السلام عليكم ورحمة الله وبركاته
اولا الف مبروك يا قمر وربنا يتمم لك بخير
بصي يا قمر انا لما جوزي جه يخطبني لبست بنطلون اسود واسع يعني مش مجسم ولا ماسك وعليه بلوزة سودة وفيها وردات احمر وفروع خضرا .. والمكياج كان خفيف ماسكرا وايشادو وروج روز فاتح جدا قريب من لون الشفايف الطبيعي وطبعا كنت محجبة لبست طرحتين فوق بعض واحدة حمرا والتانية خضرا نفس الالوان اللي في البلوزة وكنت لابسة حذاء - اكرمك الله - مفتوح من الخلف كعب مش عالي قوي يعني حوالي 3 سم .. وعطر خفيف ..
بالنسبة لاختياراتك طبعا انت ادرى بملابسك وايه المناسب لجسمك ويكون حلو عليك .. ورأيي طبعا لما تدخلي للعريس تكوني لابسه حجابك وبما ان والدته واخواته هيكونوا موجودين هم اللي يشوفوك بشعرك وطبعا تعملي سشوار وتسيبيه ينسدل على ظهرك .. هههه حلوة ينسدل دي .. ومكياج خفيف ما تتقلي زي ما شوشو قالت عشان ما تغيري كم شكلك وبعد كده باذن الله لما ربنا يتمم لك بخير يتفاجأ انه اتجوز واحدة تانية هههههههه .. ورأيي طبعا الحذاء يكون كعب حتى لو 3 سم لان الكعب بيعطي المشية شكل حلو وبيعمل توازن في الجسم غير الاحذية الفلات ..