class="quote">اقتباس : المشاركة التي أضيفت بواسطة الدب الكسلان:
كل سنه وانتوا طيبين وكل سنه واحنا خسين بصحه وسلامه انشاءالله.
انا اخدت رجيم لرمضان حلو قوي وسهل من المنتدى هنا وانشاءالله حمشي عليه في رمضان الي تحب تشاركني انا حكتبو هنا وشدو حيلكوا وشجعوني بلاش رمضان يضحك علينا زي كل سنه.
الفطار: 2او3تمر + صحن صغير شوربه+ سلطه + 2سمبوسه اوفطاير + 5او6 ملاعق رز + ربع دجاجه
الساعه 8او9 : 2حبة فاكهه او قطعة حلى صغيره
الساعه 11 :شوربه + 1سمبوسه
السحور : 2توست بر + قطعة جبن خالي الدسم + خضار + كاسة حليب اولبن قليل الدسم
وممكن تبدلي حاجه بحاجه من الطبخ الموجود يعني بدل الرز والدجاج ممكن قطعة مكرونه صغيره او مسقعه او 4اصابع محشي .
بس المهم تبتدي بالسلطه وبعدين الشوربه وممكن تخليها شوربه خفيفه بأنك تسلقي الدجاج بدون جلد . وبعدها حتحسي بالشبع ومش حتقدري تكملي.
والاكثار من الميه حاولي تستبدلي اي عصير بميه يعني وفري السعرات الي في العصير احسن.
والمشي كمان مهم جدا نص ساعه
وعلى فكره انشاءالله كلنا نلتزم بالتراويح والقيام من اول يوم لوجه الله وكمان حنستفيد بالوقت بدل الاكل ومش لازم في المسجد انا بصلي في البيت بالمصحف يله نكسبها دنيا واخره انشاءالله .
انا شايفه انو سهل جدا وحتى كتير ومفهوش حرمان لأننا لو اتحرمنا في رمضان حنخربها.
كل سنه وانتوا طيبين جميعا وربنا يجعل رمضان شهر خير ورحمه ومغفره ونحافه كمان لنا كلنا.
كل سنة وانت طيبة يا قمر ورمضان كريم
انا شفت الرجيم ده وفعلا حسيت معقول جدا يمكن كتير شوية كمان انا ان شاء الله همشي عليه لاني محتاجة فعلا ان اخس قبل العيد يا رب يساعدنا كلنا
بس الا قوليلي البنات اختفو ليه فينكو؟؟؟؟؟
اوعي تكون الارادة راحت واستسلمتو ؟
انا كل اما اجي الغبط افتكر رجبم التمر واللبن اقول لا انا مش هارجع اللي خسيته تاني ان شاء الله
انا من كام يوم كده مش بامشي لاني كنت مشغولة شويه بس من بكره ان شاء الله هارجع تاني
سلام يا حبيبتي وجزاك الله خيرا