عرض مشاركة واحدة
كتبت : قلبوظه نفسها تخس
-
انا طول عمري وانا تخينه بس كنت عملت رجيم ونزلت عليه وصلت من 92 الي 75 والموضوع ده فضل شهر بس

ورجعت تاني الي 94 وطول عمري تخينه ومش هقولكم علي اللبس بقا يا سلام نفس انزل واجيب لبس زي البنات الحلوه

وطبعا الزياده في الوزن بتكبر السن ومريت طبعا بمواقف محرجه كتير منها طبعا لما تيجي تنقي حاجه لا المقاس بتاعها محدد بيقي منظر وحش

والله الموقف ده حصل بجد معايا قبل رمضان بيوم نزلت اشتري لبس فعجبني طقم حلو اوي لسه داخله المحل ومكملتش كلامي مع البنت اللي واقفه
وبسالها علي الالوان مش اكتر لاقيتها بتقول لا اساسا مفيش مقاسك ساعتها حسيت اني بموت

والنهارده حصل موقف انما ايه كان في عريس عاوز يشوفني وبصراحه اخلاقه شكله حلوين ومستوي حلو وعجبني اوي

لسه بيشوفني بص ليا بصه وانا تمنيت ان الارض تتشق وتباعني زي ما بيقولوا انا حاسه اني همووووت

ليه الاراده عندي ضعيفه كده ليه بعمل في نفسي كده وبنضيع حاجات حلوه كتيره في حياتنا ولازم موقف يحصل لينا علشان نفوق

والاراده اني لازم اخس هي اسبوع بس مش بتطول لما انا حاسه اني بموت ومش عارفه اعمل ايه

انا طولت عليكم بس كنت بفضفض لاني مش لاقيه حد اتكلم معاه

نفس اخس والمشكله اني عاوزه اخس وانا باكل وقاعده قدام النت طول النهار طيب ازاي مش عارفه

انا مخنووووووووووووووووقه اووووووووي ومش عارفه اعمل ايه وخصوصا بعد موقف النهارده