عرض مشاركة واحدة
كتبت : انا الشموخ
-
class="quote">اقتباس : المشاركة التي أضيفت بواسطة شوشو العسوله:
شموخة في وحدة في منتدى ثاني عجبني رجيمها شرايكم
السلام عليكم ورحمة الله


العام الفائت كنت مع قروب ماذكر اسمه
بس كننا نتواصل عن الاكل والمشي
وكان هالشي داعم لي بقوه لاني اكتب لهم كل شي كنت اسويه
واستفسر عنه واسال
والفضل لله ثم لهم بالمسانده والتشجيع
لكن انا اتعبت الرجيم الي تأقلمت معه وارتحت عليه
وطبعا يابنات بالعيد ماحد لاحظ علي
لكن بعد العيد بسبوع نزل وزني بشكل كبير
والكل سالني عنه وقلت لهم عليه
واتبعوه ونزلوا عليه
مع اني افضل هالنظام يستخدم برمضان فقط

بقولكم نظامي وطامعه فقط بدعواتكم لي بالتوفيق والشفاء العاجل

وزني كان 77
ونزلت من هالرجيم 55


بقولكم رجيمي من فطور المغرب حتى الفجر

الافطار
7 تمرات
كوب عصير
قهوه
واذا اشتهيت مثلا شي بالسفره اخذ منه حبه وحده فقط
وماء كثيرررررررر
بعد صلاة المغرب اذا حسيتي بالجوع اخذ شوربه
اما اذا بطني ممتلى من الماء اجلها الى وقت متاخر

بعد التراويح
اخذ كوب شاهي بسكر الرجيم
مع حبتين فطائر او حبتين سمبوسك فقط


بعدها ماء ومشي تقريبا انا مشيت بالتدريج نص ساعه وصرت ازيد
مع شرب ماء كثير

حسيتي بالجوع عصير او ماء

السحورر
7 تمرات ولبن فقط

وكنت احس احيانا بالشبع اقلل كمية التمر


هذا نظامي من اول رمضان الى اخره

بس كنت انقص بالفطور حتى المعده تصغر وتتعود
اول اسبوع كلت 7 تمرات
والاسبوع الي بعده 4 تمرات
ثم 3
وهكذا


بتسالوني بعد العيد اكيد اكلتي بشراهه

بقولكم

الى يومكم هذا صار اكلي قليل بعد ماكنت اكل بشراهه
وتغيرت عادتي الغذائيه
صرت اكل كل شي مشوي
وطبعا بعد مرور شهر ضميرك راح يانبك اذا كلتي اكثر مما تحتاجي

واهم شر شرب الماء

الطريقه الي انا اعملها حتى اضمن اني اشرب 8 اكواب واكثر

جبت لي ماء صحيه بعلبه معباه فيها عشر اكوب
وصرت حاطتها على السرير لاني ماشرب الماء بارد
اشربه بحراره الغرفه
واشرب القاروره كامله باليوم
وارجع اعبيها وهكذا
حتى ماجلس اعدد عدد الاكوب الي شربت


ونسيت اقولكم
ان بالميزان كنت انقهر لان وزني مانقص
فقالوا لي البنات اكسري الرجيم باكل دسم شوي فكلت كبسه
قبل العيد بسبوع وبعد العيد نزلت بشكل مو طبيعي



نسيت اقولكم طريقتي بالمشي

معي جوال فيه ردوا فكنت احط على اذاغه القران واسمع صلاة التراويح
وامشي وانا اردد وراء الشيخ
وكانت رياضتي مسليه
لاني كنت احرك يديني واهرول شوي
وامشي بسرعه
وابطى السرعه
واسوي مروحه بيدي
عشان الترهل

ولما امشي اشد بطني دوره وحده
لاني كنت امشي بالسطح
اشد بطني وامشي
وصار جسمي مشدود

هذا نظامي بشكل كامل واي سؤال انا حاضره لكم
فقط طامعه في دعواتكم بهالشهر الفضيل ان الله ييسر اموري ويشفيني ويوفقني بكل اموري



شرايكم نخليها للاسبوعين الجااااية والاخيييييرة شدووو الهمة يافاااااااااارسات اللحين نبي نضاعف كل شي من الرياضة عشان نخسر اكثر
حلوووو نظامها شوشو
وشكلها صادقة