الموضوع: ابغى اسوى تجمع للاوزان فوق ال100 كيلو مين تدخل
عرض مشاركة واحدة
كتبت : ام حور
-
السلام عليكم ياحلويييييين

عارفة اني من زمان مادخلت بالموضوع بس والله مزحومة ع الاخر كل ليلة طلعة بالسوق ومشاوير ماارجع البيت الا بعد الساعة 2 الفجر ويكون ماعندي طاقة بالمرة اعذروني ياحبايبي والله غصب علي

حبيبتي رشيقة انا نزلت كيلو في خلال اسبوع تقريبا وانا عارفة انها قليلة بس انا وزني ينزل بطيء بالمرة
متى الله يفرجها الله يبارك لك ويبلغك باهلك وحبايبك يارب

بس طبعا انا صارلي كم يوم ماوزنت وخايفة اني زايدة شوي الله يستر

طبعا من العقد واللي دايم تصير معانا احنا الدبدوبات ان اليوم المفروض ارسل بدلتي اللي لازم البسها ثاني يوم زواج اخواني احنا نسميها جلوات طبعا
المهم اني راح البس لبس هندي مثل اللي يلبسونه الهنود في زواجاتهم اللي تجي تنورة وبلوزة وشال
طبعا الماساة لما سالتني الخياطة انتي تبغي يطلع شوي من البطن جلست اضحك واقولها اي بطن يابنت الحلال حلاة السرة حقتي اللي كانها مغارة علي بابا
بس الله من داخلي كنت مقهورة مرة من حالي كيف وصلت حالي لكذا
اعذروني ع الاطالة بس حبيت افضفض شوي من القهر اللي فيني والله
وانا طبعا معزمة بعد ماتفتح المدارس اروح رياضة كل يوم الصباح وقت اللي بناتي ثنتينهم اللي بالمدرسة والثانية بالروضة فانشاالله راح اسجل والله يثبتني يارب ع الطريق الصح ونكمل كلنا ونوصل للجسم اللي احنا نبيه بصحة وعافية
المهم نسيت ارحب بالمشتركة الجديدة معانا اهلا فيكي اختي بيننا ويارب نكمل

انشاالله بكرة القى وقت وادخل سلاااااااااااام