الموضوع
:
الرجيم الياباني مين يشجعني
عرض مشاركة واحدة
كتبت : مشاعل النهضه
-
الرجيم الياباني مين يشجعني
السلام عليكم ورحمة الله وبركاته
كيفكم ياحلوين ايش اخباركم
مبارك عليكم الشهر ينعاد علينا وعليكم يارب
اول شي بحكيلكم معاناتي وياكثر المعاناه الي شايلها دا القسم
كل القسم معاناتي قصتي يومياتي
عاد ايش نسوي لو ما نشيل هموم بعض مين يشيل همومنا
حبيباتي بداية قصتي من المتوسط وانا على هاذي الرجيمات مثلكم تمام من رجيم لرجيم
وشويه ناس تقول واااااااو نحفتي ومررره وااااااااو سمنتي ماخرب علينا غير كلام الناس وه ليش سمنتي وه ليش نحفتي
الله المستعان
المهم رحت لاخصائية تغذية كل الناس كويسه وممتازه انا الصراحه نقصت عندها بس والله يابنات ما نقصت على الرجيم الي تعطينا هوا
نقصت لاني انا احتاج متابعه لو مافي احد يتابعني ما انقص لو ايش ما يسير
وهادا الي شجعني اكتب الموضوع حتى لو مافي احد بيعطيني وجه وانا متاكده من كذا 100%
بس برضو لاني استفدت منكم كثييير املي في الله ثم فيكم
اقلها اوهم نفسي انه في احد متابعني لانه بعد ما رجعت من السفر زاد وزني وانا قبل السفر نحفانه والناس كلها وااو نحفتي وفكرت اروح اخصائية بس والله حرام اروح بس عشان متابعه
بدخل في الموضوع المهم
الرجيم الياباني ما ادري قد احد سمع عنه ولا لا او امكن احد كتب الموضوع قبل كدا الله اعلم
هوا عباره عن
الفطور 4 موزات
الغداء اي شي
العشا لايوجد
ممنوع الاكل بعد الساعه 6
شرب الماء بكميه كبيره
ممنوع شرب اي شي ولا شاهي ولا قهوه ولا عصير غير الماء مافي
تناول قطعه صغير اي نوع حلى
عارفه انه صعب
طبعا انا في رمضان يعني لازم اغير شويه اسوي تعديلات
اول تعديل بدال الموز اخليها 3 أو 5 أو 7 تمرات مع كاس ماء
رياضة انا افضل المشي مشي ساعه انو نص ساعه قبل التراويح
بعد التراويح شوربة زبديه صغيرة سلطة واي شي مسوينه على الفطور قطعه وحده بس يعني لقمه من كل شي
السحور لو لازم ممكن لبن زبادي او لبن رايب اكتيفيا او خياره او اناناس ....
انا عارفه انه صعب بس مو مشكلة حاولت بكل شي
بحاول كمان مره
ادعولي يابنات اني انحف وزني 70 >>>>بحاول اوصل 50
وان شاء الله اول يوم ببدا فيه اليوم السبت
4-9-1431هـ 14أغسطس
وراح اكتب كل يوم ايش اكلت وجاتني دوخه ولا لا والمشي كم ساعه وكل نهاية اسبوع اكتب كم نقصت ان شاءالله
دعواتكم حبايبي
وان شاء الله ربنا ينحفنا كلنا اللهم اميييين
اسفه طولت عليكم