حنين 1981
-
نهوله الأموره دايما مواضيعك رائعه واحس انك متخصصه في لم شمل العضوات وتقريبهم من بعض الله يخليكي لنا وتبدعي كمان وكمان.
انا زواجي كان تقليدي زوجي يقربلنا من بعيد بس المضحك ان انا كنت مضربه عن الزواج كل ماييجي عريس اطفشو واحيانا مقابلهوش اصلا وماما يرتفع ضغطها مني ياحرام بس المره اللي اتقدملي زوجي بابا تدخل واصر اني اقابلو وانا طبعا ابتديت التخطيط لتطفيشو ولبست اي كلام ولاحطيت مكياج خالص وطلعت مبوزه وفضلت اتكلم عمال على بطال قدام امو عشان ترفضني ولما دخل جوزي علينا اتخرست خالص ولساني اتبلع ومتكلمتش ولا كلمه واعطيتوا ظهري ومبصتلوش خالص وهو مبطلش كلام وسلموا ومشيوا وانا فرحت افتكرت انهم طفشو واتفجأت تاني يوم انهم بيتصلوا وعايزين يحددوا موعد الملكه يعني كتب الكتاب على طول وفعلا ملكت خلال شهر واتزوجت بعد ست شهور وبقالي 5سنين ونص متزوجه وعندي ولد وبنت الحمدلله عقبالك انشالله ونفرح كلنا معاكي.